যিহিষ্কেল 1:18 - Chakma Bible

¹⁸ সেই চাক্কাগুন এলাক্ অমকদ দাঙর্ আর দর্‌‌গরেপারা আহ্ চের্‌‌বো চাক্কার্ চেরোকিত্তেদি চোখ্ এলাক্।

যিহিষ্কেল 1:18 ပူးပေါင်းရင်းမြစ်များ

১ রাজাবলী 7:33

চাক্কাগুন রথ চাক্কা ধোক্কেন্‌ এলাক; গাজ চাক্কাগুনোর বেড়, শিক আর ভিদিরে নিয়্যেইয়ুন বেক্কুন্‌ গোলেইনে ঢালাই গরা ওইয়্যে।

গম্ উপদেজ্ 15:3

লগেপ্রভুর চোগ্‌কুন বেক্কানিত্ আঘে; সিয়েনি গম্-ভান্ন্যেই মানুচ্চুনো উগুরে খিয়েল্ আঘে।

যিশাইয় 55:9

দেবাবো যেধোক্ক্যেন পিত্‌থিমীত্তুন বোউত্ অজলত্, সেধোক্ক্যেন মঅ পথ্‌তান তমা পথ্‌তানত্তুন, মর্ চিদে চজ্জানি তমা চিদে চজ্জাত্তুন্ বোউত্ দাঙর্।‍‌‌‍‍‍‍‍‍

যিহিষ্কেল 10:12

তারার্ চের্‌‌বো চাক্কাত্, গোদা কিয়্যেত্, পিদোত্, আঢত্ আর ডুয়োনির চেরোকিত্তে চোগে ভরা এলঅ।

সখরিয় 4:10

এদকদিন যে সামান্য কাম্ ওইয়্যে সিয়েন মান্‌‌‌জ্যে তুচ্ছো মনে গোজ্যন্। মাত্তর্ সরুব্বাবিল আঢত্ ওলনদড়িগান দেগিনে মানুচ্চুনে ফুত্তি গুরিবাক্।” সে পরেদি মুই শুনিলুং, “এই সাত্‌‌‌‌তো বাত্তি অলঅ লগেপ্রভুর চোগ্ যিগুনে পুরো দুনিয়েগান দেগন্।”

ফগদাং পেইয়্যে 4:6

সেই সিংহাসনান মুজুঙোত্ যেন ফুদিগো ধোক্ক্যেন পোত্‌পোত্যে এক্কান কাচ ধোক্ক্যেন সাগর এলঅ। সেই সিংহাসনান সংমধ্যে সিংহাসনানর চেরোকিত্যেদি চেরজন জেদা পরাণবলা এলাক্। সিগুনোর্ মুজুঙেদি আর পিজেদি চোগ্‌কোই ভরণ এলাক্।

ফগদাং পেইয়্যে 4:8

এই চের্‌বো জেদা পরাণবলার্ পত্তিবোর্ ছ'গান গুরি ডুয়ো এলঅ আর বেক্‌ জাগানিত্ চোগ্‌কোই ভরণ এলঅ। সেই পরাণবলাগুনে দিনে-রেদে এ কধাগান কধন্, “বেগত্তুন্ খেমতাবলা প্রভু গোজেন, যিবে এলঅ, যিবে আঘে আর যিবে এজের্, তে পবিত্র, পবিত্র, পবিত্র।”