যাত্রা 37:22 - Chakma Bible

²² কুড়ি আর ডেলা বেক্কুন্‌ চেরাগ বদঙত্তুন্‌ নিগিলি এলাক্‌ আর বেক্কানিয়ে মিজেনেই এক্কান জিনিস অলঅ‌। বেক্কান্‌ খাটি সনা পিদেইনে বানা অলঅ‌।

যাত্রা 37:22 ပူးပေါင်းရင်းမြစ်များ

গীতসংহিতা 51:17

ভাঙিপোজ্যে মনানই গোজেনর মানি লোইয়্যে উৎসর্ব; ও গোজেন, বুযিপোজ্যে (নত আহ্ নম্র) মনানিরে তুই তুচ্ছো ন-গুরিবে।

যাত্রা 25:31

খাটি সনালোই এক্কো চেরাগটগ বানেই নেযা পড়িবো। সিবের্‌ তলেদিগান্‌ আর সিয়োত্তুন্‌ উদি যেইয়্যে ডাদিগান্‌ সনা পিদেইনে বানেই নেযেবে। তার্‌ ফুলো ধোক্ক্যেন কদরাগুন, বোল্‌ আর ফুলুন্‌ চেরাগটগ ইত্তুন্‌ নিগিলি এবাক্‌ আর বেক্কানি মিলিনেই বানা এক্কান জিনিস অবঅ‌।

যাত্রা 25:36

বোল্ আর ডেলাবো বেক্কুন চেরাগটগত্তুন্‌ নিগিলি এবাক্ আর বেক্কুনে মিলিনেই এক্কান জিনিস অবঅ‌। বেক্কানি খাটি সনালোই পিদেইনে বানেই নেযা পড়িবো।

যাত্রা 37:21

চেরাগ বদঙত্তুন্‌ নিগিলি এচ্চ্যে বেক্কুনে ছোবুয়ো ডেলা ভিদিরে পত্তম দ্বিবে যিয়েনত্‌ মিজেয়োন সিগুনোর্‌ তলে এক্কো কুড়ি থেলঅ, দ্বিলম্বর দ্বিবের্ তলেন্দি আরঅ‌ এক্কো কুড়ি আর তিন লম্বর্‌ দ্বিবের্‌ তলেন্দিয়ো আরঅ‌ এক্কো কুড়ি।

যাত্রা 37:23

খাটি সনালোই সাত্তো চেরাগ্‌, চেরাগ বুদ্ধিগানি কাজেবার্‌ চিম্‌টি আর চেরাগ বুদ্ধির পুড়ি যেইয়্যে কট্টাগানি রাগেবাত্তেই কয়েক্কো পিলে বানা অলঅ‌।

যিশাইয় 5:10

ত্রিশ বিঘা আংগুর খেদত্তুন্ বানা বেইশ্ লিটার আংগুর-রস পাহ্ যেবঅ, আর এজশঅ আশি কেজি বিজ্ ফেলেইনে বানা আদার কেজি শোজ্য জর্মেব।”

১ করিন্হীয় 9:27

মুই বরং কিয়্যেগানরে দুঘ্ দিইনে নিজো অধিনোত্ রাগেয়োং, যেন অন্যগুনো ইধু গম্ হবর্ প্রচার গরানার্ পরেদি মুই নিজে বক্‌শিজ্‌ পেবার অযোগ্য ওই ন-পরং।

কলসীয় 3:5

সেনত্যে তমা পাপ-খাচ্চ্যদ ভিদিরে যিয়েনি আঘে সিয়েনি ভস্ত গুরি ফেলঅ। সিয়েনত্ আঘেদে নানান্ বাবোত্যে সিনেলী, অসিজি, কুবাসনা, ভান্ন্যেই আওজ্ আর লুভ্ যিয়েনরে এক বাবোত্যে মূত্তি পূজোয়ো কুয়ো অয়।