যাত্রা 8:9 - Chakma Bible

⁹ মোশি ফরৌণরে কলঅ, “বেঙুন্‌ যেনে তরে আর তঅ ঘরান ছাড়ি যেইনে বানা গাঙত্‌ থান্দোই, সেনত্যে কঅ কক্কে মুই তত্তে, তঅ কাম্‌গুরিয়্যেগুনোত্তে আর মানুচ্চুনোত্যে কোজোলী গুরিম্‌। সময়ান তুই ঠিগ্‌ গুরিচ্‌।”

যাত্রা 8:9 ပူးပေါင်းရင်းမြစ်များ

১ রাজাবলী 18:25

এলিয় বাল-দেবেদার ভাববাদীগুনোরে কলঅ, “তুমি ইক্কো বলদ গোরু বেঈ লোইনে পত্তমে সিবে কাবিনে যুক্কোল্‌ গুরি নেযঅ, কিত্তে তুমি জনেদি বোউত্‌ বেশ্। সে পরেন্দি তুমি তমা দেবেদাবোরে ডাগঅ, মাত্তর্‌ আগুন্‌ ন-দিবা।”

যাত্রা 7:25

নীল গাঙ উগুরে লগেপ্রভুর্‌ এ আঘাত্‌‌থান্ লামি এজানার্‌ পরেদি সাত্‌ দিন্‌ বিদি গেলঅ।

যাত্রা 8:10

জোবত্‌ ফরৌণে কলঅ, “সালে সিয়েন কেল্যে ওক্‌।” মোশি কলঅ, “সিয়েনই অবঅ। সেক্কে তুই বুঝি পারিবে, আমা গোজেন লগেপ্রভু ধোক্ক্যেন কনজন্‌ নেই।

যাত্রা 8:11

বেঙুনে তরে আর তঅ ঘরত, তঅ কাম্‌গুরিয়্যেগুন আর তঅ মানুচ্চুনোরে ছাড়ি যেবাক্‌। সিগুন্‌ বানা নীল গাঙ ভিদিরে থেবাক্‌।”

যাত্রা 8:8

ফরৌণে সেক্কে মোশি আর হারোণরে ডাগি আনিনে কলঅ, “তুমি লগেপ্রভু ইধু কোজোলী গরঅ যেনে তে মত্তুন্ আর মঅ মানুচ্চুনো উগুরেত্তুন্‌ এ বেঙ ভানাগান্‌ সোরেই নেযায়্‌। সেক্কে মুই মানুচ্চুনোরে যেবাত্তে দিম যেনে তারা যেইনে লগেপ্রভুর্‌ নাঙে য়েমান্‌ উৎসর্ব গুরি পারন।”

যিশাইয় 10:15

কুড়োলানে কি গাজ্ কাবিয়্যেবো উগুরে নিজোরে তুলে বা আড়াগানে কি গাজ-মিস্ত্রিবো মুজুঙোত্ বড়াই গরে? না, সিয়েন ওই ন-পারে। লুদিক্কো লুদিক্ বলাবোরে চালেই ন-পারে আর মুগোর্‌‌‌‌বো মুগোর্ বলাবোরে ঘুরেই ন-পারে, কিত্তে মুগোর্ বলাবো দঅ তক্তা জিনিস নয়।

গণাণা 14:20

সেক্কে লগেপ্রভু কলঅ, “তর্‌ কধা মজিম মুই তারারে পাপ্‌ ক্ষেমা গুরিলুং।

বিচের গুরিয়্যেগুন 7:2

লগেপ্রভু গিদিয়োনরে কলঅ, “তঅ মানুচ্চুন্‌ এদক্‌ বেশ্‌ ওইয়োন্দে, মুই তারার্‌ আঢত্‌ মিদিয়নীয়গুনোরে তুলি দিই ন-পারং। সিয়েন গুরিলে মরে বাদ দিইনে ইস্রায়েলীয়গুনে বার্বো গুরিনে কবাক্‌, তারার্‌ নিজোর বল্লোই তারা উদ্ধোর্‌ পেইয়োন।