যাত্রা 9:4 - Chakma Bible

⁴ মাত্তর্‌ মুই ইস্রায়েলীয়গুনোর য়েমান পালুনোরে মিসরীয়গুনোর য়েমান পালত্তুন্‌ যুদো গুরি চেম্‌। তারার্‌ যিদুক্কুন্‌ য়েমান আগন্‌ সিগুন এক্কোয়ো ন-মুরিবাক্।’ ”

যাত্রা 9:4 ပူးပေါင်းရင်းမြစ်များ

যাত্রা 10:23

সেই তিন দিন সং কনজনে কাররে নয়ো-দেগিলাক্‌ আর ঘরানি ছাড়িনে কনজনে বারেন্দিয়ো ন-গেলাক্। মাত্তর্‌ ইস্রায়েলীয়গুনে যিয়েনত্‌ এলাক্‌ সিয়েনত্‌ পহ্‌র এলঅ।

যাত্রা 12:13

মাত্তর্‌ তমা ঘরত্‌ যে লোগানি লিপ্যে থেবঅ সিয়েনি অবঅ তমার্‌ চিহ্নো। আর মুই সেই লোগানি চেইনে তমারে বাদ দিইনে উজেই যেম্‌। সেক্কে মিসর দেজ উগুরে মর্‌ আঘাদর্‌ দজাত্তুন্ তুমি মাপ্‌ পেই যেবা।

যাত্রা 8:19

এ অবস্থা দেগিনে যাদুগুরিয়্যেগুনে ফরৌণরে কলাক্‌, “ইয়েনত্‌ গোজেন আঙুলো দাগ্‌ আঘে।” মাত্তর্‌ তো ফরৌণ মনান্‌ দর-মর ওই রলঅ; তে মোশি আর হারোণ কধা ন-শুনিলো। লগেপ্রভু যিয়েনি কোইয়্যে সিয়েনই অলঅ।

যাত্রা 8:22

মাত্তর্‌ সেদিন্যে গোশন চাগালাগান্‌ মুই বাদ দিম, কিত্তে মঅ মানুচ্চুনে সিধু বজত্তি গত্তন্‌। সিদু কনঅ পুগোর্‌ তোষ্যে ন-থেবঅ। সিয়েনত্তুন্‌ তুমি জানি পারিবাদে, মুয়ই লগেপ্রভু এ দেজত্‌ আগং।

যাত্রা 9:26

মাত্তর্‌ ইস্রায়েলীয়গুনে যিয়েনত্‌ থেদাক্‌ সে গোশন চাগালানত্ শিল্‌ ন-পড়িলাক্।

যাত্রা 9:5

পীড়ের্ ভানাগান কক্কে অবঅ সিয়েনঅ লগেপ্রভু ঠিগ্ গুরিলো। তে কলঅ, “এযেত্যে কেল্যে এ দেজ্‌ছান উগুরে মুই ইয়েন্‌ ঘোদেম্‌।”

যাত্রা 9:6

তার্ কেল্যে লগেপ্রভু সিয়েন গুরিলো। সেক্কে মিসরীয়গুনোর্‌ বেক্‌ য়েমানুন্‌ মুরি গেলাক্, মাত্তর্‌ ইস্রায়েলীয়গুনো পালত্তুন্‌ এক্কো য়েমান্অ ন-মুরিলাক্।

আমোষ 4:7

খেত্ কাবিবার তিন মাস বাগি থাগদে মুই তমা উগুরে ঝড় পড়ানা বন্ধ গুরি দিলুং। এক আদামত্ ঝড় পাধেইনে মুই অন্য আদামত্ সিয়েন বন্ধ গুরিলুং। এক্কান খেদত্ ঝড় পেল, অন্য খেদত্ ঝড় ন-পেইনে শুগেই গেলঅ।

মালাখি 3:18

সেক্কে তুমি গম্ আর ভান্ন্যেয় ভিদিরে, অত্তাৎ যে মরে সেবা গরে আর যে ন-গরে তারা ভিদিরে মুই কিবাবোত্যেগুরি ফারগ্ গরং সিয়েন দেগিবা।”