যাত্রা 9:3 - Chakma Bible

³ সেক্কে মাদত্‌ তর্‌ ঘোড়া, গাধা, উট, গরু, ভেড়াছাগল, ছাগল, এক্ কধায় তর্‌ বেক্‌ য়েমানপালুনো উগুরে মুই যাদিমাদি নিজো আঢ্‌তোই অমকদগুরি পীড়ের ভানা বেবস্‌তা গুরিম।

যাত্রা 9:3 ပူးပေါင်းရင်းမြစ်များ

পত্থম 47:17

সেক্কে তারা বেক্‌ গোরু-ভেড়াগুন্‌ যোষেফ ইধু আনা ধোজ্যন। ছাগল, ভেড়া, গোরু, ঘোড়া আর গাধার বদলে তে তারারে হানা দিয়্যে ধুরিলো। বেক্‌ য়েমানুন্‌ এগত্তর্‌ গুরিনে তে গোদা বজর্‌বো তারারে হাবেল।

গীতসংহিতা 39:10

মঅ উগুরেত্তুন্ তর্ সাজাগান তুই সোরেই নেযা; তর্ আঢে মের্ খেইনে মুই পেরাই শেজ্ ওই যেইয়োং।

যাত্রা 5:3

সেক্কে তারা কলাক্, “ইব্রীয়গুনোর্‌ গোজেন আমা লগে দেগা দিয়্যে। সেনত্যে তুই দোয়্যে গুরি আমারে যেবাত্তে দে যেনে আমি ধূল্যেচর-চাগালাত্‌ তিন দিনো পথ যেইনে আমা গোজেন লগেপ্রভু নাঙে য়েমান উৎসর্ব গুরি পারিই। সিয়ান ন-গুরিলে তে দগে নঅলে কনঅ মরন পীড়েলোই বা যুদ্ধোর্‌ মাধ্যমে আমা উগুরে সাজা-আনিবো।”

যাত্রা 8:19

এ অবস্থা দেগিনে যাদুগুরিয়্যেগুনে ফরৌণরে কলাক্‌, “ইয়েনত্‌ গোজেন আঙুলো দাগ্‌ আঘে।” মাত্তর্‌ তো ফরৌণ মনান্‌ দর-মর ওই রলঅ; তে মোশি আর হারোণ কধা ন-শুনিলো। লগেপ্রভু যিয়েনি কোইয়্যে সিয়েনই অলঅ।

আমোষ 4:10

মিসরত্ যেবাবোত্যেগুরি পাদেয়োং সেবাবোত্যেগুরি মুই তমা ভিদিরে ভানা পাদেলুং। মুই যুদ্ধোর্ মাধ্যমে তমা গাবুজ্যেগুনোরে মারে ফেলেলুং আর তমা ঘোড়াগুন নেযেলুং। তমা তাম্বুলানির্ পজাবাজ্‌‌চান্ তমা নাগত্ ভোরেই দিলুং; তো তুমি মইদু ফিরি ন-এলা।

প্রেরিত্‌ 13:11

চাহ্, প্রভুর আঢ্‌‌তানি তঅ বিরুদ্ধে উত্ত্যে। তুই চোগ্ কানা ওই যেবে আর কয়েক দিন সং বেল পহ্‌র ন-দেগিবে।” সেক্কেনে খুয়ো আর আন্ধারানে তারে ঢাগি ফেলেল আর কেঅ যেন তারে আঢত্ ধুরিনে নেযেই পারে ইয়েনত্তে সেক্কে তে লুদিক্ ধুরি বেড়া ধোল্ল্য।

১ শমূয়েল 6:9

মাত্তর্‌ খিয়েল্‌ রাগেবা, সুন্দুক্কো যুনি নিজোর দেজছানর পথ্‌তান্‌ ধুরিনে বৈৎ-শেমশত্‌ যায় সালে বুঝিবাদে, আমা উগুরে এই জদবদে অমংলান লগেপ্রভুই আন্যে। মাত্তর্‌ যুনি সেই পদেন্দি ন-যায় সালে আমি বুঝি পারিবোঙে, আমা উগুরে এই আঘাত্তান্‌ তা আঢত্তুন ন-এজে, এম্‌নেই সিয়েন আমা উগুরে এচ্চ্যে।”