যিহিষ্কেল 1:24 - Chakma Bible

²⁴ প্রাণিগুন আঢিলে পরেদি মুই তারার্ ডুয়োগানির্ রঅ শুনিদুং; সিয়েনি এলদে বান পানি গঙার রঅ ধোক্ক্যেন, বেগত্তুন্ খেমতাবলাবোর্ রবো ধোক্ক্যেন, এক্কো সৈন্যদলর্ কোল্‌‌বাজেয়্যে ধোক্ক্যেন। প্রাণিগুন থির্ ওইনে থিয়্যেলে পরেদি তারা তারার্ ডুয়োগানি বুদি নেযেদাক্।

যিহিষ্কেল 1:24 ပူးပေါင်းရင်းမြစ်များ

২ রাজাবলী 7:6

লগেপ্রভু রথ, ঘোড়া আর দাঙর্‌ এক্কো সৈন্যর্‌ রঅ অরামীয়গুনোরে শুনেয়্যে। সেক্কে অরামীয় সৈন্যগুনে তারে তে কলাক্‌, “চঅ, আমারে আক্রমণ গুরিবাত্তে ইস্রায়েলর রাজা হিত্তীয় আর মিসরীয় রাজাগুনোরে টেঙা দিয়্যে।”

ইয়োব 37:2

শুনো, শুনো তার গুজুরোনির রবো; তা মুয়োত্তুন্ যে রবো এজের্ সিবে শুনো।

গীতসংহিতা 18:13

লগেপ্রভু আগাজত্ গুজুরি উদিলো; আগাজ বাজ্ আর শিলো ঝড়ত্ দাঙর্ গোজেন রবুয়ো শুনো গেলঅ।

গীতসংহিতা 68:33

তে সেই পুরোণ দিনোর আগাজ ভিদিরেন্দি রদথ্ চড়িনে আঢা-উদো গরে। শুন, তে রঅ ছাড়িনে কধা কর্।

যিহিষ্কেল 10:5

করূব্‌পুনোর ডুয়োগানির রঅ বারেদি উদোন সং শুনো যার্; সেই রবো এলদে বেগত্তুন্ খেমতাবলা লগেপ্রভুর কধা কবার্ রঅ ধোক্ক্যেন।

যিহিষ্কেল 3:13

মুই সেই জেদা পরাণবলাগুনোর এক্কো আর এক্কোর্ লগে ডুয়ো ঘজানার্ রঅ আর তারার্ কায়কুরে চাক্কাগুনোর্ রঅ অমকদ জোরে শুনিলুং।

যিহিষ্কেল 43:2

আর মুই পূগেদিত্তুন্ ইস্রায়েল গোজেনর মহিমাগান্ এত্তে দেগিলুং। তার্ মুয়ো রবো এলদে জোরে বেঈ যেইয়্যে পানি গঙার গুজুরোনি ধোক্ক্যেন্ আর তার মহিমালোই পিথ্‌‌‌‌‌‌তিমীগান জোল্‌‌‌‌‌‌জোল্যে ওই উদিলো।

দানিয়েল 10:6

তা কিয়্যেগান বৈদূর্যমণি ধোক্ক্যেন, মুয়োন কারেন ধোক্ক্যেন, চোগ্‌কুন জ্বোল্‌জোল্যে বম্বা ধোক্ক্যেন, আঢ্-টেঙানি পালিশ গোজ্যে পিদোল চোক্‌চোক্যে ধোক্ক্যেন আর তা রবো এগত্তর্ ওইয়্যে বোউত্ মান্‌জ্যর্ রঅ ধোক্ক্যেন।

ফগদাং পেইয়্যে 1:15

তা টেঙানি এলঅ আগুনোত্ পুড়িনে সাব্ গোজ্জ্যে ভারী চক্‌চোক্ক্যে পিদোল ধোক্ক্যেন, আর তার মুয়ো রবুয়ো এলঅ জুরে বেঈ যেইয়্যে গঙার আবাজ ধোক্ক্যেন।

ফগদাং পেইয়্যে 19:6

সে পরেদি মুই ভালোক্কুন্ মান্‌জ্যর্ ঝাগঅ রঅ, জোরে বেঈ যেইয়্যে গঙার পানি রঅ আর জোরে দেবা পেরাগ রঅ ধোক্ক্যেন গুরি কোইয়্যে এ কধাগান শুনিলুং, “হাল্লেলূয়া! আমার বেগত্তুন্ খেমতাবলা প্রভু গোজেনে রাজাগিরি গরানা আরাম্ভ গোজ্জ্যে।