যাত্রা 40:34 - Chakma Bible

³⁴ সে পরেদি মেঘচাগ্‌ এইনে মিলন-তাম্বুলান্‌ নাঢি ফেলেল আর লগেপ্রভুর মহিমায় থেবার-তাম্বুলান ভুরি গেলঅ‌।

যাত্রা 40:34 ပူးပေါင်းရင်းမြစ်များ

২ শমূয়েল 7:6

মিসর দেজত্তুন্‌ ইস্রায়েলীয়গুনোরে নিগিলেই আনিবার্‌ দিন্নোত্তুন্‌ ধুরি এচ্ছে সং মুই দঅ কনঅ ঘরত্‌ বজত্তি ন-গরং। মুই তাম্বুলোত্‌ থেইনে এক্কান্‌ থেবার্‌ জাগাত্তুন্‌ আরেক্কান থেবার জাগাত্ যেইয়োং।

২ বংশধর 5:13

ধর্মগুরুগুনে যেক্কে বারেন্দি এলাক্‌ সেক্কে তূরী বাজেয়্যেগুনে আর গানগেইয়্যেগুনে একলগে এক সুরে লগেপ্রভুর বাঈনী গুরিলাক্‌ আর তারে ভালেদি জানেলাক্‌। তূরী, জোরি আর অন্য বাজানার লগে তারা দাঙর্‌ দাঙর্‌ গুরিনে লগেপ্রভুর নাঙে এ গান্নো গেলাক্‌, “তে মংগলময়, তার্‌ কোচ্‌পানা উমরত্তে।” সে সময়োত্‌ লগেপ্রভুর ঘরান্‌ মেঘে ঢাগি গেলঅ।

২ বংশধর 7:2

সেনত্তেই ধর্মগুরুগুনে সিয়েনত্‌ সোমেই ন-পারিলাক্‌।

গীতসংহিতা 26:8

ও লগেপ্রভু, যে ঘরত্ তুই বজত্তি গরচ্, তর্ মহিমাগান্ যিয়েনত্ থায়, সে জাগায়ান মুই কোচ্‌‌পাং।

যাত্রা 14:24

বেন্যেপোত্যে লগেপ্রভু মেঘ আর আগুনো থুনি ভিদিরেত্তুন্‌ মিসরীয় সৈন্যদলুনো ইন্দি রিনি চেলঅ‌ আর তারা ভিদিরে এক্কান্‌ যাগুলুক্ বাজেই দিলো।

যাত্রা 16:10

হারোণে যেক্কে ইস্রায়েলীয়গুনো ইদু কধা কলঅ সেক্কে তারা ধূল্যেচর-চাগালা ইন্দি রিনি চেলাক্; আর আমক্‌ অবার্‌ ইয়েন, সিয়েনত্‌ মেঘ ভিদিরে তারা লগেপ্রভুর্‌ মহিমা দেগিলাক্।

যাত্রা 25:8

ইস্রায়েলীয়গুনোর মাধ্যমে তুই মর্‌ থেবাত্তে এক্কান্‌ পবিত্র জাগা বানেবে। সেক্কে মুই তারা ভিদিরে বজত্তি গুরিম।

যাত্রা 29:43

ইস্রায়েলীয়গুনো লগে মুই সিদু দেগা গুরিম্‌ আর মর্‌ মহিমাগানে সেই জাগায়ানরে ফারক্‌ গুরি রাগেব।

যাত্রা 33:9

মোশি সেই তাম্বুলোত্‌ সমানার্‌ পরেদি মেঘঅ চাক্কো লামি এদঅ‌ আর লগেপ্রভু যেদক্কণ মোশি লগে কধা কদঅ‌ সেদক্কণ্‌ সং সিবে তাম্বুলোর্ দুয়োরান ইদু থেদঅ‌।

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যিশাইয় 6:4

তারা রবুয়োলোই উবোসনা-ঘরর্ দোরোর্ কব্‌জানি গির্‌গিরে উদিলো আহ্ ঘরান ধূমোলোই ভরপুনং ওই গেলঅ।‌

