যাত্রা 38:23 - Chakma Bible

²³ বৎসলেলরে এজাল্‌ দিয়্যেদে দান-গুট্টির্‌ অহীষামকর পূঅ অহলীয়াবে। তে অলদে আঢর্‌ কাম্‌ আর আড়ুক্‌ বানেবার্‌ কামত্‌ কাবিল্‌। ইয়েনবাদে তে য়েল্, বিগুনি আর রাঙা রংয়র্‌ সুদো আর মসীনা সুদোলোই নক্‌শা তুলিবার্ কামদ্‌অ কাবিল্‌ এলঅ।

যাত্রা 38:23 ပူးပေါင်းရင်းမြစ်များ

যাত্রা 25:4

য়েল্, বিগুনি আর রাঙা রংয়র্‌ সুদো আর মসীনা সুদো; ছাগলর্‌ কেচ্‌;

যাত্রা 26:36

তাম্বুল দোরানত্তেয়ো এক্কান পর্দা বানা পুরিবো। সিয়েন অবদে য়েল্, বিগুনি আর রাঙা রংয়র সুদো আর পাগেয়্যে মসীনা সুদোলোই সিলেয়্যে নক্‌সা গোজ্যে জিনিস।

যাত্রা 31:2

“চাহ্, মুই যিহূদা-গুট্টির্‌ ঊরির পূঅ বৎসলেলরে বেঈ লোইয়োং। ঊরি অলদে হূরোর্‌ পূঅ।

যাত্রা 31:6

ইয়েনি বাদে তারে এজাল্‌ দিবাত্যে মুই দান-গুট্টির অহীষামকর্‌ পূঅ অহলীয়াবকরেয়ো বেঈ লোইয়োং। যিদুক্কুন কাবিল্ কালিগরে এই কামানি গুরিবাক্ তারারেয়ো মুই এমন্‌ জ্ঞান দিইনে রাগেয়োং যেনে তরে দিয়্যে মর্‌ উগুম্‌ মজিম্ তারা বেক্‌ জিনিস্‌ছানি বানেই পারিবাক্। এই জিনিস্‌ছানি অলঅ‌:

যাত্রা 35:34

ইয়েন বাদে অন্যগুনোরে এই বেক্‌ কামানি শিগেবার্‌ খেমতায়ো লগেপ্রভু বৎসলেলরে আর দান-গুট্টির অহীষামকর পূঅ অহলীয়াবরে দিলো।

যাত্রা 36:1

“সেনত্তে কেধোক্ক্যেনগুরি এই পবিত্র তাম্বুল-ঘরান্‌ বানা পুরিবো সিয়েন্‌ বুঝিবাত্তেই লগেপ্রভু বৎসলেলরে, অহলীয়াবরে আর অন্য যিদুক্কুন্‌ কালিগররে জ্ঞান আর বুদ্ধি দুয়োন্‌ তারা যেনে লগেপ্রভুর্‌ উগুম মজিম্‌ সেই বেক্‌ কামানি গরন্‌।”