যাত্রা 38:21 - Chakma Bible

²¹ থেবার্‌-তাম্বুল, অত্তাৎ সাক্ষ্য-তাম্বুলান বানাদে যেদক্কানি পযাপিরা লাক্ক্যে মোশির্‌ উগুম মজিম্ পোইল্যেত্তুন্‌ ধুরি ধর্মগুরু হারোণর্‌ পূঅ ঈথামরর্‌ পরিচালনায়্‌ লেবীয়োগুনে সিয়েনর্‌ ইজেপ্পান্‌ রাগেয়োন্‌।

যাত্রা 38:21 ပူးပေါင်းရင်းမြစ်များ

১ বংশধর 6:3

অম্রাম পুয়োগুন অলাক্‌ হারোণ, মোশি আর মরিয়ম। হারোণ পুয়োগুন অলাক্‌ নাদব, অবীহূ, ইলিয়াসর আর ঈথামর।

২ বংশধর 24:6

সেনত্তে রাজা আজল্‌ ধর্মগুরু যিহোয়াদারে ডাগি আনিনে কলঅ, “সাক্ষ্য-তাম্বুলোত্তে লগেপ্রভুর চাগর্‌ মোশি ইস্রায়েলর বেক্‌ মানুচ্চুনো উগুরে যে খাজানা বোজেয়্যে সিগুন্‌ যিহূদা আর যিরূশালেমত্তুন্‌ আদায় গুরিবাত্তে তুই লেবীয়গুনোরে পাধেই ন-দুয়োচ্‌ কিত্তে?”

ইয়োব 11:4

তুই গোজেনরে কত্তে, তর্‌ ধর্ম বিশ্বেজত্‌ কনঅ ভেজাল্‌ নেই আর তা চোগেদি তুই খাটি।

ইয়োব 22:23

যুনি তুই বেগত্তুন্‌ খেমতাবলা গোজেন ইদু ফিরি যাজ্‌, সালে তরে আরঅ আগঅ অবস্থাত্‌ ফিরেই নেযা পুরিবো। যুনি তঅ তাম্বুলোত্তুন্‌ শদানানি দূর্‌ গরজ্‌,

ইয়োব 26:1

সেক্কেনে জোবত্ ইয়োবে কলঅ,

গীতসংহিতা 15:1

ও লগেপ্রভু, তর্ থেবার্ তাম্বুলানত্ কন্না থিয়্যেবার্ যগাজ্যে? তর্ পবিত্র মুড়োবোত্ কন্না বজত্তি গুরিবার্ যগাজ্যে?

যাত্রা 25:16

যে সাক্ষ্য-ফলক্কো মুই তরে দিম্‌ সিবে তুই এই সুন্দুগো ভিদিরে রাগেবে।

যাত্রা 26:33

পর্দাগান উগুরে মসীনা কাবড়্‌ত লাগেয়্যে হেবাবোর্‌ তলে দুলি থেবঅ। এই পর্দাগানর্‌ পিজেন্দি সাক্ষ্য-সুন্দুক্কো রাগেবা। পর্দাগান্‌ দাঙর্‌ পবিত্র জাগাত্‌ আর পবিত্র জাগানর্‌ সংমোধ্যেত্তুন্‌ দ্বিয়েন্‌ জাগারে ফারক্‌ গুরি রাগেব।

যাত্রা 38:20

থেবার্‌-তাম্বুলর আর উদোন পর্দার্‌ খুদোগুন্‌ পিদোল্‌ দিইনে বানা অলঅ‌।

যাত্রা 38:22

লগেপ্রভু মোশিরে যিয়েন্‌ বানেবাত্তে উগুম্‌ দিয়্যে সে উগুম মজিম্‌ যিহূদা-গুট্টির ঊরির পূঅ বৎসলেলে বেক্কানি বানেই দিলো। তে অলদে হূরোর্‌ নাদিন্‌।

যাত্রা 40:3

সে ভিদিরে সাক্ষ্য-সুন্দুক্কো রাগেইনে তার্‌ পর্দাগান্‌দোই সিবে নাঢি দিবে।

যাত্রা 6:23

হারোণ পূয়োগুন অলাক্ নাদব, অবীহূ, ইলিয়াসর আর ঈথামর। হারোণ অম্মীনাদব ঝি নহশোনর বোন ইলীশেবাররে লোইয়ে আর তা পেদত্‌ ইগুনোর্‌ জর্ম ওইয়্যে।

গণাণা 1:50

সাক্ষ্য-তাম্বুলর সাজ-গুজোর জিনিসচানি আর তার্‌ বেক্কানি দেগাশুনোর দায়িত্তো তুই তারা উগুরে দিবে। তারার্‌ কাম অবঅ থেবার-তাম্বুল আর তার্‌ বেক্‌ সাজ-গুজ্‌চানি বুয়োই নেযানা। ইয়েনর দেগাশুনোর্‌ ভারান তারাত্তুনো নেযা পুরিবো আর তারাত্তুনো ইয়েনর চেরোকিত্তে তাম্বুল-বানেইনে থাহ্ পুরিবো।

গণাণা 1:53

যেনে ইস্রায়েলীয়গুনো উগুরে লগেপ্রভুর সাজা লামি ন-এজে সেনত্তে সাক্ষ্য-তাম্বুলর্‌ চেরোকিত্তে লেবীয়গুনে তাম্বুল বানেইনে থাহ্‌ পুরিবো। সাক্ষ্য-তাম্বুলোর দেগাশুনোত্তে লেবীয়গুনেই দায়ী থেবাক্।”

