যাত্রা 8:11 - Chakma Bible

¹¹ বেঙুনে তরে আর তঅ ঘরত, তঅ কাম্‌গুরিয়্যেগুন আর তঅ মানুচ্চুনোরে ছাড়ি যেবাক্‌। সিগুন্‌ বানা নীল গাঙ ভিদিরে থেবাক্‌।”

যাত্রা 8:11 ပူးပေါင်းရင်းမြစ်များ

যাত্রা 4:21

লগেপ্রভু মোশিরে কলঅ, “মুই তরে যেদক্কানি আমক্‌ অইদে কাম্‌ গুরিবার্‌ খেমতা দুয়োং তুই মিসর্‌ দেজত্‌ ফিরি যেইনে ফরৌণ মুজুঙোত্‌ সিয়েনি বেক্কানি গুরিবে। মাত্তর্‌ মুই তা মনান্‌ এন্‌ চিৎনপুজ্যে গুরি দিম্‌ যেনে তে মানুচ্চুনোরে যেবাত্তে ন-দিবো।

যাত্রা 7:13

মাত্তর্‌ লগেপ্রভু তারারে যিয়েনি কোইয়্যে সিয়েন অলঅ। ফরৌণ মনান্‌ দরঅ ওই রলঅ; তে মোশি আর হারোণ কধা ন-শুনিলো।

যাত্রা 7:14

সেক্কে লগেপ্রভু মোশিরে কলঅ, “ফরৌণ মনান্‌ দরঅ ওই আঘে, সেনত্যে তে মানুচ্চুনোরে যেবাত্তে ন-দের্‌।

যাত্রা 8:12

এ কধাগান্‌ কোইনে মোশি আর হারোণে ফরৌণ ইত্তুন্‌ গেলগোই। ফরৌণ উগুরে লগেপ্রভু যে বেঙর্‌ বানাগান্‌ আন্যে সে পৌইদ্যেনে মোশি লগেপ্রভু ইধু কানা-কুদি গুরিলো।

যাত্রা 8:13

সেক্কে লগেপ্রভু তা কধামজিম কাম্‌ গুরিলো। ঘর্‌-দুয়োর, উদোন্‌ আর জাগা-জোমিত্‌ যিদুক্কুন্‌ বেঙ্‌ এলাক বেক্কুন্‌ মুরি গেলাক্‌।

যাত্রা 8:3

নীল গাঙান্‌ বেঙোই ভুরি যেবাক্, আর গাঙত্তুন্‌ সিগুন্‌ উদি এবাক্‌, তঅ ঘরত, তঅ ঘুম্‌ যেবার্‌ ঘরত, তঅ বিচ্চোনত্, তঅ কাম্‌ গুরিয়্যেগুনোর্‌ ঘরত, তঅ মানুচ্চুনো ঘরত, তঅ চুলোবোত্‌ আর তঅ মোইদ্যে গুলিবার্‌ পিলেবোত্‌ যেইনে উদিবাক্‌।

যাত্রা 8:9

মোশি ফরৌণরে কলঅ, “বেঙুন্‌ যেনে তরে আর তঅ ঘরান ছাড়ি যেইনে বানা গাঙত্‌ থান্দোই, সেনত্যে কঅ কক্কে মুই তত্তে, তঅ কাম্‌গুরিয়্যেগুনোত্তে আর মানুচ্চুনোত্যে কোজোলী গুরিম্‌। সময়ান তুই ঠিগ্‌ গুরিচ্‌।”