যাত্রা 8:28 - Chakma Bible

²⁸ ফরৌণে কলঅ, “তমা গোজেন লগেপ্রভুর্‌ নাঙে য়েমান্‌ উৎসর্ব গুরিবাত্তে মুই ধূল্যেচর-চাগালাত্‌ তমারে যেবাত্তে দিম্‌। মাত্তর্‌ তুমি বেশ্‌ দূরোত্‌ ন-যেবা। এবেরা তুমি মত্তে কোজোলী গরঅ।”

যাত্রা 8:28 ပူးပေါင်းရင်းမြစ်များ

১ রাজাবলী 13:6

সেক্কে রাজা গোজেনর্‌ মানুচ্চোরে কলদে, “তুই তর্‌ গোজেন্‌ লগেপ্রভুরে কোজোলি গর্‌ আর মত্তে তবনা গর্‌ যেনে মঅ আঢ্‌তান্‌ আরঅ গম্‌ ওই যায়।” যেক্কে গোজেন মানুচ্চো লগেপ্রভুরে কোজোলি গুরিলো সেক্কে রাজার আঢ্‌তান্‌ আরঅ গম্‌ ওইনে আগঅ ধোক্কেন্‌ অলঅ।

ইষ্রা 6:10

যেনে তারা স্বর্গর গোজেনর্ নাঙে গুজি লইদ্যেবাবোত্যে উৎসর্বর অনুষ্ঠান গুরি পারন আর রাজা আহ্ রাজার্ পুয়োগুনোর্ ভালেদিত্যে তবনা গুরি পারন।

যাত্রা 10:17

সেনত্যে দোয়্যে গুরিনে তুমি এবার ধোক্ক্যেন মঅ পাপ্পানি ক্ষেমা গরঅ। তমার গোজেন লগেপ্রভু ইধু কোজোলী গুরি দুয়ো যেনে তে মঅ উগুরেত্তুন্‌ এ মরণর্‌ ছাবাবো সোরেই নেযায়।”

যাত্রা 3:19

মুই হবর্‌ পাং দরমর আদত্‌ পুড়িলেয়ো মিসর রাজাবো তমারে যেবাত্তে ন-দিবো।

যাত্রা 7:13

মাত্তর্‌ লগেপ্রভু তারারে যিয়েনি কোইয়্যে সিয়েন অলঅ। ফরৌণ মনান্‌ দরঅ ওই রলঅ; তে মোশি আর হারোণ কধা ন-শুনিলো।

যাত্রা 8:15

মাত্তর্‌ বেঙ ভানাগানত্তুন্‌ রেহাই পেইনে ফরৌনে আরঅ তা মনান্‌ দর-মর গুরিনে মোশি আর হারোণ কধা কান ন-পাদিলো। লগেপ্রভু যিয়েনি কোইয়্যে সিয়েনই অলঅ।

যাত্রা 8:29

মোশি কলঅ, “মুই তত্তুন্ যেইনে লগেপ্রভু ইধু কোজোলী গুরিম যেনে কেল্যে মহারাজ আর তা কাম্‌গুরিয়্যেগুন্‌ আর তা মানুচ্চুনো উগুরেত্তুন্‌ এ পুগোর্‌ তোষ্যেগানি উদি যাই। মাত্তর্‌ লগেপ্রভুর নাঙে য়েমান্‌ উৎসর্ব গুরিবাত্তে যেবাত্তে ন-দিইনে মহারাজে যেনে আমারে আরঅ ন-থগায়্‌।”

যাত্রা 8:8

ফরৌণে সেক্কে মোশি আর হারোণরে ডাগি আনিনে কলঅ, “তুমি লগেপ্রভু ইধু কোজোলী গরঅ যেনে তে মত্তুন্ আর মঅ মানুচ্চুনো উগুরেত্তুন্‌ এ বেঙ ভানাগান্‌ সোরেই নেযায়্‌। সেক্কে মুই মানুচ্চুনোরে যেবাত্তে দিম যেনে তারা যেইনে লগেপ্রভুর্‌ নাঙে য়েমান্‌ উৎসর্ব গুরি পারন।”

যাত্রা 9:28

তুই লগেপ্রভু ইধু কোজোলী গর্‌। আগাজ বাজ্ আর শিল্‌ পড়ানা জদবদে ওইয়্যে। এবেরা মুই তমারে যেবাত্তে দিম। ইধু আর তমাত্তুন্‌ থাহ্ ন-পড়িবো।”

উপদেশক 6:10

যিয়েন্ আঘে সিয়েন্ আগে ঠিগ্ গরা ওইয়্যে, আর মানুচ্ যে কি, সিয়েন্অ হবর্ পাহ্ যেইয়্যে; নিজোত্তুন্ বেশ্ যিবে বোলি তা সমারে কনজনে তর্কাতর্কি গুরি ন-পারে।

হোশেয় 10:2

তা মানুচ্চুনোর মনানি অবিশ্বেজি; সেনত্তে ইক্কিনে তারার্ দুজোর্ বুদিগুন বুয়ো পুরিবো। লগেপ্রভু তারার্ পূজোগুন ভাঙি ফেলেব আর তারার্ পূজোর্ পাত্তরুন বর্‌‌‌বাত গুরি দিবো।

প্রেরিত্‌ 8:24

সেক্কে শিমোনে কলঅ, “তুমি প্রভু ইধু মত্যেই তবনা গরঅ যেন তুমি যিয়েন কোইয়ো সিয়েন মঅ উগুরে ন-ঘদে।”