যাত্রা 39:30 - Chakma Bible

³⁰ সে পরেদি তারা খাটি সনালোই এক্কান পাত্‌ বানেলাক্‌। ইবে এক্কো পবিত্র মুকুট। সীলমহ্‌র খোদাই গোজ্যেদে ধোক্ক্যেন গুরি সেই পাত্তান উগুরে এ কধাগান্‌ খুড়িনে লেগা অলঅ‌, “লগেপ্রভুর্‌ নাঙে ফারক্‌ গুরি রাগানা।”

যাত্রা 39:30 ပူးပေါင်းရင်းမြစ်များ

যাত্রা 26:36

তাম্বুল দোরানত্তেয়ো এক্কান পর্দা বানা পুরিবো। সিয়েন অবদে য়েল্, বিগুনি আর রাঙা রংয়র সুদো আর পাগেয়্যে মসীনা সুদোলোই সিলেয়্যে নক্‌সা গোজ্যে জিনিস।

যাত্রা 39:29

তারার্‌ কমর-বানোনিগানি পাগেয়্যে মসীনা সুদো আর য়েল্, বিগুনি আর রাঙা রংয়র্‌ সুদোলোই বানা অলঅ‌। ইয়েন্‌ এক্কান্‌ নক্‌শা গোজ্যে জিনিস লগেপ্রভু মোশিরে যেধোক্ক্যেন উগুম্‌ দিয়্যে সেধোক্ক্যেন গুরি বেক্কানি গরা অলঅ‌।

যাত্রা 39:31

লগেপ্রভু মোশিরে যেধোক্ক্যেন গুরি উগুম্‌ দিয়্যে সে মজিম্ সিয়েন্‌ তারা য়েল্ দুড়িলোই খবঙানর্‌ লগে বানি দিলাক্।

সখরিয় 14:20

সেদিন্নো “লগেপ্রভুর নাঙে পবিত্র” এ কধাগান ঘোড়া গত্তনাবোত্ ঘন্টাবো উগুরে খোদাই গোজ্যে থেবঅ আর লগেপ্রভুর ঘরর রানেদে পিলেগুন পূজোবো মুজুঙোত্ সুদ্ধো-সাংগ কদরাগুনো ধোক্ক্যেন পবিত্র অবঅ।

১ করিন্হীয় 1:30

যীশু খ্রীষ্ট সমারে যে তুমি এগত্তর্ গুরি আঘ সিয়েন গোজেনত্তুন্ ওইয়্যে। যীশু খ্রীষ্ট আমা ইধু গোজেনর্ দিয়্যে জ্ঞান; তেয়ই আমার নিদ্দুজি, পবিত্র আর উদ্ধোর্।

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

ইব্রীয় 1:3

গোজেনর্ বেক্‌ গুণানি সেই পুয়োবো ইধু আঘে; পুয়োবোই গোজেনর্ পুরো ফোটু ধোক্ক্যেন। পুয়োবো তার্ খেমতাবলা কধালোই বেক্কানি ধুরি রাগেইনে পরিচালনা গরে। মান্‌জ্যর পাপ্পানি দূর্ গরানার্ পরে পুয়োবো স্বর্গত্ মহান গোজেনর্ ডেন্ ধাগেদি বজিলো।

ইব্রীয় 7:26

এবাবোত্যে এক্কো পবিত্র, দুষ্-নেইয়্যে আর খাটি ধর্মগুরু আমার দরকার এলঅ। তে পাপী মান্‌জ্যত্তুন্ জুদো আর গোজেনে তারে আগাজত্তুন্‌অ উগুরে তুল্ল্যে।

ফগদাং পেইয়্যে 5:10

তুই তারারে লোইনে এক্কান রেজ্য বানেয়োচ্ আর আমা গোজেনরে সেবা গুরিবাত্যে ধর্মগুরু বানেয়োচ্। পিত্‌‌থিমীত্ তারা রাজাগিরি গুরিবাক্।”