যাত্রা 39:6 - Chakma Bible

^6-7 সে পরেদি তারা সনার্‌ জালি উগুরে দ্বিবে বৈদূর্যমণি বোজেলাক্। যেধোক্ক্যেন গুরিনে সীলমহ্‌রুন খোদাই গুরিনে বানা অয় সেধোক্ক্যেন গুরি সে পাত্তরুনো উগুরে ইস্রায়েলর্‌ পূঅগুনোর্‌ নাঙানি খোদাই গুরিনে সিয়েনি এফোদর্‌ কলার ফিতেগানি লগে বানি দিয়্যে অলঅ‌। লগেপ্রভু ইস্রায়েলীয়গুনো উগুরে মনযোগ্‌ দিবো, ইয়েনই অলঅ‌ এই পাত্তর্‌ দ্বিবের্‌ উদ্দেশ্য। লগেপ্রভু মোশিরে যেধোক্ক্যেন উগুম্‌ দিয়্যে সেধোক্ক্যেন বেক্কানি গরা অলঅ‌।

যাত্রা 39:6 ပူးပေါင်းရင်းမြစ်များ

ইয়োব 28:16

ওফীরোর সনালোই সিয়েন কিনে ন-যায়, বৈদুর্যমণি বা নীলকান্তমণি দিলেয়ো সিয়েন কিনে ন-যায়।

যাত্রা 25:7

এফোদ আর বুগ্‌-ঢাগনী উগুরে বোজেবাত্তে বৈদূর্যমণি আর অন্য মংগা পাত্তর্।

যাত্রা 28:11

কালিগরুনে যেধোক্ক্যেন মংগা পাত্তরত্‌ খোদাই গুরিনে সীলমহর্‌ বানান্‌ ঠিগ্‌ সেধোক্ক্যেন গুরি সেই দ্বিবে পাত্তর উগুরে ইস্রায়েলর্‌ পূঅগুনোর্‌ নাঙানি লিগি রাগা পুরিবো। পাত্তর্‌ দ্বিবে সনার্‌ জালি উগুরে বোজেইনে এফোদ কলার ফিতেগান লগে বানি দিয়্যে পুরিবো। এই দ্বিবে পাত্তরে লগেপ্রভুর্‌ মুজুঙোত্‌ ইস্রায়েলীয়গুনোরে তুলি ধুরিবাক্। লগেপ্রভু যেনে তারা উগুরে খিয়েল রাগায়্‌ সেনত্যেই হারোণে এই নাঙানি লগেপ্রভুর্‌ মুজুঙোত্‌ তার্‌ দ্বিয়েন কানা উগুরে তুলিনে বুয়োই নেযেব।

যাত্রা 28:9

তুই দ্বিবে বৈদুর্যমণি (এক বাবোত্যে পাত্তর্‌) নেযেইনে সিগুনো উগুরে ইস্রায়েলর পূঅগুনোর্‌ নাঙানি লিগি রাগেবে।

যাত্রা 35:9

এফোদ আর বুগ-ঢাগনিগান উগুরে বোজেবাত্তে বৈদূর্যমণি আর অন্য দামী পাত্তর্।

যাত্রা 39:5

এফোদর্‌ লগে জড়া লাগেয়্যে কমরর্‌ ফিতেগান্‌অ‌ চাদে এফোদ ধোক্ক্যেন অলঅ‌। সিয়েন্‌অ সনা আর য়েল্, বিগুনি আর রাঙা রংয়র্‌ সুদো আর পাগেয়্যে মসীনা সুদোলোই বানা অলঅ‌। লগেপ্রভু মোশিরে যেধোক্ক্যেন উগুম্‌ দিয়্যে সেধোক্ক্যেনই বেক্কানি গরা অলঅ‌।

যিহিষ্কেল 28:13

তুই গোজেনর বাগান এদনত্ এলে। নানান্ বাবোত্যে মংগা মংগা পাত্তর্, সার্দীয়মুণি, সূর্যকান্তমণি, নীলকান্তমণি, চুনী, পান্না আর সোনালোই তুই সাজেয়্যে এলে; তর্ সিরিস্টির্ দিনোত্ ইগুনোরে যুক্কোল্ গরা ওইয়্যে।