যাত্রা 40:3 - Chakma Bible

³ সে ভিদিরে সাক্ষ্য-সুন্দুক্কো রাগেইনে তার্‌ পর্দাগান্‌দোই সিবে নাঢি দিবে।

যাত্রা 40:3 ပူးပေါင်းရင်းမြစ်များ

১ বংশধর 17:5

মিসর দেজত্তুন্‌ ইস্রায়েলীয়গুনোরে নিগিলে আনিবার দিন্নোত্তুন্‌ ধুরি এচ্ছ্যে সং মুই কনঅ ঘরত্‌ বজত্তি ন-গরঙ্‌। এক তাম্বুলোত্তুন্‌ অন্য তাম্বুলোত্‌, এক বজত্তি জাগাত্তুন্‌ আরেক্‌ বজত্তি জাগাত্‌ যেয়োং।

যাত্রা 25:10

বাব্‌লা-তক্তালোই তারা এক্কো সুন্দুক্ বানেবাক্। সিবে লাম্বান্দি অবঅ‌ আড়ি আত্‌, ডাক্কে আর উগুরেদি দেড়্‌ আত।

যাত্রা 25:22

এই সাক্ষ্য-সিন্দুগোর্‌ ঢাগনীগান উগুরে দ্বিবে করূব সংমোধ্যে মুই তঅ সমারে দেগা গুরিনে ইস্রায়েলীয়গুনোত্তে মর্‌ বেক্‌ উগুমানি তরে দিম্‌।

যাত্রা 26:31

য়েল্, বিগুনি আর রাঙা রংয়র্‌ সুদো আর পাগেয়্যে মসীনা সুদোলোই এক্কান্‌ পর্দা বানেবে। কাবিল্ কালিগর্‌লোই সিয়েন উগুরে করূপ্পুনোর্‌ ফোটুগুন বুনিবা।

যাত্রা 31:7

মিলন-তাম্বুল, সাক্ষ্য-সুন্দুক আর সিবে উগুরে ঢাগনিগান, তাম্বুলর্ পযাপিরানি,

যাত্রা 35:12

লুদিক্কো সুদ্দো সাক্ষ্য-সুন্দুক, তার্‌ ঢাগনিগান্‌ আর ঢাগি রাগেবার্‌ পর্দাগান;

যাত্রা 35:4

মোশি ইস্রায়েলীয়গুনোরে কলঅ, লগেপ্রভু উগুম্‌ গোজ্যেদে যেন তমাত্তুন যিয়েনি আঘে সিয়েনিত্তুন্‌ তা নাঙে তুমি ভোক্তি-বক্‌শিজ্ আনঅ‌। যিগুনে নিজোর্‌ আওজে দিবাত্তে চান্‌ তারা লগেপ্রভুত্তে এই বেক্‌ জিনিস্‌ছানি আনিবাক্‌: সনা, রূবো আর পিদোল;

যাত্রা 39:32

এধোক্ক্যেন গুরিই থেবার-তাম্বুলর, অত্তাৎ মিলন-তাম্বুলর্ বেক্কানি বানানার্‌ কাম্‌ থুম্‌ অলঅ‌। লগেপ্রভু মোশিরে যেধোক্ক্যেন গুরি উগুম দিয়্যে সেধোক্ক্যেন গুরি ইস্রায়েলীয়গুনে বেক্‌ কামানি গুরিলাক্‌।

লেবীয় 16:14

সে পরেদি তাত্তুন্‌ সে বলত্তোর কিজু লো নেযেইনে আঙুল্লোই ঢাগনিগান মুজুঙেন্দি কান্‌জাবা কুরে সিয়ান্‌ ছিদি দিয়া পুরিবো। ইয়েনর্ পরেদি আঙুল্লোই তাত্তুন্‌ আরঅ‌ কিজু লো নিইনে ঢাগনিগানর্‌ মুজুঙোত্ সাতপল্লা ছিদি দিয়্যে পুরিবো।

গণাণা 4:5

তাম্বুল তুলিনে যেবার্‌ সময় অলে হারোণ আর তার্‌ পূঅগুনে থেবার্‌-তাম্বুলো ভিদিরে যেইনে সাক্ষ্য-সুন্দুক্কো নাঢি রাগেবার্‌ পর্দাগান লামেইনে সিয়েন্দোই সুন্দুক্কো নাঢি দিবাক।

ইব্রীয় 9:3

দ্বি-লম্বর্ পর্দাগানর্ পিজেদি তাম্বুলানর্ আর এক্কান ভাগ্ এলঅ; সিয়েন নাঙান এলঅ দাঙর্ পবিত্র জাগা।

ফগদাং পেইয়্যে 11:19

সে পরেদি স্বর্গর উবোসনা ঘরান্ খুলো অলঅ আর সিধু গোজেনর্ বেবস্থা-সিন্দুক্‌কো দেগা গেলঅ। সেক্কে ঝিমিলেনি আর দর্‌গরেপারা রঅ আহ্ দেবা পেরাগ, ভূজোল্ আর জদবদে শিলোঝড় উয়ো ধুরিলো।