যিহিষ্কেল 1:28 - Chakma Bible

²⁸ ঝড় দিনোত্ মেঘ ভিদিরে রান্‌‌জোনি ধোক্ক্যেন তা চেরোকিত্তে সেই পহ্‌‌রান্ দেগা যার্। যিয়েন দেগা গেলঅ সিয়েন এলদে লগেপ্রভুর মহিমা ধোক্ক্যেন্। মুই সিয়েন দেগিনে মাদিত্ মাঢা নিগিরি পড়িলুং আর একজনরে কধা কদে শুনিলুং।

যিহিষ্কেল 1:28 ပူးပေါင်းရင်းမြစ်များ

পত্থম 17:3

সেক্কে অব্রামে মাদিত্‌ মাদা নিগিরি পড়িলো, আর গোজেনে তা লগে কধা কুয়ো ধুরিলো।

যাত্রা 16:10

হারোণে যেক্কে ইস্রায়েলীয়গুনো ইদু কধা কলঅ সেক্কে তারা ধূল্যেচর-চাগালা ইন্দি রিনি চেলাক্; আর আমক্‌ অবার্‌ ইয়েন, সিয়েনত্‌ মেঘ ভিদিরে তারা লগেপ্রভুর্‌ মহিমা দেগিলাক্।

যাত্রা 24:16

আর সিনাই মুড়োবো উগুরে লগেপ্রভুর্‌ মহিমাগান ঠিগ্ ওই রলঅ‌। ছয়দিন সং মুড়োবো মেঘ চাক্কোই ঢাক্কে রলঅ। সে পরেন্দি সাত দিনোত্‌ সেই মেঘ ভিদিরেত্তুন্‌ লগেপ্রভু মোশিরে ডাগিলো।

যাত্রা 24:17

ইস্রায়েলীয়গুনোর্‌ চোগোত্‌ লগেপ্রভুর মহিমাগান জোল্‌-জোল্যে আগুনো ধোক্ক্যেন ওইনে মুড়োবোর্‌ মাদাথ্‌ দেগা দিলো।

যিহিষ্কেল 10:4

সে অক্তত্ লগেপ্রভুর মহিমাগান্ করূব্‌পুনো উগুরেত্তুন উদিনে উবোসনা-ঘরর্ ফ্রেমানি ইন্দি গেলঅ। উবোসনা ঘরান্ মেঘ্‌কোই ভুরি গেলঅ, আর সেক্কে লগেপ্রভুর মহিমাগানর্ পহ্‌রে উদোনান্ ভরা এলঅ।

যিহিষ্কেল 3:23

সেনত্তে মুই উদিনে কলগত্ গেলুং। কবার গাঙ পারত্ লগেপ্রভুর যে মহিমাগান দেখ্যং সেবাবোত্যে মহিমাগান্ সিয়েনত্ দেগিলুং; আর মুই মাঢা নিগিরি পড়িলুং।

যিহিষ্কেল 43:2

আর মুই পূগেদিত্তুন্ ইস্রায়েল গোজেনর মহিমাগান্ এত্তে দেগিলুং। তার্ মুয়ো রবো এলদে জোরে বেঈ যেইয়্যে পানি গঙার গুজুরোনি ধোক্ক্যেন্ আর তার মহিমালোই পিথ্‌‌‌‌‌‌তিমীগান জোল্‌‌‌‌‌‌জোল্যে ওই উদিলো।

যিহিষ্কেল 44:4

সে পরেদি সেই মানুচ্চো মরে উত্তোরে গেদোর্ পধেদি উবোসনা-ঘর মুজুঙোত্ আনিলো। মুই দেগিলুং লগেপ্রভুর ঘরান্ তার মহিমালোই ভুরি যেইয়্যে; সেক্কে মুই মাঢা নিগিরিনে পড়িলুং।

যিহিষ্কেল 8:4

আর সিয়েনত্ মঅ মুজুঙোত্ এলঅ ইস্রায়েলর গোজেনর মহিমাগান্, যিয়েনি মুই কলগত্ দর্শনর ভিদিরেদি দেখ্যং।

দানিয়েল 8:17

মুই যিয়েনত্ থিয়্যেই এলুং তে সেই জাগান ইধু এজানার পরেদি মুই দোরেইনে মাদিত্ পড়ি গেলুং। তে মরে কলঅ, “ও মান্‌জ্যর পুয়োবো‌‌, এ দর্শনান যে শেজ্‌কালর পৌইদ্যেনে সিয়েন তুই বুঝি লঅ।”

লেবীয় 9:24

লগেপ্রভুত্তুন্‌ আগুন্‌ নিগিলি এইনে পূজোবো উগুরে পুজ্যে-উৎসর্ব আর বেক্‌ তেলানি পুড়ি ফেলেল। এ বেপারান্‌ দেগিনে মানুচ্চুনে হুজি ওইনে রঅ‌ ছাড়িনে মাদিত্‌ আদুপাড়ি পড়িলাক্।

প্রেরিত্‌ 9:4

তে মাদিত্ পড়ি গেলঅ আর শুনিলো কন্না যেন তারে কত্তে, “শৌল, শৌল, কিত্ত্যে তুই মঅ উগুরে অত্যেচার্ গরর্?”

রোমীয় 9:4

তারা দঅ ইস্রায়েল জাদর্ মানুচ্‌। গোজেনে তারারে পুয়ো ইজেবে অধিকার্ দিয়্যে, নিজোর্ মহিমা দেগেয়্যে, তারাত্যে বেবস্থা থিদেবর্ গোজ্জ্যে, রীদি-সুদোম দিয়্যে, তারে সেবা আর উবোসনার্ পধ্ গুরি দিয়্যে আহ্ বোউত্ এগেম্‌অ গোজ্জ্যে।

১ করিন্হীয় 13:12

আমি ইক্কিনে যেন আনাত্ গমেডালে ন-দেগির্, মাত্তর্ সেক্কেনে মুজুঙো-মুজুঙি দেগিবোং। মুই ইক্কিনে যিয়েন হবর্ পাং সিয়েন পুরো নয়, মাত্তর্ গোজেনে মরে যেবাবোত্যেগুরি হবর্ পায় সেক্কে মুই সেবাবোত্যেগুরি পুরোপুরি গুরি হবর্ পেইম্।

ফগদাং পেইয়্যে 10:1

সে পরেদি মুই আর এক্কো খেমতাবলা স্বর্গদূতোরে স্বর্গত্তুন্ লামি এত্তে দেগিলুং। তা পজাগ্‌কান এলঅ মেঘ, আর তা মাঢাবো উগুরে এলঅ রান্‌জনীগান। তা মুয়োন বেলান ধোক্ক্যেন আর তা টেঙানি এলঅ আগুনো টুনি ধোক্ক্যেন।

ফগদাং পেইয়্যে 4:3

তা চেঙারাগান্ ঠিগ্ হীরা আর সার্দীয় মণি ধোক্ক্যেন। সিংহাসনানর চেরোকিত্ত্যেদি এক্কান রান্‌‌জনী এলঅ; সিয়েন দেগদে ঠিগ্ এক্কান পান্না ধোক্ক্যেন।

বিচের গুরিয়্যেগুন 13:20

আগুনোর জিলান্‌ যেক্কে পূজোবোত্তুন্‌ উগুরে আগাজ মোক্কে উদের্‌ সেক্কে লগেপ্রভুর দূত্তো সে আগুনোর জিলানত্‌ উদিনে গেলগোই। এই ঘটনাগান দেগিনেই মনোহ আর তা মোক্কো মাদিত্‌ আদু পাড়িনে পড়িলাক্‌,