যিহিষ্কেল 1:26 - Chakma Bible

²⁶ সিয়েনত্ নীলকান্তমণির সিংহাসন ধোক্ক্যেন কিজু এক্কান দেগা গেলঅ। সেই অজলত্ থেইয়্যে সিংহাসন উগুরে মান্‌‌জ্য সাইজো ধোক্ক্যেন একজনরে দেগা গেলঅ।

যিহিষ্কেল 1:26 ပူးပေါင်းရင်းမြစ်များ

১ রাজাবলী 22:19

মীখায় কুয়ো ধুরিলো, “সালে তুই লগেপ্রভুর কধা শুন্‌। মুই চেলুং, লগেপ্রভু তার্‌ সিংহাসনত্‌ বোই আঘে আর তা ডেনে আর বাঙেন্দি বেক্‌ স্বর্গদূত্তুনে আগন্‌।

গীতসংহিতা 45:6

ও গোজেন, তর্ সিংহাসনান্ জিংকানিবর থিদেবর্ গোজ্যে; তর্ শাজনান্ ন্যায়র শাজন্।

যিশাইয় 54:11

লগেপ্রভু কত্তে, ও ঝড়ে আঘাত্ পেইয়্যে, সান্তনা ন-পেইয়্যে অত্যেচার ওইয়্যে শঅরান্, মুই তরে জোল্‌‍‌‌জোল্যে পাত্তর্‌লোই বানেবাত্তে যাঙর্ আর তর্ গড়াগান নীলকান্ত মণিলোই গাড়েম্।

যিশাইয় 6:1

যে বজরত্ রাজা উষিয় মুরি গেলঅ সে বজরত্ মুই দেগিলুং প্রভু অমকদ অজল্ এক্কান সিংহাসনত্ বজি আঘে। তা রাজ্-পোজাগর্ তলে কট্টাগান্দোই উবোসনা-ঘরান্ ভর্‌পুনোং এলঅ।

যিহিষ্কেল 1:22

সেই জেদা প্রাণিগুনোর্ মাঢা উগুরে কিজু এক্কান বিজেয়্যে এলঅ; সিয়েন বরফ ধোক্ক্যেন ঝিমিত্ ঝিমিত্ গরের্ আর দর্‌‌গরেপারা এলঅ।

যিহিষ্কেল 1:5

সিয়েনত্ চের্‌‌‌বো জেদা প্রাণি ধোক্ক্যেন কিজু দেগা গেলঅ। তারার্ চেঙেরাগান চাদে মান্‌‌‌জ্য ধোক্ক্যেন্ এলঅ,

যিহিষ্কেল 10:1

সে পরেদি মুই রিনি চেলুং, আর করূব্‌‌‌‌‌‌‌‌পুনোরে মাঢা উগুরেদি যিয়েনি বিজেয়্যে এলঅ সিয়েন উগুরে নীলকান্তমণির সিংহাসন ধোক্ক্যেন কিজু এক্কান দেগিলুং।

যিহিষ্কেল 43:6

সে মানুচ্চো সেক্কে মঅ কায়কুরে থিয়্যেই এলঅ, আর মুই উবোসনা-ঘর ভিদিরেত্তুন্ কনজনে মঅ লগে কধা কদে শুনিলুং।

যিহিষ্কেল 43:7

তে কলঅ, ও মানজ্যর্ পুয়োবো, ইয়েন মর্ সিংহাসনর্ জাগা আর মর্ টেঙ্ রাগেবার জাগা। মুই ইধু ইস্রায়েলীয়গুনো ভিদিরে উমর সং বজত্তি গুরিম। ইস্রায়েলীয়গুনে আর কনদিন্‌অ মর্ পবিত্র নাঙান্ কলংকিত ন-গুরিবাক্। তারার্ বা তারার্ রাজাগুনোর্ মূত্তিপূজোলোই আর পূজোর্ অজল্ জাগানত্ তারার্ রাজাগুনোর মরাকিয়্যেনি নেযানালোই মঅ নাঙান্ কলংকিত ন-গুরিবাক্।

যিহিষ্কেল 8:2

মুই রিনি চেইনে মান্‌জ্য ধোক্ক্যেন একজনরে দেগিলুং। তা কমরত্তুন্ ধুরি তলেদি সং আগুনো ধোক্ক্যেন লাগের্, আর কমরত্তুন্ ধুরি উগুরে সং চোক্‌চোক্ক্যে ধাতু ধোক্ক্যেন জোল্‌জোল্যে এলঅ।

দানিয়েল 10:18

সেক্কে মান্‌‌‌‌‌জ্য ধোক্ক্যেন দেগদে সেই স্বর্গদূত্তো আরঅ মরে ধুরিলো আর মরে বল্ দিলো।

দানিয়েল 7:14

সেই মান্‌‌‌‌‌‌‌জ্যপুয়োবোরে শাজন্, সর্মান আর রাজাগিরি গুরিবার খেমতা দিয়্যে অলঅ যেন বেক্ জাদ্‌তুনোর, দেজর্ আর ভাযার মানুচ্চুনে তারে সেবা গরন্। তার রাজাগিরি উমরর্; সিয়েন থুম্ ন-অবঅ আর তার রেজ্যগান কনদিন্‌অ ভস্ত ন-অবঅ।‌‌‌‌‌‌‌

