যিহিষ্কেল 11:20 - Chakma Bible

²⁰ সেক্কে তারা মঅ সুদোম মজিম্ চলিবাক্ আর মর্ রীদি-সুদোমানি যত্তন্ গুরি পালেবাক্। তারা মঅ মানুচ্ অবাক্ আর মুই তারার্ গোজেন ওম।

যিহিষ্কেল 11:20 ပူးပေါင်းရင်းမြစ်များ

পত্থম 17:8

যে কনান দেজত্‌ তুই ইক্কিনে বিদেশী ওইনে বজত্তি গরর্‌ তার বেক্কানি উমরর্‌ সোম্বোত্তি ইজেবে মুই তরে আর তঅ বংশবোরে দিলুং। মুই তারার বেক্কুনোর্‌ গোজেন ওলুং।”

গীতসংহিতা 105:45

যেনে তারা তার সুদোমানি পালান্ আর তার রীদি-সুুদোমানি মানন্। লগেপ্রভুরে নাঙ্ গিনে ওক্।

গীতসংহিতা 119:1

বর্ পেইয়্যে সেই মানুচ্চুন, যিগুনে দোল্ জিংকানি কাদান্ আর লগেপ্রভুর উগুম্ মজিম চলন্।

গীতসংহিতা 119:32

তর্ উগুমে মুই পধেন্দি দাবা যেম্, কিত্তে তুই মর্ মনান্ খুলি দুয়োচ্।

গম্ উপদেজ্ 9:6

তুই ভুল্ মানুচ্চুনো লগে মিজেনা বাদ দে, সেক্কে তুই বাঁজিবে; তুই বিচেরবুদ্ধির্ পধেদি আঢাউদো গর্।”

যিরমিয় 11:4

যেক্কেনে মুই তমা পুরোণি মানুচ্চুনোরে মিসরত্তুন, লুয়ো গোলেয়্যে চুলোত্তুন্ নিগিলেই আন্যং সেক্কেনে মুই ইয়েন কোইনে তারারে উগুম দুয়োং, ‘তুমি মঅ কধাগান শুনো আর মুই যিয়েনি গুরিবাত্যে উগুম গোজ্জ্যং সিয়েনি গর, সালে তুমি মঅ মানুচ্ অবা আর মুই তমার গোজেন ওম্।

যিরমিয় 24:5

মুই ইস্রায়েলর গোজেন লগেপ্রভু কঙর্, যিহূদাত্তুন যে বন্দীগুনোরে মুই ইত্তুন বাবিলীয়গুনোর দেজত্ পাদেয়োং তারারে মুই এই গম্ ডোমোর ধোক্ক্যেন মনে গুরিম।

যিরমিয় 24:7

মুয়ই যে লগেপ্রভু সিয়েন হবর্ পেবার মনান্ মুই তারারে দিম। তারা মর্ মানুচ্ অবাক্ আর মুই তারার গোজেন ওম্, কিত্তে বেক্ মনান্ দিইনে তারা মইধু ফিরি এবাক্।

যিরমিয় 30:22

সেনত্তে তুমি মঅ মানুচ্ অবা আর মুই তমার গোজেন ওম্।”

যিরমিয় 31:33

পরেদি মুই ইস্রায়েলীয়গুনোত্তে যে সুদোমান থিদেবর্ গুরিম সিয়েন অলঅ, মর্ রীদি-সুদোমান্ মুই তারার মন ভিদিরে রাগেম আর তারার মনত্অ সিয়েন লিগি রাগেম। মুই তারার গোজেন ওম্ আর তারা মঅ মানুচ্ অবাক্।

যিরমিয় 32:38

তারা মঅ মানুচ্ অবাক্ আর মুই তারার গোজেন ওম্।

যিরমিয় 32:39

মুই তারারে এমন মন আর স্বভাব দিম যিগুনে বানা মইন্দি এগামনে এগাচিত্তে থেবাক্; সেক্কে তারা নিজোর আর তারার পরেদি তারার ঝি-পুয়োগুনোর ভালেদিত্তে নিত্য মরে ভোক্তি গুরিনে দোরেবাক্।

যিহিষ্কেল 11:12

সেক্কে তুমি হবর্ পেবা যে, মুয়ই লগেপ্রভু। তুমি মর্ সুদোম্ মজিম্ ন-চলঅ বা মর্ রীদি-সুদোমানিয়ো ন-পালঅ বরং তমা চেরোকিত্তে জাদ্‌তুনো সুদোম্ মজিম্ চোল্য।’”

যিহিষ্কেল 14:11

সেক্কে ইস্রায়েলীয়গুনে আর মত্তুন্ ভান্ন্যেই পধেদি ন-যেবাক্ আর তারার্ বেক পাপ্পানিলোই নিজোরে আর অসিজি ন-গুরিবাক্। তারা মঅ মানুচ্ অবাক্ আর মুই তারার্ গোজেন ওম্। মুই প্রভু লগেপ্রভু এ কধাগান কঙর্।”

