যাত্রা 38:17 - Chakma Bible

¹⁷ খুদোগুন বোজেবার্‌ টেং-বদঙুন্‌ পিদোল্লোই বানা অলঅ‌। খুদোগুনোর লগে লাগেবার্‌ হুক্ আর বাঁনেদে-পাত্‌ রূবোলোই বানা অলঅ। খুঁদোগুনোর্‌ মাদাগুনো রূবোলোই বেড়েই দিয়্যে অলঅ‌। উদোনর্‌ বেক্‌ খুদোগুনত্‌ রূবোর্‌ বানেদে-পাত লাগা অলঅ‌।

যাত্রা 38:17 ပူးပေါင်းရင်းမြစ်များ

১ রাজাবলী 7:16

সে দ্বিবে থুনি উগুরে দিবাত্তে তে পিদল ছাজি ফেলেনে দ্বিবে মাঢা বানেল। মাঢা দ্বিবে এক ইক্কো পাচ্ আত্‌ গুরি অজল এলঅ।

যাত্রা 27:10

সেই পর্দাগানি ঠাঙেবাত্তে কুড়িবো খুদো থেবাক্। খুদোগুনোর্‌ তলে থেবাক্‌ এক্কো গুরি পিদোলর্‌ টেং-টগ্, আর খুদোগুনোর্ লগে লাগেয়ে থেবাক্‌ রূবোর্‌ হুক্‌ আর বানিবার-পাত।

যাত্রা 38:16

উদোনর্‌ চেরোকিত্তে বেক্‌ পর্দানি পাগেয়্যে মসীনা সুদোলোই বানা অলঅ‌।

যাত্রা 38:18

উদোনর্‌ দোরানত্তেয়ো এক্কান্‌ পর্দা বানা অলঅ‌। ইয়েন্‌ য়েল্, বিগুনি আর রাঙা রঙয়র্‌ সুদো আর পাগেয়্যে মসীনা সুদোর্‌ এক্কান্‌ নক্‌শা গোজ্যে জিনিস। এই পর্দাগান্‌ কুড়ি আত্‌ লাম্বা আর উদোনর্‌ অন্য পর্দা ধোক্ক্যেন পাঁচ আত্‌ উজু গুরি বানা অলঅ‌।

গণাণা 3:36

মরারীয়গুনোর্‌ দায়িত্বো এলদে থেবার-তাম্বুলোর ফ্রেমানি, তার হুক্, খুদো, টেঙানি আর তার্‌ বেক্‌ পযাপিরানি,

গণাণা 4:32

ইয়েন্‌বাদে, চেরোকিত্তে উদোনর্‌ বেক্‌ টেং-টক্কুন্ সহ খুঁদো, তাম্বুলোর খুঁদো, উদোন পর্দাগানর্‌ দুড়িগান্‌ আর সিয়েনির বেক্‌ মেশিনানি আর সিয়েনি কামত্‌ লাগেবার্‌ বেক্‌ লাগেদে পজা-পিরানিয়ো তারাত্তুন বুয়োই নেযা পুরিবো। কন্না কি বুয়োই নেযেব সিয়েনি তুমিই তারারে ঠিগ্ গুরি দিবে।