যিহিষ্কেল 10:19 - Chakma Bible

¹⁹ মঅ চোগো মুজুঙোত্ করূব্‌পুনে ডুয়ো মিলি দিইনে মাদিত্তুন্ উগুরে উদো ধুরিলাক্, আর চাক্কাগুনো তারা সমারে যা ধুরিলাক্। তারা লগেপ্রভুর ঘরর্ পূগেদি গেদোত্ সোমেবার পদথ্ যেইনে থামেলাক্; ইস্রায়েলর গোজেনর মহিমাগান্ তারা উগুরে রলঅ।

যিহিষ্কেল 10:19 ပူးပေါင်းရင်းမြစ်များ

যিহিষ্কেল 10:1

সে পরেদি মুই রিনি চেলুং, আর করূব্‌‌‌‌‌‌‌‌পুনোরে মাঢা উগুরেদি যিয়েনি বিজেয়্যে এলঅ সিয়েন উগুরে নীলকান্তমণির সিংহাসন ধোক্ক্যেন কিজু এক্কান দেগিলুং।

যিহিষ্কেল 11:1

সে পরেদি লগেপ্রভুর আত্মাগানে মরে তুলি নিইনে উবোসনা-ঘরর্ পূগেদি গেদো ইধু আনিলো। সিয়েনত্ গেদোত্ সোমেবার পদথ্ পোজোচ্‌জন মরদ এলাক্, আর মুই তারা ভিদিরে অসূরর পুয়ো যাসনিয় আর বনায়র পুয়ো প্লটিয়রে দেগিলুং; তারা এলাক্ মানুচ্চুনোর নেতা।

যিহিষ্কেল 43:1

সে পরেদি তে মরে পূগেদি মু গেট্টো ইধু আনিলো,

যিহিষ্কেল 43:2

আর মুই পূগেদিত্তুন্ ইস্রায়েল গোজেনর মহিমাগান্ এত্তে দেগিলুং। তার্ মুয়ো রবো এলদে জোরে বেঈ যেইয়্যে পানি গঙার গুজুরোনি ধোক্ক্যেন্ আর তার মহিমালোই পিথ্‌‌‌‌‌‌তিমীগান জোল্‌‌‌‌‌‌জোল্যে ওই উদিলো।

যিহিষ্কেল 43:4

লগেপ্রভুর মহিমাগান পূগেদি গেদো ভিদিরেদি উবোসনা-ঘরত্ সোমেল।

যিহিষ্কেল 8:16

সে পরেদি তে মরে লগেপ্রভুর ঘর ভিদিরে উদোনত্ নেযেল আর সিদু উবোসনা-ঘরত্ সোমেবার মুয়োনত্ বারান্দা আর পূজোর্ সংমোধ্যে পেরায়্ পোজোশ্‌জন মানুচ্ এলাক্। লগেপ্রভু ঘর ইন্দি পিজেদি ফিরিনে পূগেদি মু গুরি তারা বেলানরে জু জু জানাদন্।