যাত্রা 32:28 - Chakma Bible

²⁸ লেবীয়গুনে মোশির্‌ উগুম মজিম্ কাম্‌ গুরিলাক। সেক্কে সেদিন্যে প্রায়্‌ তিন আজার্‌ মানুচ্‌ মারা পড়িলাক্।

যাত্রা 32:28 ပူးပေါင်းရင်းမြစ်များ

গীতসংহিতা 99:8

ও আমা গোজেন লগেপ্রভু, তুই তারার ডাগনিলোই শমক্ দিদে; তুই তারার খেমাগুরিয়্যে গোজেন ইজেবে এলে, যুনিয়ো তারার অন্যেয়র সাজা দিবাত্তে তুই ন-ছাড়স্।

যাত্রা 32:27

সেক্কে তে তারারে কলঅ‌, “ইস্রায়েলীয়গুনোর গোজেন্‌ লগেপ্রভু কোইয়্যেদে, ‘তুমি বেক্কুনে নিজোর্‌ নিজোর্‌ কমরত্‌ লাম্বা কিরিচ্‌ বানি নেযঅ‌, আর তাম্বুলোর্‌ বেক্‌ জাগানিত্‌ যেইনে যিবেরে মুজুঙোত্‌ পঅ‌ তারেই মারে ফেলঅ‌-তে ভেই‌ ওক্‌, সমাজ্যে ওক্‌ বা আদাম্মে ওক্‌।’ ”

যাত্রা 32:29

সে পরেদি মোশি কলদে, “তুমি এচ্চ্যে লগেপ্রভুর্ নাঙে নিজোরে ফারক্‌ গুরি নেযঅ, কিত্তে তুমি নিজোর্‌ নিজোর্‌ পূঅ আর ভেইয়ুনোর্‌ বিরুদ্ধেয়ো ঠিয়্যেদে পিজেন্দি ন-আলঅ‌। সেনত্তে এচ্চ্যে তুমি লগেপ্রভুর্‌ আশিদ্‌বাদ পেলা।”

যাত্রা 32:35

হারোণর্ বানেয়্যে গোরু ছবোলোই মানুচ্চুনে যিয়েনি গোজ্যন্‌ সিয়েনিত্যে লগেপ্রভু তারা উগুরে দাঙর্‌ দজা পাধেই দিলো।

গণাণা 16:41

সে পরেদি দিন্নোত্‌ ইস্রায়েলীয় সমাজর্‌ বেক্কুনে মোশি আর হারোণর বিপক্ষে বক্‌বক্‌ গরা দোজ্যন্‌ আর কলাক্, “তুমিই লগেপ্রভুর মানুচ্চুনোরে মারে ফেল্ল্য।”

গণাণা 25:7

ধর্মগুরু হারোণর নাদিন্‌ ইলিয়াসরর পূঅ পীনহসে এ বেপারান্‌ দেগিনে দল ছাড়িনে আঢত্‌ সেল্ নেযেইনে সেই ইস্রায়েলীয় মানুচ্চোর্‌ পিজে পিজে তা তাম্বুলান ভিদিরে যেইনে সুমিলো আর সেল্‌লো তে সেই ইস্রায়েলীয় আর মিদিয়োনীয় মিলেবোর্‌ পেদঅ ভিদিরে ভোরেই দিলো। ইয়েনর্ পরেদি ইস্রায়েলীয়গুনো ভিদিরেত্তুন্‌ ভানাগান্ দূর্‌ অলঅ।

গণাণা 35:8

ইস্রায়েলীয়গুনোর সোম্বোত্তিত্তুন্‌ লেবীয়গুনোর্‌ যেদক্কানি আদাম আর শঅর দিয়্যে অবঅ সিয়েনি পত্তি গুট্টির পেইয়্যে সোম্বোত্তির পরিমাণান বুঝেই দিয়্যে পুরিবো। যে গুট্টিবোর ভাগত্‌ বেশ্‌ আদাম আর শঅর পড়িবো সেই গুট্টিবোত্তুন্‌ বেশ্‌ আর যে গুট্টিবোর ভাগত্‌ কম্‌ আদাম আর শঅর পড়িবো সেই গুট্টিবোত্তুন্‌ কম নিবা।”

১ করিন্হীয় 10:8

তারা ভিদিরে ভালোকজনে বেভিচের্ গরানার্ ফলে এক দিনোত তেইশ্ আজার মানুচ্‌ মুরি যেয়োন। আমি যেন সেবাবোত্যে বেভিচের্ ন-গুরিই।

দ্বি’লম্বর বিররণ 33:9

নিজোর বাপ-মারে দাঙর্ গুরি ন-দেগানা, নিজোর ভেইয়োরে স্বীগের্ ন-গরানা, নিজোর পূঅ-ঝিগুনোরে অস্বীগের্ গরানা, তে তর্‌ কধানি চুগি দিয়্যে আর তর্‌ বেবস্থাগান্‌ রোক্ষে গোজ্যে।