যিহিষ্কেল 1:15 - Chakma Bible

¹⁵ সেই জেদা পরাণবলাগুনো ইন্দি রিনি চেইনে মুই দেগিলুং চের্‌বো প্রাণীর্ পত্তিবোর্ কায়কুরে মাদিত্ এক্কো গুরি চাক্কা আঘে।

যিহিষ্কেল 1:15 ပူးပေါင်းရင်းမြစ်များ

১ রাজাবলী 7:30

পত্তি বাক্‌সত্‌ পিদলর ধুরা সুদ্ধো পিদলর চের্‌বো চাক্কা এলাক্। গাবালা বোজেবাত্তে চের্‌‌কণাত্‌ পিদলর চেরান ঠেং এলঅ। সিগুনোত্‌অ ফুলো ধোক্কেন্‌ নক্‌শা গোজ্যে এলঅ।

যিহিষ্কেল 1:6

মাত্তর্ বেক্কুনোর্ চেরান্ গুরিনে মু আর চেরান্ গুরি ডুয়ো এলঅ।

যিহিষ্কেল 10:2

লগেপ্রভু মসীনার কাবড় উজ্যে মানুচ্চোরে কলঅ, “করূব্‌‌‌‌‌‌‌‌‌পুনোর তলে যে চাক্কাগুন আগন্ তুই সিগুনো ভিদিরে যাহ্। সে করূব্‌‌পুনোর সংমোধ্যেত্তুন্ তুই দ্বিআঢে ভুরিনে জোল্‌‌জোল্যে আঙারা লোইনে শঅর উগুরে ছিদি দে।” মঅ চোগো মুজুঙোত্ মানুচ্চো সিয়েনত্ সোমেল।

যিহিষ্কেল 10:9

পরেদি মুই রিনি চেইনে করূব্‌‌পুনোরে পত্তিজনর কায়-কুরে এক্কো গুরি বেক্কুনে চের্‌‌বো চাক্কা দেগিলুং; চাক্কাগুন বৈদুর্যমণি ধোক্ক্যেন ঝোক্‌‌ঝোক্যে গরের্।

যিহিষ্কেল 3:13

মুই সেই জেদা পরাণবলাগুনোর এক্কো আর এক্কোর্ লগে ডুয়ো ঘজানার্ রঅ আর তারার্ কায়কুরে চাক্কাগুনোর্ রঅ অমকদ জোরে শুনিলুং।

দানিয়েল 7:9

পরেদি মুই দেগিলুং কয়েক্কান সিংহাসন রাগা অলঅ আর অমকদ বুড়ো এক্কো তা সিংহাসনানত্ বুজিলো। তা কাবড়-চুগোড়ানি বরফ ধোক্ক্যেন ধুব্ আর তা মাঢাবো চুলানি ধুব্ কেজ ধোক্ক্যেন। তার সিংগাসনান্ আর সিংহাসনর চাক্কাগুন যেন আগুনো ধোক্ক্যেন জ্বলের্।

ফগদাং পেইয়্যে 4:7

পত্তম জেদা পরাণবলাবোর চেঙারাগান্ সিংহ ধোক্ক্যেন, দ্বি-লম্বরবো গোরুছঅ ধোক্ক্যেন, তিন-লম্বরবো মান্‌জ্য ধোক্ক্যেন আর চের-লম্বরবো উড়েদে ঈগল পেগো ধোক্ক্যেন।