যাত্রা 40:16 - Chakma Bible

¹⁶ লগেপ্রভু মোশিরে যেধোক্ক্যেন গুরি উগুম দিয়্যে মোশি সেধোক্ক্যেন বেক্কানি গুরিলো।

যাত্রা 40:16 ပူးပေါင်းရင်းမြစ်များ

পত্থম 6:22

নোহ সেবাবোত্যে গুরিলো। গোজেনর্ উগুম মজিম্‌ তে বেক্কানি গুরিলো।

যাত্রা 40:15

সে পরেদি তারার বাব্‌‌পো ধোক্ক্যেন গুরি তারারেয়ো অভিষেগ গুরিবে যেনে তারা ধর্মগুরু ওইনে মরে সেবা গুরি পারন। এই অভিষেক্কান্দোই‌ যে ধর্মগুরু-পদর সৃট্টি অবঅ‌ সিয়েন বংশর পর বংশ ধুরিনে থেবঅ।

যাত্রা 7:6

লগেপ্রভু মোশি আর হারোণরে যেধোক্ক্যেন উগুম দিয়্যে তারা ঠিগ্‌ সেধোক্ক্যেন গুরিলাক্।

যিশাইয় 8:20

তমাত্তুন্ গোজেনর্ উগুম আর সাক্ষি ইদু যাহ্ পুরিবো। যুনি তারা গোজেন কধা মজিম্ কধা ন-কন্ সালে বুঝো পুড়িবোদে তারা ইদু কনঅ পহ্‌‌র জিনিস্‌চান নেই।‌

যিরমিয় 13:5

সেনত্তে লগেপ্রভুর উগুম মজিম্ মুই যেইনে ইউফ্রেটিস গাঙ ইধু সিবে লুগেই থলুং।

লেবীয় 8:13

সে পরেদি তে হারোণর্‌ পূঅগুনো মুজুঙোত্ আনিনে তারা কিয়্যেত্ সিলুম্‌ উরেই দিলো আর কমরত্‌ ফারদ্‌ দুড়ি বাঁনিনে মাঢাত্‌ তোক্কে পিনেই দিলো। বেক্কানি মোশি লগেপ্রভুর্ উগুম মজিম্ গুরিলো।

লেবীয় 8:21

ভেড়াবোর্ পেদ ভিদিরে ভাগ্‌কানি আর টেঙানি তে পানিলোই ধোইনে গোদা ভেড়াবো পুজ্যে-উৎসর্ব ইজেবে পূজোবো উগুরে পুড়ি ফেলেল। ইবে লগেপ্রভুর্ নাঙে আগুন্দোই-গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়্‌। মোশি বেক্কানি লগেপ্রভুর্ উগুম মজিম্ গুরিলো।

লেবীয় 8:9

সে পরেদি কবঙান্‌ হারোণর্‌ মাদা উগুরে রাগেইনে পবিত্র মুকুট্টো, অত্তাৎ সেই সনার্‌ পাত্তান্‌ কবঙানর্‌ মুজুঙেন্দি বোজেই দিলো। বেক্কানি মোশি লগেপ্রভুর্ উগুম মজিম গুরিলো।

গণাণা 1:19

সিনাই ধূল্যেচর চাগালাত্‌‌ মোশি লগেপ্রভুর উগুম্‌ মজিম মানুচ্চুনোরে গুণি নেযেল।

গণাণা 9:22

দ্বিদিন ওক্‌ বা এক মাস ওক্‌ অথবা তাত্তুন বেশ্‌ সময় ওক্‌, যেদকবুলোন্‌ মেঘ্‌কান থেবার-তাম্বুলান উগুরে থেদঅ ইস্রায়েলীয়গুনে তাম্বুলান ফেলেইনে সিয়োদোই থেদাক, আঢা ন-মারিদাক্। মাত্তর্‌ মেঘ্‌কান সোরেই গেলে তারা আরঅ আঢানা আরাম্ভ গুরিদাক্।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

১ করিন্হীয় 4:2

যিগুনো উগুরে ভারান্ দিয়্যে ওইয়্যে তারারে দেগা পরিবোদে যে, তারা বিশ্বেজ্‌বলা।

দ্বি’লম্বর বিররণ 12:32

মুই তমারে যেদক্কানি উগুম্‌ দিলুং সিয়েনি বেক্কানি তুমি পালন গুরিবা; ইয়েন সমারে কিজু ন-মিজেবা, আরঅ ইয়েনত্তুন্‌ কিজু বাদঅ ন-দিবা।

দ্বি’লম্বর বিররণ 4:1

ইস্রায়েলীয়গুন, মুই তমারে যেদক্কানি সুদোম আর রীদি-সুদোমর্ শিক্ষ্যে দিবাত্তে যাঙর্‌ সিয়েনি তুমি ইক্কিনে শুনো। ইয়েনি তমাত্তুন্‌ মানি চলা পুরিবো যেনে তুমি বাঁঝি থাগঅ আর তমা পুরোণি মানুচ্চুনোর্‌ গোজেন লগেপ্রভু যে দেজ্‌ছান তমারে দিবাত্তে যার্‌ সিদু যেইনে সিয়েন্‌ অধিকার্‌ গুরি নেযেই পার।

ইব্রীয় 3:2

গোজেন ঘোর্‌বোগুনোরে দেগাশুনো কামত্ মোশি যেধোক্ক্যেন বিশ্বেজি এলঅ সেধোক্ক্যেন যীশুরে যিবে বেঈ লোইয়্যে সেই গোজেন ইধু তেয়ো বিশ্বেজি এলঅ।

ইব্রীয় 3:5

ঘেচ্চ্যেকগুরি মোশি গোজেনর্ ঘোর্‌বো সেবাগুরিয়্যে ইজেবে বিশ্বেজি এলঅ, যেন ভবিচ্চদে যিয়েনি কুয়ো অবঅ সিয়েনি পৌইদ্যেনে তে স্বাক্ষ্য দি পারে।