যাত্রা 7:10 - Chakma Bible

¹⁰ লগেপ্রভু তারারে যিয়েন কোইয়্যে মোশি আর হারোণে ফরৌণ ইধু যেইনে ঠিগ্‌ সিয়েন গুরিলাক্। হারোণে তা লুদিক্কো ফরৌণ আর তার্‌ কাম্‌গুরিয়্যেগুনো মুজুঙোত্‌ ফেলেল, আর সিবে সাপ ওই গেলঅ।

যাত্রা 7:10 ပူးပေါင်းရင်းမြစ်များ

গীতসংহিতা 135:9

ও মিসর, তে বুগোত্ ফরৌণ আর তার বেক কামগুরিয়্যেগুনোর বিরুদ্ধে তার চিহ্নো আর আমক্ অবার কামানি গোজ্যে।

যাত্রা 12:28

মোশি আর হারোণরে লগেপ্রভু যে উগুমান্‌ দিয়্যে ইস্রায়েলীয়গুনে ফিরি যেইনে সেধগে কাম্‌ গুরিলাক্।

যাত্রা 4:3

লগেপ্রভু কলঅ, “সিবে মাদিত্‌ ফেলা।” মোশি লুদিক্কো মাদিত্‌ ফেলাদে ন-ফেলাদে সিবে এক্কো সাপ ওই গেলঅ। সেক্কে মোশি সিবে মুজুঙোত্তুন্‌ ধাবা দিইনে ধেই গেলঅ।

যাত্রা 7:15

কেল্যে বেন্যে ফরৌণে যেক্কে বারেদি গাঙ ঘাদত্‌ যেবঅ, সেক্কে তুই তা সমারে দেগা গুরিবাত্যে গাঙ পারত্‌ থিয়্যেই থেচ্‌। যে লুদিক্কো সাপ ওই যেইয়্যে সিবেয়ো আঢত্‌ রাগেচ্‌।

যাত্রা 7:20

মোশি আর হারোণে লগেপ্রভুর্‌ উগুম মজিম বেক্কানি গুরিলাক্। ফরৌণ আর তা কাম্‌গুরিয়েগুনো মুজুঙোত্‌ হারোণে তা লুদিক্কো তুলিনে গাঙ পানিত্‌ আঘাত্‌ গুরিলো। সেক্কে গাঙর্‌ বেক্‌ পানিগান লো ওই গেলঅ।

যাত্রা 7:6

লগেপ্রভু মোশি আর হারোণরে যেধোক্ক্যেন উগুম দিয়্যে তারা ঠিগ্‌ সেধোক্ক্যেন গুরিলাক্।

যাত্রা 7:9

“ফরৌণে যেক্কে তমারে কনঅ আমক্‌ অইদে কাম্‌ গুরি দেগেবাত্তে কবঅ, সেক্কে তুই হারৌণরে কবে, ‘ফরৌণ মুজুঙোত্‌ তঅ লুদিক্কো ফেলা,’ আর সেক্কে সিবে সাপ ওই যেবঅ।”

আমোষ 9:3

তারা কর্মিল মুড়োবো মাঢাত্ নিজোরে লুগেলেয়ো সিত্তুন্ মুই তারারে তোগেইনে ধুরিম। তারা মত্তুন্ সাগর তলাত্ লুগেলেয়ো সিদু তারারে কামেড়েবাত্তে মুই সাপ্‌‌‌পোরে উগুম দিম।

মার্ক 16:18

তারা আঢ উগুরে সাপ তুলি ধুরিবাক্, যুনি তারা অমকদ বিষাক্ত কিজু খান্ সালে তারার্ কনঅ ক্ষতি ন-অবঅ, আর তারা পীড়েল্যেগুনো কিয়্যেত্ আঢ্ দিলে পীড়েল্যেগুনে গম্ অবাক্।”

লূকে লেখ্যে গম্ হবর্ 10:19

চঅ, মুই তমারে সাপ আর বিছে উগুরে আঢি যেবার্ খেমতা দুয়োং আর তমা শত্রু শদানর্ বেক্ বলান উগুরেয়ো খেমতা দুয়োং। কনঅ কিজুয়ে তমারে ক্ষোতি ন-গুরিবো।