গণাণা 10:11

দ্বিবজরত্‌ দ্বিমাজর্‌ কুড়ি দিনোর দিন্নোত্‌ সাক্ষ্য-তাম্বুল উগুরেত্তুন্‌ মেঘ্‌কান কাদেই গেলঅ।

গণাণা 18:2

তুই তর্‌ পুরোণি মানুচ্চুনোর্ গুট্টিত্তুন্‌ অন্য বেক্‌ লেবীয়গুনোরে লোই আন্‌, যেনে তমা সমারে মিজেইনে তারা সাক্ষ্য-তাম্বুলো মুজুঙোত্‌ সেবা কামত্‌ তরে আর তর্‌ পূঅগুনোরে সাহায্য গুরি পারন।

গণাণা 24:5

তে এই কধাগান কত্তে: ও যাকোব, তর্‌ তাম্বুলানি কি দোল! ও ইস্রায়েল, কি দোল্‌ তর্‌ থেবার্‌ জাগাগান!

গণাণা 9:15

যেদিন্যে থেবার-তাম্বুলান, অত্তাৎ সাক্ষ্য-তাম্বুলান তুলো অলঅ সেদিন্যে সিবে লগেপ্রভুর মেঘ্‌কান্দোই নাঢা গেলঅ। সাজোন্যাত্তুন্‌ ধুরি বেন্যেমাদান্ সং থেবার-তাম্বুলান উগুরেগান্‌ সেই মেঘ্‌কান আগুনো ধোক্কেন্ দেগা গেলঅ।

মথি লেখ্যে গম্ হবর্ 17:4

সেক্কে পিতর যীশুরে কলঅ, “প্রভু, গম্ ওইয়্যে দঅ, আমি ইয়োত্ আগিই। তুই যুনি চাজ্ সালে মুই ইয়েনত্ তিনেন্ তাম্বুল ঘর বানেম্, এক্কান তর্, এক্কান মোশির আর এক্কান এলিয়ত্তে।”

প্রেরিত্‌ 7:44

সাক্ষ্য-তাম্বুবো ধূল্যেচর-চাগালাত্ আমা পূরোণি মানুচ্চুনো সমারে এলঅ। গোজেনে মোশিরে যেবাবোত্যেগুরি উগুম দিয়্যে আর মোশি যে নক্‌‌‌শাগান দেক্ক্যে সেবাবোত্যেগুরি এই তাম্বুবো বানা ওইয়্যে।

২ করিন্হীয় 5:1

আমি এ কধাগান্ কোই পারিই যে, এ পিত্‌থিমীত যে তাম্বুলানত্ আমি বজত্তি গুরির্, অত্তাৎ যে বল্‌পোজ্যে কিয়্যেগানিলোই আমি আঘিই সিয়েন যুনি বর্‌বাদ ওই যায় তো গোজেনর্ দিয়্যে এক্কান্ ঘর আমার আঘে। এ ঘরান্ মান্‌জ্যর্ আঢে বানেইয়্যে নয়, সিয়েন স্বর্গত্ উমরত্যে আঘে।

ইব্রীয় 8:2

তে দাঙর্ পবিত্র জাগানত্, অত্তাৎ আজল্ উবোসনা-তাম্বুলোত্ গোজেনর্ সেবা গরের্। সেই উবোসনা-তাম্বুলান্ মান্‌জ্যে ন-টাঙান্, সিয়েন প্রভুই টাঙেয়্যে।

ইব্রীয় 9:11

মাত্তর্ খ্রীষ্ট এচ্চ্যেদে ভবিচ্চদর্ বেক্‌ ভালেদি পৌইদ্যেনে দাঙর্ ধর্মগুরু ওইনে। মহৎ আরঅ গম্ উবোসনা-তাম্বুলোত্ গোজেনর্ সেবা গুরিবাত্যে তে এচ্চ্যে। এই তাম্বুলান মান্‌জ্যর আঢ্‌তোই বানেয়্যে নয়, অত্তাৎ সিয়েন জগদর্ কনঅ জিনিচ্‌ নয়।

২ পিতর 1:13

মাত্তর্ মুই মনে গরং, যেদক দিন মুই এ তাম্বুলো ধোক্ক্যেন কয়েক দিনোত্যে বাঁজি থেম্ সেদক দিন এ বেপারানি ইদোত্ তুলি দিইনে তমারে জাগেই রাগানা মর্ উচিত্;

ফগদাং পেইয়্যে 11:19

সে পরেদি স্বর্গর উবোসনা ঘরান্ খুলো অলঅ আর সিধু গোজেনর্ বেবস্থা-সিন্দুক্‌কো দেগা গেলঅ। সেক্কে ঝিমিলেনি আর দর্‌গরেপারা রঅ আহ্ দেবা পেরাগ, ভূজোল্ আর জদবদে শিলোঝড় উয়ো ধুরিলো।

ফগদাং পেইয়্যে 15:5

ইয়েন পরেদি মুই দেগিলুং, স্বর্গত্ সেই উবোসনা-ঘরান, অত্তাৎ সাক্ষ্য তাম্বুলান খুলো অলঅ।

ফগদাং পেইয়্যে 21:3

সে পরেদি মুই একজনরে সেই সিংহাসনত্তুন্ জোরে এ কধাগান কধে শুনিলুং, “ইক্কিনে মান্‌জ্য ভিদিরে গোজেনর্ থেবার জাগা ওইয়্যে। তে মান্‌জ্য সমারে থেবঅ আর তারা তা মানুচ্‌ অবাক্। তে নিজেই মান্‌জ্য সমারে থেবঅ আর তারার্ গোজেন অবঅ।