যাত্রা 39:29 - Chakma Bible

²⁹ তারার্‌ কমর-বানোনিগানি পাগেয়্যে মসীনা সুদো আর য়েল্, বিগুনি আর রাঙা রংয়র্‌ সুদোলোই বানা অলঅ‌। ইয়েন্‌ এক্কান্‌ নক্‌শা গোজ্যে জিনিস লগেপ্রভু মোশিরে যেধোক্ক্যেন উগুম্‌ দিয়্যে সেধোক্ক্যেন গুরি বেক্কানি গরা অলঅ‌।

যাত্রা 39:29 ပူးပေါင်းရင်းမြစ်များ

যাত্রা 25:4

য়েল্, বিগুনি আর রাঙা রংয়র্‌ সুদো আর মসীনা সুদো; ছাগলর্‌ কেচ্‌;

যাত্রা 26:36

তাম্বুল দোরানত্তেয়ো এক্কান পর্দা বানা পুরিবো। সিয়েন অবদে য়েল্, বিগুনি আর রাঙা রংয়র সুদো আর পাগেয়্যে মসীনা সুদোলোই সিলেয়্যে নক্‌সা গোজ্যে জিনিস।

যাত্রা 27:16

“উদোনর্ দোরানত্তে চের্‌বো খুদো, চের্‌বো টেঙ-টগ্ আর কুড়ি আত লাম্বা এক্কান্‌ পর্দা থেবঅ‌। পর্দাগান্‌ অবঅ‌ য়েল্, বিগুনি আর রাঙা রংয়র্‌ সুদো আর পাগেয়্যে মসীনা সুদোলোই এক্কান নক্‌শা গোজ্যে জিনিস।”

যাত্রা 28:39

ধর্মগুরুবোর্‌ ভিদিরেদি সিলুম্মো বানা পুড়িবোদে মসীনা সুদোর্‌ চেক্‌ কাবড়লোই আর খবঙান্‌ বানেবেদে সেই এক্কুই সুদোলোই। কমরত্‌-বাননিগান্‌ অবদে এক্‌ বাবোত্যে নক্‌শা গোজ্যে জিনিস।

যাত্রা 39:28

তারার্‌ খবঙানি আর মাদাত্‌ তোক্কেগুন মসীনা সুদোলোই বানেই দিয়্যে অলঅ‌ আর জাংগিগুন পাগেয়্যে মসীনা সুদোলোই বানেই দিয়া অলঅ‌ ।

যাত্রা 39:30

সে পরেদি তারা খাটি সনালোই এক্কান পাত্‌ বানেলাক্‌। ইবে এক্কো পবিত্র মুকুট। সীলমহ্‌র খোদাই গোজ্যেদে ধোক্ক্যেন গুরি সেই পাত্তান উগুরে এ কধাগান্‌ খুড়িনে লেগা অলঅ‌, “লগেপ্রভুর্‌ নাঙে ফারক্‌ গুরি রাগানা।”