যাত্রা 35:2 - Chakma Bible

² সাপ্তায়্‌ ছয়দিন তুমি কাম্‌ গুরিবা মাত্তর্‌ সাত দিন্নো অবদে তমার্‌ এক্কো যুদো গুরি রাগেয়্যে দিন, লগেপ্রভুর্‌ নাঙে জিরেবার্‌ দিন। সেই দিনোত্‌ যে কাম্‌ গুরিবো তারে মারে ফেলা অবঅ‌।

যাত্রা 35:2 ပူးပေါင်းရင်းမြစ်များ

যাত্রা 16:23

সেক্কে মোশি তারারে কলদে, “ইয়েন্‌ লগেপ্রভুর্‌ কধা। এজেত্তে কেল্যে জিরেবার্‌ দিন, লগেপ্রভুর পবিত্র জিরেবার্‌দিন। সেনত্তেই যেদক্কানি সিঁগি নিবার নেযঅ‌ আর যেদক্কানি উজিবার্ গুরিবার উজিবার্ গুরি নেযঅ‌; বাদ্‌বাগীগানি তার্‌ কেল্যে বেন্যেত্তেই থোই‌ দুয়ো।”

যাত্রা 23:12

তুমি সাপ্তায় ছয়দিন কাম্‌ গুরিবা মাত্তর্‌ সাত দিনোত্‌ কনঅ‌ কাম্‌ ন-গুরিবা। সেক্কে তমার্‌ গোরু আর গাধাগুনে জিরেন্‌ পেবাক্‌ আর তমা ঘরত্‌ জোর্মেয়োন এধোক্ক্যেন চাগর্‌ বা চাগরানী আর অন্য জাদর্‌ মানুচ্চুনেয়ো কামত্তুন্‌ জিরেন পেবাক্‌।

যাত্রা 34:21

“সাপ্তায়্‌ ছয়দিন তুমি কাম্‌ গুরিবা মাত্তর্‌ সাত্‌ দিনোত্‌ জিরেবা। এমন্‌ কি, চাষ গুরিবার্‌ আর ফসল কাবিবার্‌ অক্তত্‌অ সিয়েন্‌ গরা পুরিবো।”

যিশাইয় 58:13

“যুনি তুমি জিরেবার দিন্নো পালঅ আর মর্ সুদ্ধো-সাংগ দিন্নো নিজোরে হুজি ন-গরঅ, যুনি জিরেবার দিন্নোরে ফুত্তিবলা ন-গরঅ আর লগেপ্রভুর দিন্নোরে সর্মানর যগাজ্যে মনে গরঅ, যুনি নিজো হুজি ধোক্ক্যেন ন-চলিনে সেই দিন্নোর সর্মানান্ রাগঅ আর যিয়েন হুজি সিয়েন ন-গরঅ বা বাজে কধা ন-কঅ,

লেবীয় 23:3

সাপ্তায় ছদিন তুমি কাম্‌ গুরি পারিবা মাত্তর্‌ সাত দিনোত্‌ অবঅ জিরেবার্‌ দিন, অত্তাৎ পবিত্র মিলন-সভার দিন। এ দিনোত্‌ তুমি কনঅ কাম্‌ ন-গুরিবা। তুমি যিয়েনত্‌ বজত্তি গত্তা সাৎ এ দিন্য অবঅ লগেপ্রভুর নাঙে জিরেবার্‌ দিন।”

যোহন 5:16

জিরেবার্ দিনোত্ যীশু এ বেক্‌ কামানি গোজ্যে বিলি যিহূদী নেতাগুনে তারে মারে ফেলেবাত্তে চেষ্টা গুরিলাক্।