যাত্রা 8:22 - Chakma Bible

²² মাত্তর্‌ সেদিন্যে গোশন চাগালাগান্‌ মুই বাদ দিম, কিত্তে মঅ মানুচ্চুনে সিধু বজত্তি গত্তন্‌। সিদু কনঅ পুগোর্‌ তোষ্যে ন-থেবঅ। সিয়েনত্তুন্‌ তুমি জানি পারিবাদে, মুয়ই লগেপ্রভু এ দেজত্‌ আগং।

যাত্রা 8:22 ပူးပေါင်းရင်းမြစ်များ

পত্থম 46:34

সেক্কে তুমি কবাদে, ‘তর্‌ এ চাগরুনে আর তারার্‌ পুরোণি মানুচ্চুনে চিগোনত্তুন্‌ ধুরি ইক্কিনে সং য়েমান পালেই এত্তন্।’ সেক্কে তুমি গোশনত্‌ বজত্তি গুরিবার্‌ উগুম্‌ পেবা। যিগুনে ছাগল-ভেড়া চরান্‌ মিসরীয়গুনে তারারে বজং চোগেদি রিনি চান্‌।”

গীতসংহিতা 110:2

তর্ রাজকীয় খেমতাগান লগেপ্রভু সিয়োনত্তুন্ ফগদাং গুরিবো; তে কবঅ, “তঅ শত্রুগুনো সংমধ্যেত্তুন্ তুই রাজাগিরি গর্।”

গীতসংহিতা 74:12

তো ও গোজেন, ভালোক্ দিন আগেত্তুন ধুরি তুয়ই মর্ রাজা; তুয়ই এ দুনিয়ের বুগোত্ উদ্ধোরর কাম গোজ্যস্।

যাত্রা 10:23

সেই তিন দিন সং কনজনে কাররে নয়ো-দেগিলাক্‌ আর ঘরানি ছাড়িনে কনজনে বারেন্দিয়ো ন-গেলাক্। মাত্তর্‌ ইস্রায়েলীয়গুনে যিয়েনত্‌ এলাক্‌ সিয়েনত্‌ পহ্‌র এলঅ।

যাত্রা 12:13

মাত্তর্‌ তমা ঘরত্‌ যে লোগানি লিপ্যে থেবঅ সিয়েনি অবঅ তমার্‌ চিহ্নো। আর মুই সেই লোগানি চেইনে তমারে বাদ দিইনে উজেই যেম্‌। সেক্কে মিসর দেজ উগুরে মর্‌ আঘাদর্‌ দজাত্তুন্ তুমি মাপ্‌ পেই যেবা।

যাত্রা 19:5

সেনত্তে যুনি তারা মর্‌ বেক্‌ কধানি মানি চলন্‌ আর মর্‌ সুদোমানি পালান্‌ সালে পিত্‌থিমীর্‌ বেক্‌ জাত্তুনো ভিদিরেত্তুন্‌ তারাই‌ মর্‌ নিজোর্‌ সোম্বোত্তি অবাক্, কিত্তে পিত্‌থিমীর্‌ বেক্‌ মানুচ্চুনোই‌ মর্‌ অধীনোত্‌।

যাত্রা 20:11

লগেপ্রভু ছয়দিনোত্‌ দাঙর্‌ আগাজ্‌ছান, পিত্‌থিমীগান, বড়গাঙানি আর সিয়েনি ভিদিরে বেক্কানি বানেইয়্যে, মাত্তর্‌ সাত্‌ দিনোত্‌ সেই কামানি আর্‌ ন-গরে। সেনত্তে তে এই জিরেবার্‌ দিন্নোরে আশিদ্‌বাদ্‌ গুরিনে তার্‌ নিজোত্তেই যুদো গোজ্যে।

