যাত্রা 6:14 - Chakma Bible

¹⁴ ইগুনে এলাক রূবেণ, শিমিয়োন আর লেবি-গুট্টির বংশর্‌ আজলুন্: ইস্রায়েল দাঙর্‌ পূয়ো রূবেণ পূয়োগুন্‌ অলাক হনোক, পল্লু, হিষ্রোণ আর কর্মি। ইগুনে রূবেণ গুট্টির বংশধর এলাক্।

যাত্রা 6:14 ပူးပေါင်းရင်းမြစ်များ

পত্থম 46:11

লেবির পুয়ো গের্শোন, কহাৎ আর মরারি।

পত্থম 46:9

রূবেণ পুয়ো হনোক, পল্‌লু, হিষ্রোণ আর কর্মি।

১ বংশধর 5:24

তারা বংশর নেতাগুনোর নাঙানি এলদে এফর, যিশী, ইলীয়েল, অস্রীয়েল, যিরমিয়, হোদবিয় আর যহদীয়েল। এ বোলী যোদ্ধাগুনে নাঙ্‌গোজ্যে মানুচ্‌ এলাক্‌।

১ বংশধর 5:3

ইস্রায়েল দাঙর্‌ পুয়ো রূবেণ পুয়োগুন অলাক্‌ হনোক, পল্লু, হিষ্রোণ আর কর্মী।

১ বংশধর 7:2

তোলয় পুয়োগুন অলঅ উষি, রফায়, যিরীয়েল, যহময়, যিব্‌সম আর শমূয়েল। ইগুনে নিজোর্‌ নিজোর্‌ বংশর নেতা এলাক্। দায়ূদ রাজাগিরি সময়োত্‌ তোলয় বংশর যিদুক্কুন্‌ মান্‌জ্যরে যোদ্ধা ইজেবে বংশ-নাঙানিত্ নাঙ্‌ লেগা ওইয়্যে তারা জনেদি এলাক্‌ বেইশ্‌ আজার্ ছয়শ জন।

১ বংশধর 7:7

বেলার পাচ্‌ছুয়ো পুয়ো অলাক্‌ ইষ্‌বোণ, উষি, উষীয়েল, যিরেমোৎ আর ঈরী। ইগুনে এলাক্‌ নিজোর্‌ নিজোর্‌ বংশর্ নেতা। তারা বংশ-নাঙানিত্ বেইশ্‌ আজার্ চৌত্রিশ জন মান্‌জ্যর্ নাঙ্‌ যোদ্ধা ইজেবে লেগা ওইয়্যে।

১ বংশধর 8:6

এহূদ পুয়োগুন অলাক্‌ নামান, অহিয় আর গেরা। ইগুনে এলাক্‌ গেবায় বজত্তি গুরিয়্যে মানুচ্চুনোর্ বংশর নেতা। গেরা তার্‌ দ্বিভেইয়োরে গেবাত্তুন্‌ জোর্‌ গুরিনে নিগিলেই দিলো; সেক্কে তারা মানহতদ্‌ যেইনে বজত্তি গরা ধুরিলাক্। গেরা অলদে উষঃ আর অহীহূদর বাপ।

যাত্রা 6:13

সেক্কে লগেপ্রভু মোশি আর হারোণরে কলঅ, “তুমি ইস্রায়েলীয়গুনোরে আর মিসর রাজা ফরৌণরে জানেবা, লগেপ্রভু তমারে যে উগুম দিয়্যে যেনে তুমি ইস্রায়েলীয়গুনোরে মিসরত্তুন্‌ নিগিলেই নেযঅ।”

যাত্রা 6:25

ইলিয়াসর পূয়ো অলঅ পীনহস। হারোণ পূয়ো ইলিয়াসর পূটীয়েল ঝিবোরে লোইয়ে আর তা পেদত্‌ পীনহসর জর্ম ওইয়্যে। ইগুনে এলাক্ লেবি-গুট্টির নানান্‌ বংশর আজলুন্।

গণাণা 26:12

শিমিয়োনোর বংশধর: ইগুনে অলাক নমূয়েলত্তুন্‌ নমূয়েলীয় বংশ, যামীনোত্তুন্‌ যামীনীয় বংশ, যাখীনত্তুন্‌ যাখীনীয় বংশ,

যিহোশূয় 13:15

মোশি রূবেণ-গুট্টির নানান্‌ বংশধরুনোরে যে জাগায়ানি দিয়্যে সিয়েনি অর্ণোন কিজিঙোর্‌ দুযিত্‌ অরোয়র শঅ‌রত্তুন্‌ আর কিজিঙোর্‌ সং মোধ্যে আদামত্তুন্‌ আরাম্ভ ওইয়্যে। সে ভিদিরে এলদে মেদবার চেরোকিত্তে বেক্‌ সং জাগায়ানি,

যিহোশূয় 13:23

যর্দন গাঙান্‌ এলদে রূবেণীয়গুনোর চাগালার পোজিম দুযিত্‌। এ বেক্‌ শঅ‌রানি আর সিয়েনর্‌ কায়-কুরে আদামানি রূবেণ-গুট্টির নানান্‌ বংশর মানুচ্চুনে সোম্বোত্তি ইজেবে পেইয়োন্‌।

যিহোশূয় 14:1

অন্য ইস্রায়েলীয়গুনে কনান দেজত্‌ সোম্বোত্তি ইজেবে জাগা-জোবিন্ পেলাক্‌। ধর্মগুরু ইলীয়াসর, নূনর পূঅ‌ যিহোশূয় আর ইস্রায়েলীয়গুনোর যুদো যুদো গুট্টির গিরির্-নেতাগুনে তারারে সিয়েনি ভাগ গুরি দিলাক্।

যিহোশূয় 19:51

ধর্মগুরু ইলিয়াসর, নূনর পূঅ যিহোশূয় আর ইস্রায়েলীয়গুনোর নানান্‌ গুট্টির বংশ-মুরুব্বীগুনে শীলোত মিলন-তাম্বুর দোরান ইদু লগেপ্রভুর মুজুঙোত্‌ চাম্বা চেইনে এ বেক্‌ জাগায়ানি ঠিগ্‌ গুরি দিলো। এধোক্ক্যেনগুরি তারা দেজ্‌চান ভাগ গরানার কামানি থুম্‌ গুরিলাক্‌।