যিহিষ্কেল 10:22 - Chakma Bible

²² কবার গাঙ পারত্ মুই যেবাবোত্যে দেখ্যং তারার্ মুয়ো চেঙেরানি সেবাবোত্যে এলঅ। তারা পত্তিজনে সোজা মুজুঙেদি যেদাক্।

যিহিষ্কেল 10:22 ပူးပေါင်းရင်းမြစ်များ

যিহিষ্কেল 1:1

ত্রিশ বজরর্ চের্ মাজর্ পাচ্ দিনোত্ মুই যেক্কে কবার গাঙ পারত্ বন্দীগুনো ভিদিরে এলুং সেক্কে আগাজ্‌‌‌চান খুলি গেলঅ আর মুই গোজেনর দর্শন পেলুং।

যিহিষ্কেল 1:10

তারার্ মুয়োনি চাদে এলদে এবাবোত্যে-তারার্ চের্‌‌‌জনর এক্কানত্ দরে মান্‌‌‌জ্যর্ মু এলঅ আর পত্তিজনর্ মুয়োনি ডেনেদি সিংহ ধোক্ক্যেন্, বাঙেদি গোরু ধোক্ক্যেন আর পত্তিজনর্ এক্কান গুরি ঈগল ধোক্ক্যেন্ মু এলঅ।

যিহিষ্কেল 1:12

তারা পত্তিজনে তারার্ মু অনুসারে চেরোকিত্তে উজেই যেই পারিদাক্। সেই জেদা প্রাণিগুনোর্ আত্মাগানি যিন্দি যেদঅ তারা সিন্দি যেদাক্, যেবার সময় ন-ফিরিদাক্।

যিহিষ্কেল 1:9

আর তারার্ ডুয়োনি এক্কান সমারে আরেক্‌‌‌কান বাস্যে এলঅ। তারা পত্তিজনে সোজা উজেই যেদাক্, যেবার্ সময় ন-ফিরিদাক্।

যিহিষ্কেল 10:11

ঘুরিবার সময় সেই চাক্কাগুন চেরোকিত্তে যে কনঅ ইন্দি সোজা ঘুরিদাক্; অন্য কনঅ কিত্তেদি ন-ফিরিদাক্। করূব্‌‌পুনো মাঢাগুন্ যিন্দি থেদাক্ তারা সিন্দি ঘুরিদাক্; ঘুরিবার সময় ন-ফিরিদাক্।

যিহিষ্কেল 10:21

পত্তিজনর চেরান্ গুরি মু আর চেরান্ গুরি ডুয়ো এলঅ আর তারার্ ডুয়োগানি তলে মান্‌জ্য আঢ ধোক্ক্যেন কিজু এলঅ।

যিহিষ্কেল 11:1

সে পরেদি লগেপ্রভুর আত্মাগানে মরে তুলি নিইনে উবোসনা-ঘরর্ পূগেদি গেদো ইধু আনিলো। সিয়েনত্ গেদোত্ সোমেবার পদথ্ পোজোচ্‌জন মরদ এলাক্, আর মুই তারা ভিদিরে অসূরর পুয়ো যাসনিয় আর বনায়র পুয়ো প্লটিয়রে দেগিলুং; তারা এলাক্ মানুচ্চুনোর নেতা।

যিহিষ্কেল 43:3

এ দর্শনান্ দেগিনে মুই মাঢা নিগিরি পড়িলুং; মুই শঅর-ভস্ত অনার্ যে দর্শনান্ কবার গাঙ পারত্ দেগিলুং এ দর্শনান্ এলদে সিয়েন ধোক্ক্যেন্।

হোশেয় 14:9

জ্ঞানী কন্না? তে ইয়েনি বেক্কানি বুঝোক্। বুদ্ধিবলা কন্না? তে ইয়েনি পৌইদ্যেনে হবর্ পোক্। লগেপ্রভুর পথ্‌‌‌‌‌‌তান সততার্ পথ; গম্ মান্‌‌‌‌‌‌জ্যে সেই পধেদি আঢন্, মাত্তর্ অন্যেয়গুরিয়্যেগুনে উজোত্ হান্।