যাত্রা 40:38 - Chakma Bible

³⁸ ইস্রায়েলীয়গুনোর্‌ গোদা যেবার্ পদথ্‌ দিনো অক্তত্‌ তারার্‌ চোগো মুজুঙোত্‌ থেবার্‌-তাম্বুল উগুরে থেদঅ‌ লগেপ্রভুর্‌ এই মেঘ চাক্কান্‌ আর রেদো অক্তত্‌ সেই মেঘঅ ভিদিরে থেদঅ‌ আগুন।

যাত্রা 40:38 ပူးပေါင်းရင်းမြစ်များ

২ শমূয়েল 7:6

মিসর দেজত্তুন্‌ ইস্রায়েলীয়গুনোরে নিগিলেই আনিবার্‌ দিন্নোত্তুন্‌ ধুরি এচ্ছে সং মুই দঅ কনঅ ঘরত্‌ বজত্তি ন-গরং। মুই তাম্বুলোত্‌ থেইনে এক্কান্‌ থেবার্‌ জাগাত্তুন্‌ আরেক্কান থেবার জাগাত্ যেইয়োং।

গীতসংহিতা 105:39

তারারে ন-দেগিবাত্তে তে তার সেই মেঘ্‌কান মিলি দিলো, আর রেদোত্ পহ্‌র্ দিবাত্তে আগুন দিলো।

গীতসংহিতা 78:14

দিনোত্ মেঘ দিইনে আর পুরো রেত্তো আগুনো পহ্‌র্‌লোই তে তারারে পথ দেগেয়্যে।

যাত্রা 13:21

লগেপ্রভু তারারে পথ দেগেইনে নেযেবাত্তে দিনো লক্কে মেঘঅ আন্দল ভিদিরেদি আর রেদো লক্কে পহ্‌র্‌ দিবাত্যেই আগুনো আন্দল ভিদিরেদি থেইনে তারার্‌ আগে আগে যেদঅ‌। সেক্কে তারা দিনোত্‌ আর রেদোত্‌ সব সময়োত্‌ যেই পারিদাক্‌।

যাত্রা 13:22

দিনোত্ মেঘর্‌ আন্দলে আর রেদোত্ আগুনোর্‌ আন্দলে সব সময় মানেইয়ুনোর মুজুঙোত্‌ থেদঅ‌।

গণাণা 10:34

তাম্বুলান তুলিনে আদা মারিবার্‌ পরেদি দিনো লক্কে লগেপ্রভুর মেঘ্‌কান ইস্রায়েলীয়গুনো উগুরে থেদঅ।

গণাণা 9:12

বেন্যেমাদান সং কিচ্ছু ফেলে রাগেই ন-পারিবো বা কনঅ আড়্ ভাঙি ন-পারিবো। উদ্ধোর অনার-পরপ্পো পালেবার্‌ সময়োত্‌ বেক্‌ সুদোমানি তারাত্তুন্‌ মানি চলা পুরিবো।

গণাণা 9:15

যেদিন্যে থেবার-তাম্বুলান, অত্তাৎ সাক্ষ্য-তাম্বুলান তুলো অলঅ সেদিন্যে সিবে লগেপ্রভুর মেঘ্‌কান্দোই নাঢা গেলঅ। সাজোন্যাত্তুন্‌ ধুরি বেন্যেমাদান্ সং থেবার-তাম্বুলান উগুরেগান্‌ সেই মেঘ্‌কান আগুনো ধোক্কেন্ দেগা গেলঅ।

গণাণা 9:16

সে পরেত্তুন্‌ ধুরি অবস্থাগান্‌ সেধোক্কেন্ ওয়া ধুরিলো। থেবার-তাম্বুলান সেই মেঘকান্দোই নাট্যে থেদঅ আর রেদোত্‌ সিয়েন আগুনো ধোক্কেন্ দেগা যেদঅ।