যাত্রা 38:18 - Chakma Bible

¹⁸ উদোনর্‌ দোরানত্তেয়ো এক্কান্‌ পর্দা বানা অলঅ‌। ইয়েন্‌ য়েল্, বিগুনি আর রাঙা রঙয়র্‌ সুদো আর পাগেয়্যে মসীনা সুদোর্‌ এক্কান্‌ নক্‌শা গোজ্যে জিনিস। এই পর্দাগান্‌ কুড়ি আত্‌ লাম্বা আর উদোনর্‌ অন্য পর্দা ধোক্ক্যেন পাঁচ আত্‌ উজু গুরি বানা অলঅ‌।

যাত্রা 38:18 ပူးပေါင်းရင်းမြစ်များ

২ বংশধর 3:14

শলোমনে য়েল্‌, বিগুনো রংয়র্‌, রাঙা সুদো আর মসীনা সুদোলোই পর্দা বানেল আর সিয়েন ভিদিরে করূবোর আরুক্কান্‌ সিলেল।

যাত্রা 26:1

মর্‌ থেবার্‌-তাম্বুলান্‌ দশ কট্টা কাবড়্‌লোই বানেই দিয়্যে পুরিবো। কট্টানি পাগেয়্যে মসীনা সুদো আর য়েল্, বিগুনি আর রাঙা রঙর্‌ সুদোলোই বানেই দিয়্যে পুরিবো। কাবিদেং কালিগর্‌লোই সিয়েনি ভিদিরে করূপ্পুনোর্‌ ফোটু বুনিই নেযেবা।

যাত্রা 26:36

তাম্বুল দোরানত্তেয়ো এক্কান পর্দা বানা পুরিবো। সিয়েন অবদে য়েল্, বিগুনি আর রাঙা রংয়র সুদো আর পাগেয়্যে মসীনা সুদোলোই সিলেয়্যে নক্‌সা গোজ্যে জিনিস।

যাত্রা 38:17

খুদোগুন বোজেবার্‌ টেং-বদঙুন্‌ পিদোল্লোই বানা অলঅ‌। খুদোগুনোর লগে লাগেবার্‌ হুক্ আর বাঁনেদে-পাত্‌ রূবোলোই বানা অলঅ। খুঁদোগুনোর্‌ মাদাগুনো রূবোলোই বেড়েই দিয়্যে অলঅ‌। উদোনর্‌ বেক্‌ খুদোগুনত্‌ রূবোর্‌ বানেদে-পাত লাগা অলঅ‌।

যাত্রা 38:19

এই পর্দাগানত্তে চের্‌বো খুদো আর চের্‌বো পিদোলর্‌ টেং-বদঙ্‌ বানা অলঅ‌। খুদোবোর্‌ হুক্ আর বানেদে-পাত্‌তানি রূবোলোই বানেই দিয়্যে অলঅ। খুদোবোর্‌ মাদাবোয়ো রূবোলোই বেড়েই দিয়্যে অলঅ‌।