যিহিষ্কেল 1:13 - Chakma Bible

¹³ এ জেদা প্রাণিগুনো ভিদিরে জোল্‌জোল্যে আঙারা বা বম্বা ধোক্ক্যেন্ আগুন জলের্ আর সিয়েন সে প্রাণিগুনো ভিদিরে এজের্-যার্; সে আগুনান্ দোগ্‌দোক্যে আর সিয়েন ভিদিরেত্তুন্ ঝিমিলেনিগান্ নিগিলি এজের্।

যিহিষ্কেল 1:13 ပူးပေါင်းရင်းမြစ်များ

পত্থম 15:17

বেলান্‌ ডুবিনে যেক্কে এক্কুবারে আন্ধার্‌ ওই গেলঅ সেক্কে ধূমোলোই ভোজ্যে এক্কো জোল্‌জোল্যে চুলো আর এক্কো জোল্‌জোল্যে বম্বা দেগা দিলো। সিগুনে সে সাজে রাগেইয়্যে য়েমানুনোর কট্টাগানি উগুরেন্দি গেলগোই।

গীতসংহিতা 104:4

তুই বোইয়্যেরানরে তর্ দূত্ বানেয়োচ্; জোল্‌জোল্যে আগুনানরে বানেয়োচ্ তর্ চাগর্।

যিহিষ্কেল 1:7

তারার্ টেঙানি এলদে উজু আর টেঙ পাদানি গোরুছর্ টেঙ মুরি ধোক্ক্যেন্; সিগুন পালিশ গোজ্যে পিদল ধোক্ক্যেন্ চোক্‌‌‌চোক্ক্যে।

যিহিষ্কেল 10:2

লগেপ্রভু মসীনার কাবড় উজ্যে মানুচ্চোরে কলঅ, “করূব্‌‌‌‌‌‌‌‌‌পুনোর তলে যে চাক্কাগুন আগন্ তুই সিগুনো ভিদিরে যাহ্। সে করূব্‌‌পুনোর সংমোধ্যেত্তুন্ তুই দ্বিআঢে ভুরিনে জোল্‌‌জোল্যে আঙারা লোইনে শঅর উগুরে ছিদি দে।” মঅ চোগো মুজুঙোত্ মানুচ্চো সিয়েনত্ সোমেল।

দানিয়েল 7:9

পরেদি মুই দেগিলুং কয়েক্কান সিংহাসন রাগা অলঅ আর অমকদ বুড়ো এক্কো তা সিংহাসনানত্ বুজিলো। তা কাবড়-চুগোড়ানি বরফ ধোক্ক্যেন ধুব্ আর তা মাঢাবো চুলানি ধুব্ কেজ ধোক্ক্যেন। তার সিংগাসনান্ আর সিংহাসনর চাক্কাগুন যেন আগুনো ধোক্ক্যেন জ্বলের্।

মথি লেখ্যে গম্ হবর্ 28:3

তা চেঙেরাগান্ কারেন ধোক্ক্যেন্ এলঅ আর তা কাবড়-চুগোড়ানি তুলো ধোক্ক্যেন্ ধুব্ এলঅ।

২ থিষলনীকীয় 1:7

আর তুমি যিগুনে দুঘ্ পর্ তে আমা সমারে তমারেয়ো রেহাই দিবো। যেক্কে প্রভু যীশু তার্ খেমতাবলা স্বর্গদূত্‌তুনোরে নিইনে জ্বোল্‌জোল্যে আগুনো ভিদিরে স্বর্গত্তুন ফগদাং অবঅ সেক্কেনে ইয়েনি বেক্কানি অবঅ। যিগুনে গোজেনরে ন-জানন্ আর যিগুনে প্রভু যীশু পৌইদ্যেনে গম হবরর্ কধানি ন-মানন্ তারারে তে সেক্কে সাজা দিবো।

ফগদাং পেইয়্যে 10:1

সে পরেদি মুই আর এক্কো খেমতাবলা স্বর্গদূতোরে স্বর্গত্তুন্ লামি এত্তে দেগিলুং। তা পজাগ্‌কান এলঅ মেঘ, আর তা মাঢাবো উগুরে এলঅ রান্‌জনীগান। তা মুয়োন বেলান ধোক্ক্যেন আর তা টেঙানি এলঅ আগুনো টুনি ধোক্ক্যেন।

ফগদাং পেইয়্যে 18:1

ইয়েন পরেদি মুই আর এক্কো স্বর্গদূতোরে স্বর্গত্তুন্ লামি এত্তে দেগিলুং। তার দাঙর্ খেমতা এলঅ আর পিত্‌থিমীগান তার্ মহিমালোই জ্বোল্‌জোল্ল্যে ওই গেলঅ।

ফগদাং পেইয়্যে 4:5

সেই সিংহাসনানত্তুন্ ঝিমিলেনি, দর্‌গরেপারা রঅ আর দেবাপেরাগর্ আবাজ্ নিগিলের্। সিংহাসনান মুজুঙোত্ সাত্‌টো বাট্টি জ্বলের্। সেই বাট্টিগুন গোজেনর্ সাত্‌টো আত্মা।