যিহিষ্কেল 10:4

সে অক্তত্ লগেপ্রভুর মহিমাগান্ করূব্‌পুনো উগুরেত্তুন উদিনে উবোসনা-ঘরর্ ফ্রেমানি ইন্দি গেলঅ। উবোসনা ঘরান্ মেঘ্‌কোই ভুরি গেলঅ, আর সেক্কে লগেপ্রভুর মহিমাগানর্ পহ্‌রে উদোনান্ ভরা এলঅ।

লেবীয় 16:2

তে কলঅ, তর্‌ ভেই হারোণরে কঅ‌, সাক্ষ্য-সুন্দুগো উগুরে ঢাগোনিগান মুজুঙোত্ যে পর্দাগান্‌ রোইয়ে ‍সিয়েনর্‌ পিজেন্দি সে পবিত্র জাগানত্‌ তে যেন তার্‌ আওজ্ মজিম যেক্কে-সেক্কে ন-যায়। সেধোক্ক্যেন গুরিলে তে মুরি যেবঅ, কিত্তে সে ঢাগনিগান উগুরে মেঘ ভিদিরে মুই দেগা দিম্‌।

হগয় 2:7

মুই বেক্ জাদ্‌‌তুনোরে লাড়েম আর সেক্কে তারা তারার্ ধন-সোম্বোত্তিগানি ইধু আনিবাক্। সেক্কে মুই এ ঘরান্ সয়-সাগোজ্যেলোই ফেলেং ফেলেং গুরিম।

হগয় 2:9

আগ ঘরর্ সয়-সাগোজ্যেত্তুন্ ইক্কিনে ঘরর্ সয়-সাগোজ্যেগান আরঅ বেশ্ অবঅ। এ জাগানত্ মুই ভালেদি আনিম। মুই বেগত্তুন্ খেমতাবলা গোজেন লগেপ্রভু এ কধাগান কঙর্।’ ”

গণাণা 7:89

ইয়েনর পরেদি মোশি যেক্কে লগেপ্রভুর লগে কধা কবাত্তে মিলন-তাম্বুলোত্‌ চোমেদ সেক্কে সাক্ষ্য-সিন্দুগো উগুরে ঢাগনিগানর্‌ কাজাকুরেন্দি করূব দ্বিবের্‌ ভিদিরে জাগানত্তুন্‌ তাঁর কধানি শুনিদাক্। এবাবোত্যেগুরি লগেপ্রভু মোশি সমারে কধা কদঅ।

রোমীয় 9:4

তারা দঅ ইস্রায়েল জাদর্ মানুচ্‌। গোজেনে তারারে পুয়ো ইজেবে অধিকার্ দিয়্যে, নিজোর্ মহিমা দেগেয়্যে, তারাত্যে বেবস্থা থিদেবর্ গোজ্জ্যে, রীদি-সুদোম দিয়্যে, তারে সেবা আর উবোসনার্ পধ্ গুরি দিয়্যে আহ্ বোউত্ এগেম্‌অ গোজ্জ্যে।

ফগদাং পেইয়্যে 15:8

গোজেনর্ মহিমা আর খেমতাগানত্তুন যে ধূমোগান নিগিলের্ সেই ধূমোগান্দোই উবোসনা-ঘরান ভুরিলো। সেই সাতজন স্বর্গদূতোর্ সাত্‌তান আঘাত থুম্ ন-অনা সং কেঅ সেই উবোসনা-ঘরত সোমেই ন-পারিলাক্।

ফগদাং পেইয়্যে 21:3

সে পরেদি মুই একজনরে সেই সিংহাসনত্তুন্ জোরে এ কধাগান কধে শুনিলুং, “ইক্কিনে মান্‌জ্য ভিদিরে গোজেনর্ থেবার জাগা ওইয়্যে। তে মান্‌জ্য সমারে থেবঅ আর তারা তা মানুচ্‌ অবাক্। তে নিজেই মান্‌জ্য সমারে থেবঅ আর তারার্ গোজেন অবঅ।