যাত্রা 38:9 - Chakma Bible

⁹ ইয়েনর্‌ পরেদি বৎসলেলে থেবার্‌-তাম্বুলোর চেরোকিত্তে উদোনর্‌ বেবস্থা গুরিলো। উদোনর্‌ দোগিণেদি একশত আত্‌ জাগাত্তে পাগেয়্যে মসীনা সুদোলোই কয়েক্কান পর্দা বানা অলঅ‌।

যাত্রা 38:9 ပူးပေါင်းရင်းမြစ်များ

১ রাজাবলী 6:36

দোল্‌ গুরি কাপ্যে তিন সুর্‌ পাত্তর্‌ আর এরস গাজর্‌ এক সুর্‌ দাদঅ তক্তালোই তে ভিদিরে উদোনর্‌ চেরোকিত্তে দেবাল বানেল।

গীতসংহিতা 100:4

তারে ভালেদি জানাদে জানাদে তা গেট্টোন্দি চোমেয়ো, তার্ বাঈনী গত্তে গত্তে তা উদোনত্ চোমেয়ো; তারে ভালেদি জান, তার বাঈনী গরঅ।

গীতসংহিতা 84:10

অন্য জাগাত্ আজার দিন কাদানাত্তুন্ তঅ ঘর উদোনত্ এক্কো দিন কাদানা বোউত্ গম; পাজি মানুচ্চুনোর তাম্বুলো ভিদিরে বজত্তি গরানাত্তুন্ বরং মর্ গোজেন ঘর দোরানর ইদু থিয়্যেই থানাগান্ বোউত্ গম।

গীতসংহিতা 84:2

মঅ পরাণানে লগেপ্রভুর ঘরর উদোনানি চেবাত্যে অমকদ ধারস্ গরের্, আর সেনত্যে মঅ পরাণানে যেন নিগিলি যার্; জেদা গোজেনত্যে মঅ কিয়্যেগান আর মনান্ হুজিয়্যে রঅ ছাড়ের্।

গীতসংহিতা 89:7

পবিত্র দূত্‌তুনোর তেম্মাঙত্ বেক্কুনে গোজেনরে দরান্ আহ্ ভোক্তি গরন্; তার চেরোকিত্যে বেক্কুনোত্তুন্ তেয়ই বেশ্ ভোক্তিবলা দর্ জাগায়।

গীতসংহিতা 92:13

আমা গোজেন লগেপ্রভুর ঘরত্ যিগুনোর লাগা ওইয়্যে তারা তা উদোনত্ দাঙর্ অবাক্।

যাত্রা 26:1

মর্‌ থেবার্‌-তাম্বুলান্‌ দশ কট্টা কাবড়্‌লোই বানেই দিয়্যে পুরিবো। কট্টানি পাগেয়্যে মসীনা সুদো আর য়েল্, বিগুনি আর রাঙা রঙর্‌ সুদোলোই বানেই দিয়্যে পুরিবো। কাবিদেং কালিগর্‌লোই সিয়েনি ভিদিরে করূপ্পুনোর্‌ ফোটু বুনিই নেযেবা।

যাত্রা 38:10

সেই পর্দাগানি ঠাঙেবাত্তেই কুড়িবো খুদো বানা অলঅ‌। খুদোগুন্‌ বোজেবাত্তে পিদোলর্‌ কুড়িবো টেঙ বদঙ্‌ আর খুদোগুনোর্‌ লগে লাগেবাত্তে রূবোর্‌ হুক্ আর বানেদে-পাত বানা অলঅ।

যাত্রা 40:33

ডালিপূজো আর থেবার-তাম্বুলানর চেরোকিত্তে তে পর্দাগান্‌ বিজেইনে উদোনর্ বেবস্থা গুরিলো আর সিয়েনর্‌ দোরানত্‌ পর্দাগান্ দিলো। ইঙিরিনে মোশি তার্‌ কামানি থুম্‌ গুরিলো।

যাত্রা 40:8

সে পরেন্দি উদোনর্‌ চেরোকিত্তে ঘিরিনেই পর্দা টাঙেবে আর সিয়েনর্‌ দোরানত্‌অ পর্দা দিবে।

গণাণা 3:26

উদোনর্‌ পর্দাগানি, থেবার্‌-তাম্বুলান আর পূজোবোর্‌ চেরোকিত্তে যে উদোনান্‌ আঘে সিয়েনত্‌ চুমিবার্‌ দোরো পর্দাগান্‌ আর থেবার্‌-তাম্বুলোর বেক্‌ দুড়িগানি দেগাশুনো গরানা আর ইয়েনি সমারে অন্য বেক্‌ কামানি গরানা।

গণাণা 4:26

ইয়েনবাদে থেবার-তাম্বুলান আর পূজোবোর্‌ চেরোকিত্তে উদোনর্‌ পর্দাগান, উদোনত্‌ চুমিবার্‌ দোরোর্‌ পর্দাগান, থেবার-তাম্বুল টাঙেবার দুড়িগানি আর ইয়েনি কামত্‌ লাগেবার্‌ বেক্‌ লাগেদে পজা-পিরানিয়ো তারাত্তুন্‌ বুয়োই নেযা পুরিবো। এ পৌইদ্যেনে আর যেদক্কানি কাম্‌ আঘে তার্‌ বেক্কানি গের্শোনীয়গুনোত্তুন্‌ গরা পুরিবো।