যাত্রা 40:11 - Chakma Bible

¹¹ আসনান্‌ সুদ্দো গাবালাবো উগুরে অভিষেগ-তেল দিইনে সিয়েন্‌ মর্‌ নাঙে যুদো গুরি নেযেবে।

যাত্রা 40:11 ပူးပေါင်းရင်းမြစ်များ

১ রাজাবলী 7:38

তে পত্তি বাক্‌সুত্তে ইক্কো গুরিনে পিদোল দশছুয়ো গাবালা বানেল। পত্তি গাবালার বেড়্ এলদে চের্‌ আত্‌ আর সিয়োত্‌ আস্‌তোশ আশি লিটার পানি আদিদো।

যাত্রা 30:18

“আত্‌-টেং ধবাত্তেই পিদোল্লোই এক্কো গাবালা আর সিবে বোজেবাত্তে পিদোলর্‌ এক্কো আসন বানা পুরিবো। মিলন-তাম্বুলান আর ডালিপূজোবোর্‌ সংমোধ্যে জাগানত্‌ সিবে বোজেইনে সিবে ভিদিরে পানি রাগেবে।

যাত্রা 30:28

পূজ্যে-উৎসর্বর পূজো আর তার্‌ বেক্‌ পিলেগুন আর আসন সহ গাবালাবো মঅ নাঙে ফারক্‌ গুরি নিবে।

যাত্রা 31:9

পুজ্যে-উৎসর্বর্ পূজো আর সিবের বাজোন্-কদরা, গাবালা আর সিয়েনি বোজেবার্‌ আসন আর ধর্মগুরুগুনোর্‌ কামত্তে ধর্মগুরু হারোণত্তে বুন্যে পবিত্র পোজাক্‌ আর তার্‌ পূঅগুনোর্‌ পোজাক্‌।

যাত্রা 40:10

বেক্‌ বাজোন-কদরাগুন্ সুদ্দো পুজ্যে-উৎসর্বর ডালিঘর উগুরেয়ো অভিষেগ-তেল্লোই ডালিঘরান মর্‌ নাঙে যুদো গুরি নেযেবে। সেক্কে সিবে দাঙর্‌ পবিত্র জিনিস অবঅ‌।

যাত্রা 40:12

“সে পরেন্দি হারোণ আর তার্‌ পূঅগুনোরে মিলন-তাম্বুলর্‌ দোরান মুজুঙোত্‌ আনিনে পানিলোই তারার্‌ কিয়্যেগানি ধবে।”

গণাণা 7:1

যেদিন্যে থেবার্‌-তাম্বুলান তুলোনা থুম অলঅ সেদিন্যে মোশি সিয়েন উগুরে অভিষেগ-তেল্লোই গোদা তাম্বুলান আর তার্‌ পজা-পিরানি লগেপ্রভুর নাঙে যুদো গুরি নেযেল। তে পূজো আর তার্‌ থাল্‌-বাজোন্‌ উগুরে অভিষেগ তেল্লোই সিগুনোরে যুদো গুরি নেযেল।