যিহিষ্কেল 1:27 - Chakma Bible

²⁷ মুই দেগিলুং ফারত্তুন্ ধুরি উগুরে সং তে চাদে এলদে দোগ্‌দোক্ক্যা ধাতু ধোক্ক্যেন, যেন সিবে আগুনে ভরা, আর ফারত্তুন্ ধুরি তলে সং তারে আগুনো ধোক্ক্যেন রিনি চাদে লাগের্; তা চেরোকিত্তে এলদে দোগ্‌দোক্ক্যা পহ্‌‌র।

যিহিষ্কেল 1:27 ပူးပေါင်းရင်းမြစ်များ

১ বংশধর 16:27

তারে ঘিরিনে রোইয়্যেদে বাঈনী গরানা আর মহিমা; তার্‌ থেবার্‌ জাগানত্‌ রোইয়্যেদে বল্‌ আর হুজি।

গীতসংহিতা 50:3

আমা গোজেনে এজের্, তে মুয়োন খুলিবো; আগুনানে তার্ আগে আগে বেক্কানি জ্বালেইনে পুড়িনে দি দিবো; আর তার্ চেরোকিত্তে অমকদ ঝড় বেবঅ।

গীতসংহিতা 97:2

তার চেরোকিত্তে মেঘে আর আন্ধারে ঘিরে; ধর্ম আর দোল্‌বিচেরর্ উগুরে তার সিংহাসনান্ থিয়্যেই আঘে।

যাত্রা 24:17

ইস্রায়েলীয়গুনোর্‌ চোগোত্‌ লগেপ্রভুর মহিমাগান জোল্‌-জোল্যে আগুনো ধোক্ক্যেন ওইনে মুড়োবোর্‌ মাদাথ্‌ দেগা দিলো।

যিহিষ্কেল 1:4

মুই রিনি চেইনে দেগিলুং উত্তোরেত্তুন্ এক্কান তুট্যে বোইয়্যের্ এজের্, এক্কান দাঙর্ মেঘ ভিদিরে ঝিমিলের্ আর চেরোকিত্তেদি পোত্‌‌‌পোত্যে পহ্‌‌‌রে ঘিজ্যে। সে ঝিমিলেনিগান সংমোধ্যে দোগ্‌দোক্যে ধাতু ধোক্ক্যেন কিজু ঝিমিত্ ঝিমিত্ গরের্।

যিহিষ্কেল 8:2

মুই রিনি চেইনে মান্‌জ্য ধোক্ক্যেন একজনরে দেগিলুং। তা কমরত্তুন্ ধুরি তলেদি সং আগুনো ধোক্ক্যেন লাগের্, আর কমরত্তুন্ ধুরি উগুরে সং চোক্‌চোক্ক্যে ধাতু ধোক্ক্যেন জোল্‌জোল্যে এলঅ।

হবক্‌‌‌‌কূক 3:4

বেলান ধোক্ক্যেন্ তার জ্বোল্‌জোল্যেগান; তা আঢত্তুন্ পহ্‌রান ছিদি পড়ে, সিয়েনত্ তা খেমতাগান লুগেয়্যে আঘে।

দ্বি’লম্বর বিররণ 4:24

কিত্যে তমা গোজেন লগেপ্রভু অলদে বেক্কানি পুড়ি ফেলেই দিয়্যে আগুন; তার্‌ পাওনা ভোক্তি পৌইদ্যেনে তে অমকদ খুজি।

ইব্রীয় 12:29

আমা গোজেনে ভস্ত গুরিয়্যে আগুনো ধোক্ক্যেন।