যাত্রা 40:24 - Chakma Bible

^24-25 দোগিণে, টেবিলানর উগুদো মোক্ক্যেদি লগেপ্রভুর্‌ উগুম মজিম্‌ চেরাগ টক্কো রাগেল আর সিবে উগুরে লগেপ্রভুর্‌ মুজুঙোত্‌ চেরাক্কুন্‌ জ্বালেই দিলো।

যাত্রা 40:24 ပူးပေါင်းရင်းမြစ်များ

গীতসংহিতা 119:105

তর্ কধানি মর্ পধ দেগেবার বাত্তি, মর্ আঢিবার পধ্‌তান পহর্।

যাত্রা 26:35

এই পর্দাগানর্‌ বারেদি পবিত্র জাগান ভিদিরে উত্তোরেন্দি টেবিলান রাগা পুরিবো আর সিয়েনর্ উগুদোগুরি দোগিণেদি থেবঅ‌ চেরাগটগ্‌কো।

যাত্রা 40:4

টেবিলান ভিদিরে আনিনে সিয়েন উগুরে যিয়েনি রাগেবার্‌ সিয়েনি সাজেই রাগেবে। পরেদি চেরাগ টক্কো আনিনেই চেরাক্কুন্‌ জ্বালেই দিবে।

যোহন 1:1

পত্তমে কধাগান্ এলঅ, কধাগান্ গোজেন সমারে এলঅ আর কধাগান্ নিজেই গোজেন এলঅ।

যোহন 1:5

সে পহরান্ আন্ধারত্ জ্বলের্ মাত্তর্ আন্ধার্ পহ্‌‌রানরে জিদি ন-পারে।

যোহন 1:9

তেয়ই আঝল্ পহ্‌র, যে পত্তি মান্‌জ্যরে পহ্‌র দান গরে, তে পিত্‌থিমীত্ এজের্।

যোহন 8:12

পরেদি যীশু আরঅ মানুচ্চুনোরে কলঅ, “মুয়ই পিত্‌থিমীর্ পহ্‌রান্। যে মঅ পধেদি আঢে তে কনদিন্অ আন্ধারত্ ঠেং ন-ফেলেব, বরং জিংকানির্ পহ্‌র পেবঅ।”

ফগদাং পেইয়্যে 1:20

যে সাত্‌টো সনার চেরাগ টগ্ আর মঅ ডেন্ আঢেদি যে সাত্‌টো তারা তুই দেগিলে সিয়েনর্ গুমুরো অত্তগান ইয়েন-সেই সাত্‌টো তারা অলঅ সেই সাত্‌টো মন্ডলীর সাতজন দূত আর সাত্‌টো চেরাগ টগ্ অলঅ সেই সাত্‌টো মন্ডলী।

ফগদাং পেইয়্যে 2:5

ভাবি চাহ্, তুই কত্তমান অজলত্তুন্ কত্তমান তলেদি লামি যেয়োচ্। এ অবষ্থাগানত্তুন্ তুই মন ফিরে আর পত্তমে যে কামানি গুরিদে সিয়েনত্ ফিরি যাহ্। তুই যুনি মনান ন-ফিরেচ্ সালে মুই তইধু এইনে তর্ চেরাগটগ্‌কো তা জাগানত্তুন্ সোরেই ফেলেম।