যাত্রা 5:9 - Chakma Bible

⁹ তুমি তারা উগুরে আরঅ জদবদে কাম্‌ চাপি দুয়ো, যেনে মিজে কধালোই কান্‌ ন-পাদিনে তারা কামত্‌ মুদ্‌ধুবি থান।”

যাত্রা 5:9 ပူးပေါင်းရင်းမြစ်များ

২ রাজাবলী 18:20

তুই কত্তে তর্‌ যুদ্ধো গুরিবার বুদ্ধি আর বল্‌ আঘে, মাত্তর্‌ সিয়েনি তর্‌ মুয়ো কধা। কঅদে চাং, তুই কা বলে মর্‌ বিরুদ্ধে উল্লোমি গরর্‌?

ইয়োব 16:3

তমার্‌ এ সুর্‌বোত্যে বোইয়্যের ধোক্ক্যেন্ কধানি কনদিন্‌অ কি থুম্‌ ন-অবঅ? তমারে কিয়্যে পেইয়্যে, তুমি তর্ক গরা ধোজ্য?

যাত্রা 5:10

সেক্কে চাগরুনো উগুরে কাম্-দিয়্যে অত্যেচারী সদ্দারুনে আর ইস্রায়েলীয় পরিচালক্কুনে বারেদি যেইনে মানুচ্চুনোরে কলাক্, “ফরৌণে কত্তে, তে আর্ তমারে দার্‌বো যুগেই ন-দিবো।

যাত্রা 5:8

মাত্তর্‌ যুনিয়ো তারা আগে যিদুক্কুন্‌ ইট বানেদাক্‌ ঠিগ্ সিদুক্কুন তুমি তারাত্তুন্‌ গুণি লবা, এক্কোয়ো ন-কোমেবা। মানুচ্চুন্‌ আল্‌সি বিলিনে তারা যেইনে তারা গোজেন নাঙে য়েমান্‌ উৎসর্ব গুরিবার্‌ কধানিলোই রঅ ছারদন্।

সখরিয় 1:6

মাত্তর্ মুই মর্ চাগরুনোরে, অত্তাৎ ভাববাদীগুনোরে যেদক্কানি উগুম দুয়োং, মর্ সেই বেক্ কধানি আর সুদোম্ মজিম কি তমা পূরোণি মানুচ্চুনে সাজা ন-পান্? সেক্কে তারা মনানি ফিরেইনে কোইয়োন্দে যে, বেগত্তুন খেমতাবলা লগেপ্রভু তারার্ আচার-বেবহার আর অভ্যেস্ মজিম তারা উগুরে যিয়েনি গুরিবো বিলি ঠিগ্ গোজ্যে তে সিয়েনই গোজ্যে।’ ”

মালাখি 3:14

তুমি কোইয়ো, ‘গোজেনর্ সেবা গরানা অনত্তক্। তার্ রীদি-সুদোম মজিম্ কাম্ গুরিবাত্তে আর আপ্‌সোজ্ গুরিনে বেগত্তুন্ খেমতাবলা লগেপ্রভুর মুজুঙোত্ আদাউদো গুরিনে আমার কি লাভ্ অলঅ?‌‌‌‌‌

ইফিষীয় 5:6

মিজে কধাবাত্তালোই যেন কেউ তমারে ভুল্ পধেদি ন-নেযায়, কিয়া যিগুনে অবাধ্য ওইনে সেবাবোত্যে কাম্ গরন গোজেন সাজা তারা উগুরে লামি এজে।