যাত্রা 39:32 - Chakma Bible

³² এধোক্ক্যেন গুরিই থেবার-তাম্বুলর, অত্তাৎ মিলন-তাম্বুলর্ বেক্কানি বানানার্‌ কাম্‌ থুম্‌ অলঅ‌। লগেপ্রভু মোশিরে যেধোক্ক্যেন গুরি উগুম দিয়্যে সেধোক্ক্যেন গুরি ইস্রায়েলীয়গুনে বেক্‌ কামানি গুরিলাক্‌।

যাত্রা 39:32 ပူးပေါင်းရင်းမြစ်များ

১ রাজাবলী 6:38

সল্লা মজিম্ তবনা-ঘরানর বেক্‌ কামানি এগার বজরর্‌ বূল মাজত, অত্তাৎ আস্‌তো মাজত্‌ শেজ্ ওইয়্যে। এ তবনা-ঘরান বানাদে শলোমনর্ সাত বজর সময় লাক্ক্যে।

১ রাজাবলী 7:40

ইগুনবাদে তে অন্য পিলেগুন, মেজাং আর কদরা বানেল। এধোক্ক্যেনগুরি রাজা শলোমনত্তে হীরামে লগেপ্রভুর ঘরর যে যে কামানি আরাম্ভ গোজ্যে সিয়েনি থুম্‌ গুরিলো। সিয়েনি অলদে:

১ বংশধর 28:19

দায়ূদে কলঅ, “লগেপ্রভু যে আরুক্কান্‌ মইদু ফগদাঙ্‌ গোজ্যে সিয়েন পরিচালনায় মুই সিয়েন্‌ ছাবেয়োং, আর সে আরুক্কানর্‌ বেক্কানি বুঝিবার জ্ঞানান্‌ তে মরে দিয়্যে।”

যাত্রা 12:28

মোশি আর হারোণরে লগেপ্রভু যে উগুমান্‌ দিয়্যে ইস্রায়েলীয়গুনে ফিরি যেইনে সেধগে কাম্‌ গুরিলাক্।

যাত্রা 25:40

এই মুড়োবো উগুরে তরে যে নক্‌সাগান্‌ দেগা অলঅ‌ ঠিগ্ সেধোক্ক্যেন গুরি যেনে বেক্কানি বানা অয়্‌ সিয়েনি রিনি চেইজ্‌।

যাত্রা 31:7

মিলন-তাম্বুল, সাক্ষ্য-সুন্দুক আর সিবে উগুরে ঢাগনিগান, তাম্বুলর্ পযাপিরানি,

যাত্রা 39:31

লগেপ্রভু মোশিরে যেধোক্ক্যেন গুরি উগুম্‌ দিয়্যে সে মজিম্ সিয়েন্‌ তারা য়েল্ দুড়িলোই খবঙানর্‌ লগে বানি দিলাক্।

যাত্রা 39:33

পরেদি তারা সেই থেবার্‌-তাম্বুলানত্যে বানেয়্যে বেক্কানি মোশি ইদু নেযেলাক্। সিয়েনি অলঅ‌ থেবার-তাম্বুলান আর তার্ পযাপিরানি, হেবা, ফ্রেম, লাগাড়া, খুদো আর টেং-বদঙ্‌;

যাত্রা 40:1

ইয়েন পরেদি লগেপ্রভু মোশিরে কলঅ‌,

যাত্রা 40:3

সে ভিদিরে সাক্ষ্য-সুন্দুক্কো রাগেইনে তার্‌ পর্দাগান্‌দোই সিবে নাঢি দিবে।

যাত্রা 40:32

লগেপ্রভু মোশিরে যেধোক্ক্যেন উগুম্‌ দিয়্যে সেধোক্ক্যেন মিলন-তাম্বুলত্‌ চোমেবার্‌ আগেন্দি বা ডালিপূজোবো ইদু যেবার্‌ আগেন্দি তারা তারার্‌ আত্‌-টেঙানি ধোই নেযেদাক্‌।

গণাণা 3:31

কহাতীয়গুনোর দায়িত্তো এলদে সাক্ষ্য-সুন্দুক্কো, টেবিল, চেরাগ বদং, পূজোগুন্‌, পবিত্র তাম্বুলর সেবা-কামত্‌ বেবহারর্‌ পযা-পিরানি আর দাঙর্‌ পবিত্র জাগানর্‌ পর্দাগানি দেগাশুনো গরানা আর ইয়েনি সমারে অন্য বেক্‌ কামানি গরানা।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

দ্বি’লম্বর বিররণ 12:32

মুই তমারে যেদক্কানি উগুম্‌ দিলুং সিয়েনি বেক্কানি তুমি পালন গুরিবা; ইয়েন সমারে কিজু ন-মিজেবা, আরঅ ইয়েনত্তুন্‌ কিজু বাদঅ ন-দিবা।

ইব্রীয় 3:2

গোজেন ঘোর্‌বোগুনোরে দেগাশুনো কামত্ মোশি যেধোক্ক্যেন বিশ্বেজি এলঅ সেধোক্ক্যেন যীশুরে যিবে বেঈ লোইয়্যে সেই গোজেন ইধু তেয়ো বিশ্বেজি এলঅ।

ইব্রীয় 8:5

ধর্মগুরু ইজেবে তারার্ এ কামান্ স্বর্গ কামর বানা এক্কান আরুক্ আর ছাবা ধোক্ক্যেন। সেনত্যে মোশি যেক্কে সেই উবোসনা-তাম্বুলান বানেবাত্যে যার্ সেক্কে গোজেনে ইয়েন কোইনে মোশিরে উজিয়ার্ গোজ্জ্যে, “সিনাই মূড়োবো উগুরে তরে যে নমুনাগান দেগা অলঅ ঠিগ্ সেবাবোত্যেগুরি যেন বেক্কানি বানা অয় সিয়েন চেইজ্।”

১ শমূয়েল 15:22

সেক্কে শমূয়েলে কলদে, “লগেপ্রভুর উগুমান পালেবাত্তে তে যেদক্‌ হুজি অয়, পুজ্যে-উৎসর্ব আর য়েমান-উৎসর্বত্তে কি তে সেদক হুজি অয়? য়েমান-উৎসর্বত্তুন তাঁর উগুমান পালানা আর ভেড়াছাগল তেলত্তুন্‌ তাঁর কধানির্ বাধ্য অনা বোউত্‌ গম্‌।