যাত্রা 37:23 - Chakma Bible

²³ খাটি সনালোই সাত্তো চেরাগ্‌, চেরাগ বুদ্ধিগানি কাজেবার্‌ চিম্‌টি আর চেরাগ বুদ্ধির পুড়ি যেইয়্যে কট্টাগানি রাগেবাত্তেই কয়েক্কো পিলে বানা অলঅ‌।

যাত্রা 37:23 ပူးပေါင်းရင်းမြစ်များ

যাত্রা 25:37

সে পরেদি খাটি সনালোই সাত্তো চেরাগ্‌ বানেইনে সেই চেরাগটগ উগুরে এমন্‌গুরি বজা পড়িবো যেনে চেরাক্কুন্‌ জ্বালানার্ পরেদি চেরাগটগ মুজুঙেদি জাগায়ান্‌ পহর্‌ অয়্‌।

যাত্রা 25:38

বুদ্দিবো কাজেবার্‌ চিম্‌টিগান আর বুদ্দিবোর্‌ পুজ্যে ভাক্কান্‌ রাগেবাত্তে কয়েক্কো পিলেয়ো খাটি সনালোই বানেই নেযা পড়িবো।

যাত্রা 37:22

কুড়ি আর ডেলা বেক্কুন্‌ চেরাগ বদঙত্তুন্‌ নিগিলি এলাক্‌ আর বেক্কানিয়ে মিজেনেই এক্কান জিনিস অলঅ‌। বেক্কান্‌ খাটি সনা পিদেইনে বানা অলঅ‌।

যাত্রা 37:24

ত্রিশ কেজি খাটি সনালোই এই চেরাগ বদঙো আর তার্‌ বেক্‌ পযাপিরানি বানা অলঅ‌।

সখরিয় 4:2

তে মরে কলঅ, “তুই কি দেগর্?” জোবত্ মুই কলুং, “মুই এক্কো সনার্ চেরাগ টগ্ দেগঙর্ যিবের্ মাঢাবোত্ রোইয়্যেদে এক্কো তেলর্ পিলে। সেই চেরাগ টগ উগুরে সাত্‌‌তো চেরাগ্ আর পত্তি চেরাগত্ সাত্‌‌‌তো চেরাগ বুদ্ধি রাগেবার জাগা আঘে।‌

গণাণা 8:2

“তুই হারোণরে কঅ, বদঙর্ সাত্‌তো চেরাগ তাত্তুন্‌ এমন্‌গুরি বজা পুরিবো যেনে সিগুনোর পহ্‌রান্ বদঙর মুজুঙো জাগানত্‌ পড়ে।”

ফগদাং পেইয়্যে 1:12

যিবে কধা কোইয়্যে তারে চেবাত্যে মুই ঘুরিনেই থিয়্যেলুং আর সনার সাত্‌টো চেরাগটগ্ দেগিলুং।

ফগদাং পেইয়্যে 1:20

যে সাত্‌টো সনার চেরাগ টগ্ আর মঅ ডেন্ আঢেদি যে সাত্‌টো তারা তুই দেগিলে সিয়েনর্ গুমুরো অত্তগান ইয়েন-সেই সাত্‌টো তারা অলঅ সেই সাত্‌টো মন্ডলীর সাতজন দূত আর সাত্‌টো চেরাগ টগ্ অলঅ সেই সাত্‌টো মন্ডলী।

ফগদাং পেইয়্যে 4:5

সেই সিংহাসনানত্তুন্ ঝিমিলেনি, দর্‌গরেপারা রঅ আর দেবাপেরাগর্ আবাজ্ নিগিলের্। সিংহাসনান মুজুঙোত্ সাত্‌টো বাট্টি জ্বলের্। সেই বাট্টিগুন গোজেনর্ সাত্‌টো আত্মা।

ফগদাং পেইয়্যে 5:5

যেরেদি নেতাগুনোত্তুন্ একজনে মরে কলঅ, “ন-কানিচ্। যিহূদা গুট্টির সিংহ, যিবে দায়ূদো গুট্টি, তে জিত্যে। তেয়ই সেই সাত্‌টো সীলমহ্‌র ভাঙিনে বোইবো মেলি পারে।”