যাত্রা 37:20 - Chakma Bible

²⁰ চেরাগ বদঙর্‌ ডাদিগানর্‌ মোধ্যে মোধ্যেয়ো ফুল আর কুঁড়ি সহ বাদাম ফুলো ধোক্ক্যেন চাদে চের্‌বো চেরাগ্‌ বানা অলঅ‌।

যাত্রা 37:20 ပူးပေါင်းရင်းမြစ်များ

যাত্রা 25:31

খাটি সনালোই এক্কো চেরাগটগ বানেই নেযা পড়িবো। সিবের্‌ তলেদিগান্‌ আর সিয়োত্তুন্‌ উদি যেইয়্যে ডাদিগান্‌ সনা পিদেইনে বানেই নেযেবে। তার্‌ ফুলো ধোক্ক্যেন কদরাগুন, বোল্‌ আর ফুলুন্‌ চেরাগটগ ইত্তুন্‌ নিগিলি এবাক্‌ আর বেক্কানি মিলিনেই বানা এক্কান জিনিস অবঅ‌।

যাত্রা 25:33

ফুল আর বোলুন্‌ সুদ্ধো বাদাম ফুলো ধোক্ক্যেন চাদে তিন্নো চেরাগ পত্তম ডেলাবোর্‌ মোধ্যে মোধ্যে থেবাক্। সে পরেদি ডেলাবোত্‌অ সেধোক্ক্যেন তিন্নো চেরাগ থেবাক্। চেরাগটগত্তুন্ নিগিলি এচ্চ্যে ছোবুয়ো ডেলা একবাবোত্যে অবাক্‌।

যাত্রা 25:34

চেরাগটগ ডাদিগানর্‌ মোধ্যেয়ো ফুল আর বোল্ সুদ্ধো বাদাম ফুলো ধোক্ক্যেন চাদে চের্‌বো চেরাগ্‌ থেবঅ।

যাত্রা 37:19

পত্তম ডেলাবোর্‌ মোধ্যে মোধ্যে ফুল আর কুঁড়ি সহ বাদাম ফুলো ধোক্ক্যেন চাদে তিন্নো চেরাগ বানা অলঅ‌। সে পরেন্দি ডেলাবোদ্‌অ সেধোক্ক্যেন গরা অলঅ‌। চেরাগ বদঙত্তুন্‌ নিগিলি এচ্চ্যে ছোবুয়ো ডেলা এক বাবোত্যে অলাক্।

যাত্রা 37:21

চেরাগ বদঙত্তুন্‌ নিগিলি এচ্চ্যে বেক্কুনে ছোবুয়ো ডেলা ভিদিরে পত্তম দ্বিবে যিয়েনত্‌ মিজেয়োন সিগুনোর্‌ তলে এক্কো কুড়ি থেলঅ, দ্বিলম্বর দ্বিবের্ তলেন্দি আরঅ‌ এক্কো কুড়ি আর তিন লম্বর্‌ দ্বিবের্‌ তলেন্দিয়ো আরঅ‌ এক্কো কুড়ি।

উপদেশক 12:5

সে অক্তত্ অজল্ জাগানত্ আর পধেদি যাদে তে দোরেব। সেক্কে বাদাম্ গাজত্ ফুল ধুরিবাক্, ফিরিঙুনে লাম্বা টেঙোই আঢিবাক্ আর কামনা-বাসনা আর্ উত্তেজিত ন-অবঅ। সে পরেদি তে যেবগোই তা উমর ঘরত্, আর আবিলেচ্ গুরিয়্যেগুনে পধে পধে ঘুরিবাক্।

যিরমিয় 1:11

সে পরেদি লগেপ্রভু মরে কলদে, “যিরমিয়, তুই কি দেগর্?” জোবত্ মুই কলুং, “মুই বাদাম গাজর্ এক্কো ডেলা দেগঙর্।”

গণাণা 17:8

তার্‌কেল্যে মোশি সাক্ষ্য-তাম্বুলোত্‌ চোমেইনে দেগিলো, লেবি-গুট্টির পক্ষে থোয়্যে হারোণর লুদিক্কো উগুরে বানা যে অংকুর দেগা দিয়্যে সিয়েন নয় সিয়েনত্‌ বোল্‌ পোজ্যে, ফুল ফুদিনে বাদামঅ ধোজ্যে।