যিহিষ্কেল 37:23

তারার্ বেক মূত্তিগুন, মূত্তি বা তারার্ কনঅ বজং জিনিস্‌‌‌চোই তারা আর্ নিজোরে অসিজি ন-গুরিবাক্। তারার্ বেক পাপ আর ভান্ন্যেই পধেদি যানাত্তুন্ মুই তারারে রোক্ষ্যে গুরিম আর সিজি গুরিম। তারা মঅ মানুচ্ অবাক্ আর মুই তারার্ গোজেন ওম্।

যিহিষ্কেল 37:27

মর্ থেবার জাগায়ান অবঅ তারা ভিদিরে; মুই তারার্ গোজেন ওম্ আর তারা মঅ মানুচ্ অবাক্।

যিহিষ্কেল 43:11

তারা যুনি তারার্ বেক কামানিত্তে লাজান্ সালে উবোসনা-ঘরর নক্‌শাগানর্ খুদিনাঢি তারারে জানা; তার্ ফ্রেমানি, তার বারেদি যেবার আর ভিদিরে সোমেবার পথ্‌তান, অত্তাৎ তার পুরো আড়ুগ্‌কান্ আর তার্ বেক নিয়ম আর রীদি-সুদোমানি তারা ইধু ফগদাং গর্। সিয়েনর্ বেক্কানি তারা মুজুঙোত্ লেখ্ যেনে তারা সিয়েনর নক্‌শা মজিম্ কাম্ গুরি পারন আর সিয়েনর বেক সুদোমানি মানি চলি পারন্।

হোশেয় 2:23

মত্তেই মুই তারে দেজত্ বিজ ধোক্ক্যেন গুরি গেজেম্; মুই যিবেরে কোইয়োং, ‘মঅ দোয়্যের মানুচ্ নয়,’ তারে মুই দোয়্যে গুরিম। মুই যিগুনোরে কোইয়োং, ‘মঅ মানুচ্ নয়,’ তারারে মুই কোম, ‘তুমি মঅ মানুচ্’; আর তারা কবাক্, ‘তুয়ই আমা গোজেন।’ ”

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”

সখরিয় 8:8

যিরূশালেমত্ বজত্তি গুরিবাত্তে মুই তারারে ফিরেই আনিম। তারা মঅ মানুচ্ অবাক্ আর মুই তারার্ গোজেন ওম্; মুই তারা উগুরে বিশ্বেজি আর ন্যায়বান থেইম্।

লূকে লেখ্যে গম্ হবর্ 1:6

তারা দ্বিজনে গোজেনর্ চোগেদি ধার্মিক এলাক্। প্রভুর্ বেক্ উগুমানি আর সুদোমানি তারা গমেডালে পালেদাক্।

রোমীয় 16:26

মাত্তর্ ইক্কিনে গম্ হবরানর্ মাধ্যমে সিয়েন ফগদাং ওইয়্যে আর সেবাবোত্যেগুরি মুই প্রচার গরঙর্। উমর গোজেনর্ উগুম মজিম ভাববাদীগুনোর্ লেঘার্ মাধ্যমে বেক্ জাদর্ মানুচ্চুনো ইধু সিয়েন জানা ওইয়্যে, যেন তারা খ্রীষ্ট উগুরে বিশ্বেজ্ গুরিনে গোজেনর্ বাধ্য ওই পারন্।

১ করিন্হীয় 11:2

মুই তমারে বাঈনী গরঙর্, কিয়া তুমি বেক্কানি পৌইদ্যেনে মঅ কধানি মনত্ গুরি থাগঅ, আর মুই তমারে যে শিক্ষ্যেনি দুয়োং সিয়েনি ধুরি রাগর্।

দ্বি’লম্বর বিররণ 30:6

তুমি যেনে তমার বেক্‌ মনান-পরাণান দিইনে তারে কোচ্‌পেইনে বাঁজি থাগঅ সেনত্যে তে তমারে আর তমার বংশধরুনোর মনত্‌ তনা গুরিবো।

ইব্রীয় 11:16

মাত্তর্ তারা আরঅ গম এক্কান দেজর্, অত্তাৎ স্বর্গগানরে তগাদন্। সেনত্যে গোজেনে নিজোরে তারার্ গোজেন কধে ন-লাজায়, কিয়া তে তারাত্যে এক্কান শঅর্ বানেয়্যে।

ইব্রীয় 8:10

প্রভু আরঅ কয়, “যেরেদি মুই ইস্রায়েলীয়গুনোত্যে যে বেবস্থাগান থিদেবর্ গুরিম। সিয়েন অলঅ, মর্ আইন-কানুনানি মুই তারার্ মন ভিদিরে থোম্ আর তারার্ রিবেঙত্অ সিয়েনি লিগি রাগেম। মুই তারার্ গোজেন ওম্, আর তারা মঅ মানুচ্‌ অবাক্।