যাত্রা 32:35 - Chakma Bible

³⁵ হারোণর্ বানেয়্যে গোরু ছবোলোই মানুচ্চুনে যিয়েনি গোজ্যন্‌ সিয়েনিত্যে লগেপ্রভু তারা উগুরে দাঙর্‌ দজা পাধেই দিলো।

যাত্রা 32:35 ပူးပေါင်းရင်းမြစ်များ

পত্থম 12:17

মাত্তর্‌ অব্রাম মোক্কো সারীত্যে লগেপ্রভু ফরৌণ আর তা ঘরত্‌ বেক্‌ মানুচ্চুনো ভিদিরে নানান্‌ বাবোত্যে অমকদ অসুগ্ দিলো।

যাত্রা 32:24

এই কধাগান্‌ শুনিনে মুই তারারে কোলুং, যিগুনোর্‌ সনার্‌ গহনা আঘে তারা যেনে সিয়েনি খুলিনেই মইদু আনন্‌। তারা মরে সনা আনি দিবার্‌ পরেদি মুই সিয়েনি আগুনোত্‌ মেলা মারি ফেলেই দিলুং আর সেক্কে এই গোরু ছবো নিগিলি এলঅ‌।

যাত্রা 32:25

মোশি দেগিলোদে মানুচ্চুনে অমকদ বেশ্ ওইয়োন। তে বুঝি পারিলো হারোণে তারারে আঢ বারেদি যেবাত্তে দিয়্যে আর সেনত্যেই শত্রুগুনো ইদু তারা খুজির্‌ মানুচ্‌ ওইয়োন্‌।

যাত্রা 32:28

লেবীয়গুনে মোশির্‌ উগুম মজিম্ কাম্‌ গুরিলাক। সেক্কে সেদিন্যে প্রায়্‌ তিন আজার্‌ মানুচ্‌ মারা পড়িলাক্।

যাত্রা 32:4

মানুচ্চুনে হারোণরে যিয়েনি দিলাক্‌ সিয়েনি গোলেইনে ছাচি ছাজাই মিশিন্দোই তে গোরু ছঅ ধোক্ক্যেন এক্কো মূত্তি বানেল। সিবে দেগিনেই ইস্রায়েলীয়গুনে কলাক্, “ভেইলক্‌, ইবে ভিদিরে আগন্‌ তমার দেব-দেবেদাগুন্‌। মিসর্‌ দেজত্তুন্‌ এই দেব-দেবেদাগুনে তমারে নিগিলে আন্যন্‌।”

গণাণা 25:9

মাত্তর্‌ যিগুনে সেই ভানাগানদোই মুরি গেলাক্ তারা সোংখ্যেদি এলাক চোব্বিশ আজার।

প্রেরিত্‌ 1:18

ভান্ন্যেই কাম্বোই যিহূদা যে টেঙাগুন্ পেয়্যে সিগুনদোই তে এক্কেনা ভুই কিনিলো আর সিয়েনত্ পড়িনে তা পেট্‌তো ফাদি গেলঅ আর আদুড়ি নিগিলি গেলঅ।

প্রেরিত্‌ 7:41

এ সময়ানত্ তারা গোরু ছঅ ধোক্ক্যেন্ গুরি এক্কো মূর্ত্তি বানেয়োন। তারা সেই মূর্ত্তিবো ইধু য়েমান ডালি দুয়োন্ আর নিজো আঢে যিবে বানেয়োন সিবেলোই তারা এক্কো খুজীর্ উৎসব গোজ্যন্।