যিহিষ্কেল 10:3 - Chakma Bible

³ সেক্কে করূব্‌‌‍‌পুনে উবোসনা ঘরর্ দোগিণেদি থিয়্যেই এলাক্, আর ভিদিরে উদোনান্ মেঘে ভুরি গেলঅ।

যিহিষ্কেল 10:3 ပူးပေါင်းရင်းမြစ်များ

পত্থম 3:24

এধোক্ক্যেন গুরি তে তারারে ধাবেই দিলো। সে পরেদি তে জীংকানি-গাজ্‌চো ইধু যেবার পথ্‌তান্ চুগি দিবাত্তে এদন বাগান পূগেদি করূব্‌পুনোরে রাগেল, আর সে সমারে সিয়োত্‌ এক্কান জোল্‌জোল্যা খড়্‌গঅ রাগেল যিয়েনে নিত্য ঘুরোনাত্‌ থেলঅ।

যাত্রা 25:18

সেই ঢাগনিয়ানর্‌ কাজান্দি সনা পিদেইনে দ্বিবে করূবোর্‌ মূত্তি বানা পুরিবো।

যিহিষ্কেল 43:4

লগেপ্রভুর মহিমাগান পূগেদি গেদো ভিদিরেদি উবোসনা-ঘরত্ সোমেল।

যিহিষ্কেল 46:1

মুই প্রভু লগেপ্রভু কঙর্, ভিদিরে উদোনর্ পূগেদি মু গুরি গেট্টো ছয়দিন কাম্ বন্ধ থেবঅ, মাত্তর্ জিরেবার দিনোত্ আর আঙোস্যে দিনোত্ সিবে খুলো অবঅ।

যিহিষ্কেল 8:16

সে পরেদি তে মরে লগেপ্রভুর ঘর ভিদিরে উদোনত্ নেযেল আর সিদু উবোসনা-ঘরত্ সোমেবার মুয়োনত্ বারান্দা আর পূজোর্ সংমোধ্যে পেরায়্ পোজোশ্‌জন মানুচ্ এলাক্। লগেপ্রভু ঘর ইন্দি পিজেদি ফিরিনে পূগেদি মু গুরি তারা বেলানরে জু জু জানাদন্।

যিহিষ্কেল 8:3

তে আঢ্‌তান বাবেইনে মঅ মাঢাবো চুলানি ধুরিলো। সেক্কে গোজেনর আত্মাগানে মরে আগাজত্ তুলি নেযেল আর গোজেনর দিয়্যে দর্শনর্ ভিদিরে তে মরে যিরূশালেমর উবোসনা-ঘর ভিদিরে উদোনর্ উত্তোরেদি গেদোত্ সোমেবার পথ্‌তানত্ নেযেল। সিয়েনত্ এমন এক্কো মূত্তি এলঅ যিবে গোজেনর রাগ্‌কান তুলি দিয়্যে।

যিহিষ্কেল 9:3

সেক্কে ইস্রায়েলর্ গোজেনর যে মহিমাগান্ করূব্‌‌‌পুনো উগুরে এলঅ সিয়েনি সিয়োত্তুন্ উদিনে উবোসনা-ঘরর ফ্রেমান ইধু গেলঅ। লগেপ্রভু মসীনার কাবড় উজ্যে সেই মানুচ্চোরে ডাগিলো।