যাত্রা 7:17

সেনত্যে লগেপ্রভু কত্তে, তেয়ই যে লগেপ্রভু সিয়েন্‌ তুই এ চিহ্নোগান্‌ দেগিনে বুঝি পারিবে। তুই কবে, ‘মুই ইক্কিনে মর্‌ আঢঅ এ লুদিক্কো গাঙ পানিত্‌ আঘাত্‌ গুরিবাত্তে যাঙর্‌ আর সিবেলোই গাঙ পানিগান্‌ লো ওই যেবঅ।

যাত্রা 7:5

মুই যেক্কে মঅ বলান্‌ দেগেইনে মিসর্‌ দেজ ভিদিরেত্তুন্‌ ইস্রায়েলীয়গুনোরে নিগিলেই আনিম সেক্কে মিসরীয়গুনে বুঝি পারিবাক্, মুই লগেপ্রভু।”

যাত্রা 8:10

জোবত্‌ ফরৌণে কলঅ, “সালে সিয়েন কেল্যে ওক্‌।” মোশি কলঅ, “সিয়েনই অবঅ। সেক্কে তুই বুঝি পারিবে, আমা গোজেন লগেপ্রভু ধোক্ক্যেন কনজন্‌ নেই।

যাত্রা 8:21

যুদি যেবাত্তে-দুয়োচ্‌ সালে মুই তঅ উগুরে, তমা বেক্‌ কাম্‌গুরিয়্যেগুনো উগুরে, তমা মানুচ্চুনো উগুরে আর তমা ঘরত্‌ পাল্ পাল্ পুক্‌ পাদাঙর্‌। মিসরীয়গুনোর্‌ ঘরত আর বেক্‌ জাগানিত্‌ নানান বাবোত্যে পুগে ভুরি যেবাক্।

যাত্রা 8:23

মঅ মানুচ্চুনোরে মুই রেহাই দিম, তঅ মানেইয়ুনোরে নয়। এজেত্যে কেল্যে এ আমক্‌ অবার বেপারান্‌ দেগা যেবঅ।’ ”

যাত্রা 9:26

মাত্তর্‌ ইস্রায়েলীয়গুনে যিয়েনত্‌ থেদাক্‌ সে গোশন চাগালানত্ শিল্‌ ন-পড়িলাক্।

যাত্রা 9:29

মোশি তারে কলঅ, “শঅরত্তুন্‌ নিগিলি যেইনে মুই লগেপ্রভু ইধু আত্তানি মিলিনে তবনা গুরিম। সেক্কে আগাজ বাজঅ থামেব, শিল আর্‌ ন-পড়িবাক্। ইয়েন্দোই তুই বুঝি পারিবেদে, পিত্‌থিমীগান্‌ লগেপ্রভুর।

যাত্রা 9:4

মাত্তর্‌ মুই ইস্রায়েলীয়গুনোর য়েমান পালুনোরে মিসরীয়গুনোর য়েমান পালত্তুন্‌ যুদো গুরি চেম্‌। তারার্‌ যিদুক্কুন্‌ য়েমান আগন্‌ সিগুন এক্কোয়ো ন-মুরিবাক্।’ ”

যাত্রা 9:6

তার্ কেল্যে লগেপ্রভু সিয়েন গুরিলো। সেক্কে মিসরীয়গুনোর্‌ বেক্‌ য়েমানুন্‌ মুরি গেলাক্, মাত্তর্‌ ইস্রায়েলীয়গুনো পালত্তুন্‌ এক্কো য়েমান্অ ন-মুরিলাক্।

যিহিষ্কেল 30:19

এবাবোত্যেগুরি মুই মিসররে সাজা দিম, আর সেক্কেনে তারা হবর্ পেবাক্, মুয়ই লগেপ্রভু।’ ”

মালাখি 3:18

সেক্কে তুমি গম্ আর ভান্ন্যেয় ভিদিরে, অত্তাৎ যে মরে সেবা গরে আর যে ন-গরে তারা ভিদিরে মুই কিবাবোত্যেগুরি ফারগ্ গরং সিয়েন দেগিবা।”