সখরিয় 6:13

অয়, তেয়ই লগেপ্রভুর ঘরান বানেব। তারে রাজার সর্মান দিয়্যে অবঅ আর তে তার্ সিংহাসনানত্ বজিনে শাজন্ গুরিবো। তে এক্কো ধর্মগুরু ইজেবে সিংহাসনত্ বুজিবো আর সেক্কে এই দ্বিয়েন পদথ্ কনঅ অমিল ন-থেবঅ।

মথি লেখ্যে গম্ হবর্ 25:13

হিত্ত্যবোর্ শেজদি যীশু কলঅ, ইয়েনত্তে সজাক্ থাগঅ, কিয়া সেই দিন্নো বা সেই সময়বোর্ কধা তুমি হবর্ ন-পঅ।

মথি লেখ্যে গম্ হবর্ 28:18

সেক্কে যীশু কায়কুরে এইনে তারারে এ কধাগান্ কলঅ, “স্বর্গর্ আর পিত্‌থিমীর বেক্ খেমতাগান্ মরে দিয়্যে ওইয়্যে।

ইব্রীয় 1:8

মাত্তর্ পুয়োবো পৌইদ্যেনে গোজেনে কোইয়্যেদে, “ও গোজেন, তর্ সিংহাসনান্ উমরত্যে; তর্ শাসনান্ ন্যায়র্ শাসন।

ইব্রীয় 12:2

আর এজঅ, আমা চোগ্‌কুন যীশু উগুরে থির্ রাগেই যিবে বিশ্বেজর্ গড়াগান্ আর পূর্ণতাগান। তা মুজুঙোত্ যে হুজী অনাগান থুয়ো ওইয়্যে সিয়েনত্যে তে অসর্মানর্ ইন্দি রিনি ন-চেইনে ক্রুশীয় মরণান্ সোজ্জ্য গুরিলো আর ইক্কিনে গোজেনর্ সিংহাসন ডেন্ ধাগেদি বৈই আঘে।

ইব্রীয় 8:1

আমি যিয়েন কোর্ সিয়েনর আজল্ কধাগান অলঅ ইয়েন, আমার এমন্‌ এক্কো দাঙর্ ধর্মগুরু আঘে যিবে স্বর্গত্ দাঙর্ গোজেন সিংহাসনর্ ডেন্ ধাগেদি বৈচ্চ্যে।

যিহোশূয় 5:13

যিরীহোর কায়কুরে যানার পরেন্দি যিহোশূয় খুলো তলোয়ার আদত্‌ এক্কো মান্‌জ্যরে তা মুজুঙোত্‌ থিয়্যেই থাদে দেগিলো। যিহোশূয় তাইদু যেইনে পুযোর্‌ গুরিলো, “তুই কা তপ্পের্‌ মানুচ্‌-আমার্‌, না আমা শত্রুগুনোর?”

১ পিতর 3:22

যীশু স্বর্গত্ যেয়্যে আর ইক্কিনে গোজেনর্ ডেন্ ধাগেদি আঘে, আর স্বর্গদূত্‌তুনে, খেমতার্ অধিকারীগুনে আর শাসনগুরিয়্যেগুনে তা অধীনত্ আঘন্।

ফগদাং পেইয়্যে 1:13

সেই চেরাগ টগ্‌কুনোর সংমোধ্যে মান্‌জ্যপুয়োবো ধোক্ক্যেন কেঅ একজন এলঅ। তার্ কিয়্যেত্ টেং সং লাম্বা পজাক্ এলঅ আর তা বুগোত্ সনার্ ফিটে বান্ন্যে এলঅ।

ফগদাং পেইয়্যে 14:14

যেরেদি মুই রিনি চেইনে এক্কান্ ধূব্ মেঘ দেগিলুং, আর সেই মেঘ্‌কান উগুরে মান্‌জ্য পুয়োবো ধোক্ক্যেন কেঅ একজন বৈ এলঅ। তা মাঢাবোত্ জিদেনার্ সনার মুকুট এলঅ আর আঢত্ এলঅ ধার্‌বলা চারি।

ফগদাং পেইয়্যে 20:11

সিয়েন পরেদি মুই এক্কান দাঙর্ ধুব্ সিংহাসন আর সিয়েন উগুরে একজনরে বৈ থাগদে দেগিলুং। তা মুজুঙোত্তুন্ পিত্‌থিমীগান আর আগাজ্‌চান ধেই গেলঅ, তারার্ জাগায়ান আর কনমিক্ক্যে ন-থেলঅ।

ফগদাং পেইয়্যে 3:21

“মুই জিদিনেই যেধোক্ক্যেন গুরি মঅ বাবা সমারে তা সিংহাসনানত্ বোস্যং, ঠিগ্ সেধোক্ক্যেন যে জিদিবো তারে মুই মঅ সমারে মঅ সিংহাসনানত্ বুজিবার্ অধিকার দিম।

ফগদাং পেইয়্যে 5:13

সে পরেদি স্বর্গত্, পিত্‌থিমীত্, পিত্‌থিমীর মূঢ়োত্ আর সাগরত্ যিদুক্কুন পরাণবলা আঘন, এন্‌ কি, সিগুনো ভিদিরে আর যিগুনে আঘন বেক্কুনোরে মুই এ কধাগান কধে শুনিলুং: “সিংহাসন উগুরে যিবে বৈ আঘে তার্ আর সেই ভেড়া-ছবোরে নাঙ্ গিনেনা, সর্মান, বাঈনী গরানা আর খেমতা উমরত্যে থোক্।”