যিহিষ্কেল 10:2 - Chakma Bible

² লগেপ্রভু মসীনার কাবড় উজ্যে মানুচ্চোরে কলঅ, “করূব্‌‌‌‌‌‌‌‌‌পুনোর তলে যে চাক্কাগুন আগন্ তুই সিগুনো ভিদিরে যাহ্। সে করূব্‌‌পুনোর সংমোধ্যেত্তুন্ তুই দ্বিআঢে ভুরিনে জোল্‌‌জোল্যে আঙারা লোইনে শঅর উগুরে ছিদি দে।” মঅ চোগো মুজুঙোত্ মানুচ্চো সিয়েনত্ সোমেল।

যিহিষ্কেল 10:2 ပူးပေါင်းရင်းမြစ်များ

২ রাজাবলী 25:9

তে লগেপ্রভুর ঘরত্‌, রাজঘরত্‌ আর যিরূশালেমর বেক্‌ ঘরানিত্‌ আগুন্‌ বাজেই দিলো। বেক্‌ আজল্‌ আজল্‌ ঘরানি তে পুড়ি ফেলেল।

গীতসংহিতা 140:10

তারা উগুরে জোল্‌জোল্যে আঙারা পোড়োক্; আগুনো ভিদিরে, গভীন্ গাদ ভিদিরে তারারে ফেলেই দিয়্যে ওক্; যেন তারা আর্ কনদিন্‌অ উদি এই ন-পারন্।

গীতসংহিতা 18:10

তে করূবোত্ চড়িনে উড়ি এলঅ, উড়ি এলদে বোইয়্যের ডুয়োলোই ভর্ গুরিনে।

যাত্রা 25:18

সেই ঢাগনিয়ানর্‌ কাজান্দি সনা পিদেইনে দ্বিবে করূবোর্‌ মূত্তি বানা পুরিবো।

যিশাইয় 30:30

লগেপ্রভু জদবদে রাগ্, পুড়ি ফেলাইদ্যে আগুন, অমকদ ঝড় আর শিল পড়ানার্ মাধ্যমে তার্ খেমতাবলা রবো মানুচ্চুনোরে শুনেব আর তা সাজা দিবার্ আঢ্‌‍‌তান দেগেব।

যিহিষ্কেল 1:13

এ জেদা প্রাণিগুনো ভিদিরে জোল্‌জোল্যে আঙারা বা বম্বা ধোক্ক্যেন্ আগুন জলের্ আর সিয়েন সে প্রাণিগুনো ভিদিরে এজের্-যার্; সে আগুনান্ দোগ্‌দোক্যে আর সিয়েন ভিদিরেত্তুন্ ঝিমিলেনিগান্ নিগিলি এজের্।

যিহিষ্কেল 10:16

করূব্‌‌‌পুনে গেলে তারার্ কায়-কুরে চাক্কাগুনো যেদাক্; করূব্‌‌‌পুনে মাদিত্তুন্ উগুরে উদিবাত্তে ডুয়ো মিলিলে চাক্কাগুন তারার্ কায়-কুরেত্তুন ন-যেদাক্।

যিহিষ্কেল 9:11

যেরেদি মসীনার কাবড় উজ্যে সেই মানুচ্চো ফিরি এইনে এ হবরান্ দিলো, “মুই তর্ উগুম মজিম্ কাম্ গোজ্যং।”

দানিয়েল 7:9

পরেদি মুই দেগিলুং কয়েক্কান সিংহাসন রাগা অলঅ আর অমকদ বুড়ো এক্কো তা সিংহাসনানত্ বুজিলো। তা কাবড়-চুগোড়ানি বরফ ধোক্ক্যেন ধুব্ আর তা মাঢাবো চুলানি ধুব্ কেজ ধোক্ক্যেন। তার সিংগাসনান্ আর সিংহাসনর চাক্কাগুন যেন আগুনো ধোক্ক্যেন জ্বলের্।

ফগদাং পেইয়্যে 8:5

সেক্কে সেই স্বর্গদূত্‌তো ডালি পূজোবোত্তুন্ আগুন লোইনে সেই ধূব্ কদরাবো ভোরেল আর পিত্‌থিমীত ফেলেই দিলো। সেক্কে আগাজ বাজ্ পড়েদে রঅ আর অন্য বাবোত্যে রঅ অলঅ, আর ঝিমিলেল আর ভূজোল্ বেলঅ।