যিহিষ্কেল 11:13 - Chakma Bible

¹³ মুই যেক্কে ভাববাদী ইজেবে কধা কোইয়োং সেক্কে বনায়র পুয়ো প্লটিয় মুরি গেলঅ। সেক্কে মুই মাঢা নিগিরি পড়িনে আবেগ সমারে দাঙর্ দাঙর্ গুরি কলুং, “হায়, প্রভু লগেপ্রভু! তুই কি ইস্রায়েলর বাদবাগি মানুচ্চুনোরে বেক্কুনোরে শেষ্ গুরি দিবে?”

যিহিষ্কেল 11:13 ပူးပေါင်းရင်းမြစ်များ

১ রাজাবলী 13:4

বৈথেলত্‌ ডালিপূজোবোর্‌ বিরুদ্ধে গোজেনর মানুচ্চো কধা শুনিনে রাজা যারবিয়ামে ডালিপূজোবো উগুরে আঢ্ বাবেইনে কলদে, “তারে ধরঅ।” মাত্তর্‌ যে আঢ্‌তান্‌ তে মানুচ্চোর্‌ ইন্দি বাবেই দিলো সিয়েন্‌ শুগেই গেলঅ। তে আর্‌ সিয়েন্‌ কায়কুরে টানি নেযেই ন-পারিলো।

গীতসংহিতা 106:23

সেনত্তে গোজেনে কলঅ তারারে দুনিয়েত্তুন উদেই দিম্; তে সিয়েনোই গুরিদো মাত্তর্ তার বেঈ লোইয়্যে মানুচ্ মোশি তারে মানা গুরিলো, তে যেন তারারে শেজ্ গরানার আদত্তুন্ রাগ্‌কান ফিরেই পারে।

গীতসংহিতা 119:120

তঅ দরে মঅ কিয়্যেগান গির্‌গিরে উদে; তঅ সুদোমানি মুই দরাং।

গম্ উপদেজ্ 6:15

সেনত্তে আদিক্ক্যেন্‌গুরি তা উগুরে দজা এবঅ; যে কনঅ সময়োত্ তে ভস্ত ওই যেবঅ, তে আর্ উদি ন-পারিবো।

যিহিষ্কেল 11:1

সে পরেদি লগেপ্রভুর আত্মাগানে মরে তুলি নিইনে উবোসনা-ঘরর্ পূগেদি গেদো ইধু আনিলো। সিয়েনত্ গেদোত্ সোমেবার পদথ্ পোজোচ্‌জন মরদ এলাক্, আর মুই তারা ভিদিরে অসূরর পুয়ো যাসনিয় আর বনায়র পুয়ো প্লটিয়রে দেগিলুং; তারা এলাক্ মানুচ্চুনোর নেতা।

যিহিষ্কেল 11:14

সেক্কে লগেপ্রভুর এ কধানি মইধু ফগদাং অলঅ,

যিহিষ্কেল 20:17

তো মুই তারারে মেয়্যের্ চোগেদি চেইনে ধূল্যেচর-চাগালাত্ তারারে এক্কুবারে ভস্ত ন-গরং।

যিহিষ্কেল 37:7

মরে যেবাবোত্যেগুরি উগুম্ দিয়্যে ওইয়্যে মুই সেবাবোত্যেগুরি আগাম্ কধা কলুং। আগাম্ কধা কবার্ অক্তত্ খট্‌খট্‌ রঅ উয়া ধুরিলো আর আড়ুন্ পত্তিবো নিজো নিজো আড় লগে এগত্তর্ অলাক্।

যিহিষ্কেল 7:2

“ও মান্‌‌জ্যর্ পুয়োবো, ইস্রায়েল দেজ ইধু মুই প্রভু লগেপ্রভু এ কধাগান কঙর্, ‘চাহ্, শেজ্ সময়! দেজ চেরোকিত্তে শেজ্ সময়ান এচ্চ্যে!

যিহিষ্কেল 9:8

মুই সেক্কে উবোসনা-ঘরত্ গায় গায় এলুং। সে অক্তত্ মুই মাঢা নিগিরি পড়িনে আবেগ সমারে কলুং, “হায়, প্রভু লগেপ্রভু! যিরূশালেম উগুরে তঅ রাগ্‌‌‌‌কান ঢালি দিইনে তুই কি ইস্রায়েলর বাদবাগি বেক্কুনোরে ভস্ত গুরি ফেলেবে?”

হোশেয় 6:5

সেনত্তে মঅ ভাববাদীগুনোরে দিইনে মুই তমারে কট্টা কট্টা গুরি কাপ্যং, মঅ মুয়ো কধালোই তমারে মারে ফেল্যং; মর্ বিচেরর্ রায় তমা উগুরে কারেন ধোক্ক্যেন ঝিমিলেই উঠ্যে।

আমোষ 7:2

সিগুনে যেক্কে দেজর্ য়্যেল্ গাজ-বাজ্ হেইনে শেজ্ গুরি দিলাক্ সেক্কে মুই কোজোলী গুরিনে কলুং, “ও প্রভু লগেপ্রভু, খেমা গর্। যাকোবে কেধোক্ক্যেন গুরি বাঁজি থেবঅ? তে দঅ অমকদ চিগোন্।”

আমোষ 7:5

সেক্কে মুই কোজোলী গুরি কলুং, “ও প্রভু লগেপ্রভু, মুই কোজোলী গরঙর্ তুই থামা। যাকোবে কেধোক্ক্যেন গুরি বাঁজিবো? তে দঅ অমকদ চিগোন।”

প্রেরিত্‌ 13:11

চাহ্, প্রভুর আঢ্‌‌তানি তঅ বিরুদ্ধে উত্ত্যে। তুই চোগ্ কানা ওই যেবে আর কয়েক দিন সং বেল পহ্‌র ন-দেগিবে।” সেক্কেনে খুয়ো আর আন্ধারানে তারে ঢাগি ফেলেল আর কেঅ যেন তারে আঢত্ ধুরিনে নেযেই পারে ইয়েনত্তে সেক্কে তে লুদিক্ ধুরি বেড়া ধোল্ল্য।

প্রেরিত্‌ 5:10

সাফীরা সেক্কে পিতর ঠেংঅ কুরে পড়িনে মুরি গেলঅ। আর সেই গাবুজ্যেগুনে ভিদিরে এইনে তারে মরা অবস্থায় দেগিলাক্ আর তারে বারেদি নেযেইনে তা নেক্কো ধাগেদি গোর্ দিলাক্।

প্রেরিত্‌ 5:5

এ কধাগান শুনোনার্ লগে লগে অননিয় মাদিত্ পড়িনে মুরি গেলঅ। এ ঘটনাগান কধা যিগুনে শুনিলাক্ তারা বেক্কুনে অমকদ দোরেলাক্।

দ্বি’লম্বর বিররণ 7:4

কিত্যে সে মিলেগুনে তমা পূঅগুনোরে মত্তুন্‌ দূরোত্‌ সোরেই নেযেবাক্ আর দেব-দেবেদাগুনোর্‌ পূজো গুরিবাক। সেক্কে লগেপ্রভুর রাগর্‌ আগুনান্‌ তমার বিরুদ্ধে জুলি উদিবো আর লগে লগে তমারে ভস্ত গুরি ফেলেব।