যিহিষ্কেল 10:4 - Chakma Bible

⁴ সে অক্তত্ লগেপ্রভুর মহিমাগান্ করূব্‌পুনো উগুরেত্তুন উদিনে উবোসনা-ঘরর্ ফ্রেমানি ইন্দি গেলঅ। উবোসনা ঘরান্ মেঘ্‌কোই ভুরি গেলঅ, আর সেক্কে লগেপ্রভুর মহিমাগানর্ পহ্‌রে উদোনান্ ভরা এলঅ।

যিহিষ্কেল 10:4 ပူးပေါင်းရင်းမြစ်များ

যাত্রা 40:34

সে পরেদি মেঘচাগ্‌ এইনে মিলন-তাম্বুলান্‌ নাঢি ফেলেল আর লগেপ্রভুর মহিমায় থেবার-তাম্বুলান ভুরি গেলঅ‌।

যাত্রা 40:35

থেবার-তাম্বুলান, অত্তাৎ মিলন-তাম্বুলান্‌ মেঘে ঢাক্ক্যা আর লগেপ্রভুর্‌ মহিমায় ভোজ্যে এলঅ‌ বিলিনে মোশি সিয়োত্‌ চোমেই ন-পারিলো।

যিশাইয় 6:1

যে বজরত্ রাজা উষিয় মুরি গেলঅ সে বজরত্ মুই দেগিলুং প্রভু অমকদ অজল্ এক্কান সিংহাসনত্ বজি আঘে। তা রাজ্-পোজাগর্ তলে কট্টাগান্দোই উবোসনা-ঘরান্ ভর্‌পুনোং এলঅ।

যিহিষ্কেল 1:28

ঝড় দিনোত্ মেঘ ভিদিরে রান্‌‌জোনি ধোক্ক্যেন তা চেরোকিত্তে সেই পহ্‌‌রান্ দেগা যার্। যিয়েন দেগা গেলঅ সিয়েন এলদে লগেপ্রভুর মহিমা ধোক্ক্যেন্। মুই সিয়েন দেগিনে মাদিত্ মাঢা নিগিরি পড়িলুং আর একজনরে কধা কদে শুনিলুং।

যিহিষ্কেল 10:18

সে পরেদি লগেপ্রভুর মহিমাগান্ লগেপ্রভুর ঘরর ফ্রেমানি উগুরেত্তুন্ যেইনে করূব্‌পুনো উগুরে থামেল।‌‌

যিহিষ্কেল 43:2

আর মুই পূগেদিত্তুন্ ইস্রায়েল গোজেনর মহিমাগান্ এত্তে দেগিলুং। তার্ মুয়ো রবো এলদে জোরে বেঈ যেইয়্যে পানি গঙার গুজুরোনি ধোক্ক্যেন্ আর তার মহিমালোই পিথ্‌‌‌‌‌‌তিমীগান জোল্‌‌‌‌‌‌জোল্যে ওই উদিলো।

যিহিষ্কেল 43:5

সেক্কে লগেপ্রভুর আত্মাগানে মরে তুলিনে ভিদিরে উদোনত্ নেযেল, আর লগেপ্রভুর মহিমালোই উবোসনা-ঘরান ভুরি গেলঅ।

যিহিষ্কেল 44:4

সে পরেদি সেই মানুচ্চো মরে উত্তোরে গেদোর্ পধেদি উবোসনা-ঘর মুজুঙোত্ আনিলো। মুই দেগিলুং লগেপ্রভুর ঘরান্ তার মহিমালোই ভুরি যেইয়্যে; সেক্কে মুই মাঢা নিগিরিনে পড়িলুং।

যিহিষ্কেল 9:3

সেক্কে ইস্রায়েলর্ গোজেনর যে মহিমাগান্ করূব্‌‌‌পুনো উগুরে এলঅ সিয়েনি সিয়োত্তুন্ উদিনে উবোসনা-ঘরর ফ্রেমান ইধু গেলঅ। লগেপ্রভু মসীনার কাবড় উজ্যে সেই মানুচ্চোরে ডাগিলো।

হগয় 2:9

আগ ঘরর্ সয়-সাগোজ্যেত্তুন্ ইক্কিনে ঘরর্ সয়-সাগোজ্যেগান আরঅ বেশ্ অবঅ। এ জাগানত্ মুই ভালেদি আনিম। মুই বেগত্তুন্ খেমতাবলা গোজেন লগেপ্রভু এ কধাগান কঙর্।’ ”

গণাণা 16:19

কোরহ যেক্কে মোশি আর হারোণর বিপক্ষে সমাজর বেক্‌ মানুচ্চুনোরে এগত্তর্‌ গুরিনে মিলন-তাম্বুলোর দোরান ইদু যেইনে থিয়্যেলাক্ সেক্কে তারার্‌ বেক্কুনো মুজুঙোত্‌ লগেপ্রভুর মহিমাগান্ দেগা দিলো।

ফগদাং পেইয়্যে 15:8

গোজেনর্ মহিমা আর খেমতাগানত্তুন যে ধূমোগান নিগিলের্ সেই ধূমোগান্দোই উবোসনা-ঘরান ভুরিলো। সেই সাতজন স্বর্গদূতোর্ সাত্‌তান আঘাত থুম্ ন-অনা সং কেঅ সেই উবোসনা-ঘরত সোমেই ন-পারিলাক্।