যাত্রা 8:26 - Chakma Bible

²⁶ মোশি কলঅ, “মাত্তর্‌ ইয়েন গরানা কি ঠিগ্ অবঅ? আমার গোজেন লগেপ্রভুর্‌ নাঙে আমি যিয়েনি উৎসর্ব গুরিবোং সিয়েনি মিসরীয়গুনো ইধু ঈচ্ গরেদে জিনিচ্‌। মিসরীয়গুনে যিয়েনি ঈচ্ গরন্‌ সিয়েনি যদি আমি তারা চোগো মুজুঙোত্‌ উৎসর্ব গুরিই সালে তারা কি আমারে পাত্তর্‌ ন-মারিবাক্‌?

যাত্রা 8:26 ပူးပေါင်းရင်းမြစ်များ

পত্থম 43:32

ভাগ গুরিদিয়্যেগুনে যোষেফরে, তা ভেইয়ুনোরে আর যে মিসরীয়গুনে যোষেফ ঘরত্‌ হেদাক্‌, তারারে যুদো গুরি আরেক জাগাত্‌ হেবাত্তে দিলাক্‌। মিসরীয়গুনে ইব্রীয়গুনো লগে হানা-বীনে ন-গুরিদাক্, কিত্তে সিয়েনি এলদে তারা মুজুঙোত্‌ এক্কান্‌ ঈচ্ গরেদে কাম্‌।

পত্থম 46:34

সেক্কে তুমি কবাদে, ‘তর্‌ এ চাগরুনে আর তারার্‌ পুরোণি মানুচ্চুনে চিগোনত্তুন্‌ ধুরি ইক্কিনে সং য়েমান পালেই এত্তন্।’ সেক্কে তুমি গোশনত্‌ বজত্তি গুরিবার্‌ উগুম্‌ পেবা। যিগুনে ছাগল-ভেড়া চরান্‌ মিসরীয়গুনে তারারে বজং চোগেদি রিনি চান্‌।”

২ রাজাবলী 23:13

যিরূশালেম পূগেন্দি ভস্তর্ মুড়োবোর্‌ দোগিণেন্দি যিদুক্কুন্‌ পূজোর অজল্‌ জাগা এলঅ সিয়েনি তে অসিজি গুরিলো। ইস্রায়েল রাজা শলোমন সীদোনীয়গুনোর জঘন্য দেবী অষ্টোরতত্তেই, মোয়াবর জঘন্য দেবেদা কমোশত্তেই আর অম্মোনর মানুচ্চুনোর জঘন্য দেবেদা মোলকত্তেই এ অজল্‌ জাগায়ানি বানেয়্যে।

ইষ্রা 9:1

এ কামানি থুম্ ওই গেলে পরেদি নেতাগুনে মইধু এইনে কলাক্, “ইস্রায়েলীয়গুন আর তারার্ ধর্মগুরুগুন আহ্ লেবীয়গুনে তারার্ দেজত্ বজত্তিগুরিয়্যে অন্য জাদ্‌তুনো ইত্তুন্ নিজোরে যুদো গুরি ন রাগান্। তারা কনানীয়, মিসরীয় আর ইমোরীয়গুনো ধোক্ক্যেন জঘন্য কাম গোজ্যন্।

যাত্রা 3:18

“ইস্রায়েলীয় বুড়ো নেতাগুনে তঅ কধানি শুনিবাক্। তুই আর তারা মিলিনে মিসর রাজাবো ইধু যেইনে কবাগোই, ‘ইব্রীয়গুনোর্‌ গোজেন লগেপ্রভু আমা লগে দেগা দিইনে কধা কোইয়্যে। সেনত্যে তুই দোয়্যে গুরিনে আমারে যেবাত্তে দে, যেনে আমি ধূল্যেচর-চাগালা ভিদিরেদি তিন দিনো পথ যেইনে আমা গোজেন লগেপ্রভুর্‌ নাঙে য়েমান্‌-উৎসর্ব গুরি পারিই।’

যাত্রা 8:8

ফরৌণে সেক্কে মোশি আর হারোণরে ডাগি আনিনে কলঅ, “তুমি লগেপ্রভু ইধু কোজোলী গরঅ যেনে তে মত্তুন্ আর মঅ মানুচ্চুনো উগুরেত্তুন্‌ এ বেঙ ভানাগান্‌ সোরেই নেযায়্‌। সেক্কে মুই মানুচ্চুনোরে যেবাত্তে দিম যেনে তারা যেইনে লগেপ্রভুর্‌ নাঙে য়েমান্‌ উৎসর্ব গুরি পারন।”

যিশাইয় 44:19

কনজনে এক্কানা চিদেয়ো ন-গরন্; কারর্ জ্ঞান বা বুদ্ধি নেই যে কয়, “মুই ইয়েনর্ এক কট্টালোই আগুন জ্বালেয়োং, সিয়েনর্ আঙারাগুনো উগুরে রুটি সেক্কোং আর য়েরা অদ্দেক্ পুড়ি হেইয়োং। সালে কি ইয়েনর্ বাদ্‌বাগি কট্টাগান্‌দোই মুই ঈচ্ গরেদে জিনিস বানেম? গাজ তক্তাগানরে কি মুই মাদিত্ পড়িনে জু জু জানেম?” ‍‌‍