যিহিষ্কেল 11:10 - Chakma Bible

¹⁰ তুমি যুদ্ধোত্ মুরিবে; ইস্রায়েলর দুযিত্ মুই তমারে বেক্কুনোরে সাজা দিম্। সেক্কে তুমি হবর্ পেবাদে, মুয়ই লগেপ্রভু।

যিহিষ্কেল 11:10 ပူးပေါင်းရင်းမြစ်များ

১ রাজাবলী 8:65

এবাবোত্যেগুরি শলোমন আর তা সমারে বেক্‌ ইস্রায়েলীয়গুনে সে অক্তত্‌ আমা গোজেন লগেপ্রভুর মুজুঙোত্‌ সাত দিন আরঅ সাত দিন, বেক্কুনে চোদ্দো দিন সং ইক্কো পরব্‌ গুরিলাক। তারা অলাক্কে ইক্কো বড়্ মান্‌জ্যর্‌ ঝাক; তারা হমাৎ চাগালাত্তুন্‌ মিসর শুগুনো গাঙান্‌ সং পুরো চাগালাত্তুন্‌ এইনে মিজেলাক্।

২ রাজাবলী 14:25

ইস্রায়েলর গোজেন লগেপ্রভু তা চাগর্‌ গাৎ-হেফরর্‌ অমিত্তয়র পুয়ো ভাববাদী যোনার মাধ্যমে যে কধাগান কোইয়্যে সে কধা মজিম্ যারবিয়ামে হমাৎ চাগালাত্তুন্‌ অরাবার দোজ্যে সাগর্‌ সং আগেন্দি ইস্রায়েলর রেজ্যর্‌ যে দুযিগান্‌ এলঅ সিয়েন্‌ আরঅ নিজোর্‌ গজকত্ ফিরেই আনিলো।

গীতসংহিতা 9:16

দোল্ বিচেরর্ মাধ্যমে লগেপ্রভু নিজোরে জানিবাত্তে দে; তে পাজিগুনোরে তা কামর্ ফালত্ ফেলায়।

যিরমিয় 39:6

বাবিলর্ রাজা রিব্‌লাদত্ সিদিকিয়র চোগো মুজুঙোত্ তা পুয়োগুনোরে মারে ফেলেল আর যিহূদার বেক্ রাজার চাগরুনোরে মারে ফেলেল।

যিরমিয় 9:24

মাত্তর্ যে বাড়্‌বো গুরিবাত্তে চায় তে ইয়েনিলোই বাড়্‌বো গোরোক্, তে মরে বুঝে আর হবর্ পায়, অত্তাৎ তে হবর্ পাইদে, মুয়ই লগেপ্রভু; মর্ কোচ্‌পানাগান বোউত্ আর পিত্‌থিমীত মর্ কামানি ন্যায়ে আর সততালোই ভরা। ইয়েনি পৌইদ্যেনে মুই গম্ পাং। মুই লগেপ্রভু এ কধাগান কঙর্।”‌‍

যিহিষ্কেল 13:14

যে দেবালান্ ভাববাদীগুনে চিবিদি গুলিনে নাঢি দুয়োন্ সিয়েন মুই ভাঙিনে মাদি সমারে সং গুরি দিম যেনে সিয়েনর গোড়াগান খুলো পড়ি থায়। সিয়েন ভাঙি পড়িবার অক্তত্ তা তলাগান্দোই তারায়ো ভস্ত ওই যেবাক্। সেক্কে তারা হবর্ পেবাক্ যে, মুয়ই লগেপ্রভু।

যিহিষ্কেল 13:21

তমা মাঢাগুন নাঢিবার কাবড়ানি মুই ফাদিনে তমা আঢত্তুন্ মঅ মানুচ্চুনোরে উদ্ধোর্ গুরিম; তারা আর তমা আঢত্ শিগের ধোক্ক্যেন্ ধরা ন-পড়িবাক্। সেক্কে তুমি হবর্ পেবা যে, মুয়ই লগেপ্রভু।

যিহিষ্কেল 13:23

সেনত্তে তুমি আর মিজে দর্শন ন-দেগেবা বা গোণা-পড়ায়ো ন-গুরিবা। তমা আঢত্তুন্ মুই মঅ মানুচ্চুনোরে উদ্ধোর গুরিম। সেক্কে তুমি হবর্ পেবা যে, মুয়ই লগেপ্রভু।’”

যিহিষ্কেল 13:9

মঅ আঢ্‌তানি সেবাবোত্যে ভাববাদীগুনো বিরুদ্ধে উদিবো যিগুনে মিজে দর্শন দেগন্ আর মিজে গোণা-পড়া গরন্। মঅ মানুচ্চুনো সমাজত্ তারা ন-থেবাক্ বা ইস্রায়েলর বংশ লিস্টি ভিদিরে তারা নাঙানি ন-থেবঅ, আর ইস্রায়েল দেজত্‌অ তারা ফিরি এই ন-পারিবাক্। সেক্কে তুমি হবর্ পেবা যে, মুয়ই প্রভু লগেপ্রভু।

যিহিষ্কেল 6:7

আর তমা ভিদিরে তমা মানুচ্চুনে মুরিনে পড়ি থেবাক্। ইয়েনি অনার্ পরেদি তুমি হবর্ পেবা যে, মুয়ই লগেপ্রভু।

যিহোশূয় 13:5

গিব্‌লীয়গুনোর চাগালা, পূগেদি হর্মোণ মুড়োবোর তলেদি বাল্‌গাদত্তুন হমাৎ সং পুরো লেবানন আর লেবাননত্তুন্‌ মিষ্রফোৎ-ময়িম সং মুড়ো-মুড়ি চাগালাগান্‌, অত্তাৎ সীদোনীয়গুনোর বেক্‌ দেজ্‌চানি। মুই নিজেই ইস্রায়েলীয়গুনো মুজুঙোত্তুন্‌ বেক্কুনোরে ধাবেই দিম্‌। মুই তরে যেধোক্ক্যেন্‌ উগুম্‌ দুয়োং সেই মজিম তুই এ দেজ্‌চান সোম্বোত্তি ইজেবে ইস্রায়েলীয়গুনোরে দিবে।