যাত্রা 39:27 - Chakma Bible

²⁷ হারোণ আর তার পূঅগুনত্যেই মসীনা সুদোলোই সিলুম বুনো অলঅ‌।

যাত্রা 39:27 ပူးပေါင်းရင်းမြစ်များ

যাত্রা 28:36

এক্কান খাটি সনার্‌ পাত বানেইনে সিয়েন উগুরে সীলমহর্‌ খোদাই গরেদে ধোক্ক্যেন গুরি এই কধানি লিগি নেযেবে; লগেপ্রভুর্‌ নাঙে যুদো গুরি রাগানা।

যাত্রা 39:26

সেবা-কামর্‌ অক্তত্‌ উরিবার্‌ এই সিলুম্মোর্‌ তলেন্দি বেক্‌ কাজানিত্‌ ধোজ্যে থেলঅ এক্কোত্‌ ধরে ডালিম আর এক্কোত্‌ ধরে ঘন্টা। লগেপ্রভু মোশিরে যেধোক্ক্যেন উগুম্‌ দিয়্যে সেধোক্ক্যেন গুরি বেক্কানি গরা অলঅ‌।

যাত্রা 39:28

তারার্‌ খবঙানি আর মাদাত্‌ তোক্কেগুন মসীনা সুদোলোই বানেই দিয়্যে অলঅ‌ আর জাংগিগুন পাগেয়্যে মসীনা সুদোলোই বানেই দিয়া অলঅ‌ ।

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

যিহিষ্কেল 44:17

মসীনার পোজাক্ পিনিনে তারা ভিদিরে উদোনর্ গেট্টুনো ইন্দি সোমেবাক্; ভিদিরে উদোন গেট্টুনো ইধু বা উবোসনা-ঘর ভিদিরে সেবা-কামর্ অক্তত্ তারা কনঅ উলোর্ পোজাক্ পিনি ন-পারিবাক্।

যিহিষ্কেল 44:18

তারা মাঢাত্ মসীনার পাগড়ী থেবঅ আর তারা মসীনার জাংগি পিনিবাক্; যেনে ঘাম অয় এবাবোত্যে কাবড় তারা ন-পিনিবাক্।

লেবীয় 6:10

বেন্যেমাদান্ ধর্মগুরুবো তার্‌ মসীনার্‌ সিলুম্মো আর জাংগিবো পিনিনে পূজোবো উগুরে পুজ্যে-উৎসর্বর্‌ ছেই‌য়ান তুলি লোইনে পূজোবোর্‌ কায়কুরে রাগেব।

লেবীয় 8:13

সে পরেদি তে হারোণর্‌ পূঅগুনো মুজুঙোত্ আনিনে তারা কিয়্যেত্ সিলুম্‌ উরেই দিলো আর কমরত্‌ ফারদ্‌ দুড়ি বাঁনিনে মাঢাত্‌ তোক্কে পিনেই দিলো। বেক্কানি মোশি লগেপ্রভুর্ উগুম মজিম্ গুরিলো।

রোমীয় 13:14

তুমি কাবড় ধোক্ক্যেন্ গুরি প্রভু যীশু খ্রীষ্টরে দিইনে নিজোরে ঢাগি ফেলঅ; পাপ-খাচ্চ্যদর্ আওজ্ পূরোণা ইন্দি মনানি ন-দুয়ো।

রোমীয় 3:22

যিগুনে যীশু খ্রীষ্ট উগুরে বিশ্বেজ্ গরন্ তারার্ সেই বিশ্বেজর্ মাধ্যমে গোজেনে তারারে নিদ্দুজি বিলি মানি লবঅ। যিহূদী আর অযিহূদী বেক্কুনে সং সং,

গালাতীয় 3:27

কিয়া তমাত্তুন্ যিগুনোর্ খ্রীষ্টর্ মাধ্যমে বাপ্তিস্ম ওইয়্যে, তুমি কাবড় ধোক্ক্যেন গুরি খ্রীষ্টরে দিইনে নিজোরে ঢাঘি ফেল্ল্য।

১ পিতর 1:13

ইয়েনত্যে তমা মনানিরে জাগেই তুলো আর নিজোরে দোঙেই রাগঅ। যীশু খ্রীষ্ট যেক্কে ফগদাং অবঅ সেক্কে তুমি যে বর্ পেবা সেই বরান্ পেবার ভর্‌পুনোং আজালোই বাজ্জ্যেই থাগঅ।