যাত্রা 33:2 - Chakma Bible

² মুই তমার আগে আগে এক্কো স্বর্গদূতরে পাদেইনে সেই দেজত্তুন্‌ কনানীয়, ইমোরীয়, হিত্তীয়, পরিষীয়, হিব্বীয় আর যিবূষীয়গুনোরে ধাবেই দিম্‌।

যাত্রা 33:2 ပူးပေါင်းရင်းမြစ်များ

পত্থম 15:21

ইমোরীয়, কনানীয়, গির্গাশীয় আর যিবূষীয়গুনোর্‌ দেজ্‌ছানি।”

পত্থম 24:7

স্বর্গর গোজেন লগেপ্রভু মরে মঅ বাবঅ ঘর-ভিদে আর মর্‌ জর্মেয়্যে জাগাত্তুন্‌ নিগিলেই আনিলো। তে মঅ লগে কধা কোইয়্যে আর শমত্‌ খেইনে কোইয়্যেদে, এ দেজ্‌সান্‌ তে মঅ বংশবোরে দিবো। তে তঅ আগেন্দি তা দূত্তোরে সিদু পাদেই দিবো যেনে মঅ পুয়োবোর্‌ মোক্‌ অবাত্তে তুই সিয়েনত্তুন্‌ এক্কো মিলে আনি পারচ্‌।

যাত্রা 23:20

“যে জাগাগান্‌ মুই ঠিগ্ গুরি রাগেয়োং সিদু তমারে নেযেবাত্তে আর পদত্‌ রোক্ষ্যে গুরিবাত্তে মুই তমা আগেদি একজন দূতরে পাধেই দুয়োঙর্‌।”

যাত্রা 3:17

সেনত্যে মুই কঙর্‌, মিসর দেজর্ অত্যেচারত্তুন্‌ নিগিলেনে মুই তমারে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনোর দেজত্‌ নেযেম্‌। সিয়েনত্ দুধ, মধু আর কনঅ কিজুর্‌ অভাব নেই।

যাত্রা 3:8

মিসরীয়গুনোর্‌ আঢত্তুন্‌ তারারে রোক্ষ্যে গুরিবাত্যে মুই লামি এচ্চোং। মুই তারারে সে দেজত্তুন্‌ নিগিলেনে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনো দেজত্‌ নেযেম্‌। দেজ্‌সান্‌ এদক্‌ দাঙর্‌ আর দোল্; সিয়েনত্‌ দুধ, মধু আর কনঅ কিজুর্‌ অভাব নেই।

যাত্রা 32:34

শুনিচ্‌, যে জাগানর্‌ কধা মুই কোইয়োং তুই ইক্কিনে যেইনে মানুচ্চুনোরে সিদু নেযা। মর্‌ দূত্‌তুনে তমারে পথ্‌ দেগেইনে নেযেবাক্‌। যেক্কে সাজা-দিবার্‌ অক্ত এবঅ‌ সেক্কে মুই তারারে পাপর্‌ সাজা দিম্‌।”

যাত্রা 33:12

পরেদি মোশি লগেপ্রভুরে কলঅ, “তুই মরে এই মানুচ্চুনোরে নেযেবাত্তে কোইয়োচ্‌, মাত্তর্‌ মর্‌ লগে কারে পাধেবে সিয়েন্‌ দঅ ন-কচ্‌। তুই কোয়োচ্চে তুই মরে তর্‌ নিজোর্‌ বিলিনেই জানচ্‌ আর মঅ‌ উগুরে তর্‌ দোয়্যে আঘে।”

যাত্রা 34:11

এচ্চ্যে মুই তমারে যে উগুমানি দিম্‌ সিয়েনি তুমি পালেবা। ইমোরীয়, কনানীয়, হিত্তীয়, পরিষীয়, হিব্বীয় আর যিবুষীয়গুনোরে মুই তমা মুজুঙোত্তুন্‌ ধাবেই দিম্‌।

যাত্রা 34:24

দেজ ভিদিরে বেক্‌ জাদ্‌তুনোরে মুই তমা মুজুঙোত্তুন্‌ ধাবেই দিম্‌ আর তমার দেজর্‌ দুযিবো বাড়েই দিম্‌। বজরে তিনবার্‌ গুরি যেক্কে তুমি তমার্‌ গোজেন লগেপ্রভুর্‌ মুজুঙোত্‌ আঝিল্ অবাত্তে যেবা সেক্কে কনজনে তমা জাগা-জোমিগানি উগুরে লুভ্‌ ন-গুরিবাক্‌।

সখরিয় 12:8

সেদিন্যে মুই যিরূশালেমর আদাম্মেগুনোরে রোক্ষ্যে গুরিম। তারা ভিদিরে বেগত্তুন্ বল্‌‌পোজ্যে মানুচ্চুন্‌অ দায়ূদো ধোক্ক্যেন অবাক্ আর দায়ূদোর বংশধরুনে গোজেন ধোক্ক্যেন, অত্তাৎ লগেপ্রভুর দূতো ধোক্ক্যেন তারার্ আগে আগে যেবঅ।

দ্বি’লম্বর বিররণ 7:22

তমার গোজেন লগেপ্রভুই তমা মুজুঙোত্তুন্‌ সে বেক্‌ জাদ্‌তুনোরে লারে লারে ধাবেই দিবো। তারারে বেক্কুনোরে তুমি একসমারে ধাবেই ন-দিবা, সালে তমার চেরোকিত্তে ঝাড়্‌বো য়েমানর্‌ সোংখ্যেগুন্‌ বাড়ি যেবাক্‌।

যিহোশূয় 24:11

“ ‘সে পরেন্দি তুমি যর্দনান্‌ পার্‌ ওইনে যিরীহোত্‌ এলা। যিরীহো শঅরর্‌ মানুচ্চুনে আর ইমোরীয়, পরিষীয়, কনানীয়, হিত্তীয়, গির্গাশীয়, হিব্বীয় আর যিবূষীয়গুনে তমা বিরুদ্ধে যুদ্ধো গুরিলাক্‌, মাত্তর্‌ মুই তারারে বেক্কুনোরে তমা আঢত্‌ তুলি দিলুং।

যিহোশূয় 3:10

জেদা গোজেনে যে তমা ভিদিরে আঘে আর তেয়ই যে কনানীয়, হিত্তীয়, হিব্বীয়, পরিষীয়, গির্গাষীয়, ইমোরীয় আর যিবূষীয়গুনোরে হামাক্কায় তমা মুজুঙেত্তুন্‌ ধাবেই দিবো সিয়েন তুমি এধোক্ক্যেনগুরি বুঝি পারিবা।

বিচের গুরিয়্যেগুন 6:9

মিসর রাজার্‌ খেমতাত্তুন্‌ আর অত্যেচারীগুনোর আঢত্তুন্‌ মুয়ই তমারে রোক্ষ্যে গোজ্যং। তমা মুজুঙোত্তুন্‌ মুয়ই তারারে ধাবেই দিইনে তারার দেজ্‌চান তমারে দুয়োং।