যাত্রা 32:22 - Chakma Bible

²² জোবত্‌ হারোণে কলঅ, “তুই রাগ ন-গুরিচ্‌, তুই দঅ হবর্‌ পাজ্ ভান্ন্যেয়দি এই মানুচ্চুনোর অভ্যেস্‌।”

যাত্রা 32:22 ပူးပေါင်းရင်းမြစ်များ

পত্থম 44:18

সেক্কে যিহূদা যোষেফ ইধু উজেই যেইনে কলঅ, বাবু, তুই ফরৌণ জাগানত্‌ আগচ্‌, সেনত্তে তঅ চাগর্‌বোরে তঅ মুজুঙোত্‌ দু-এক্কান কধা কবাত্তে উগুম দে। তঅ চাগর্‌বো উগুরে তুই রাগ্‌ ন-গুরিচ্‌।

গীতসংহিতা 36:4

বিচ্চোনত্ পুরিনেয়ো তারা বজং বুদ্ধি গরন্; তারা অন্যেয় পধেদি নিজোরে ছাড়ি দুয়োন্ আর ভান্ন্যেইয়ানি কোচ্‌পান্।

যাত্রা 14:11

তারা মোশিরে কলাক্, “মিসরত্‌ গোর্ দিবার্‌ জাগা নেই বিলিনে কি মুরিবাত্যেই তুই এই ধূল্যেচর চাগালাত্‌‌ আমারে আন্যচ্‌? মিসরত্তুন্‌ নিগিলেই আনিনে তুই‌ আমারে ইয়েন্‌ কি গুরিলে?

যাত্রা 15:24

সেক্কে মানেইয়ুনে তোস্যে পেইনে মোশিরে কলাক্‌, “ইক্কিনে আমি হেবার্‌ পানি কুদু পেবং?”

যাত্রা 16:20

মাত্তর্‌ কয়েকজনে মোশির কধা ন-শুনিনে বেন্যে মাদানত্যে কিজু রাগেই দিলাক্। সেক্কে সিয়েনিত্‌ পুগেই ধুরিলাক্ আর পঁজাবাজ্‌ ওই‌ গেলঅ। এ অবস্থা দেগিনে মোশি তারা উগুরে রাগে জুলি উদিলো।

যাত্রা 16:28

সেক্কে লগেপ্রভু মোশিরে কলঅ‌, “আর কয়দিন তুমি মর্‌ উগুম্‌ আর হুকুম্‌ ন-মানিনেই চুলিবা?

যাত্রা 32:1

মুড়োবোত্তুন লামি এত্তে মোশির্‌ দেরি অর্‌ দেগিনে মানুচ্চুনে হারোণর্‌ চেরোকিত্তে এগত্তর্‌ ওইনে কলাক্‌, “পথ্‌ দেগেইনে নেযেবাত্তে তুই‌ আমারে ভুত্‌-দেবেদা বানেই দে কিত্তে সেই মোশি, যে আমারে মিসর দেজত্তুন্‌ নিগিলেই আন্যে, তার্‌ কি ওইয়্যে আমি হবর্‌ ন-পেই।”

যাত্রা 32:21

তে হারোণরে কলঅ‌, “সেই মানুচ্চুনে তরে কি গোজ্যন্‌দে, তুই তারারে এবাবোত্যেগুরি অমহদ পাপর্‌ কামত্‌ টানি আনিলে?”

গম্ উপদেজ্ 4:16

কিত্তে ভান্ন্যেই কাম ন-গুরিলে পাজিগুনোর ঘুম্ ন-অয়; কাররে উজোত্ হাবেই ন-পারিলে তারার ঘুম্ ন-এজে।

দ্বি’লম্বর বিররণ 31:27

তুমি যে কেধোক্ক্যেন একবুস্যে আর উল্লোমি সিয়েন মর্‌ জানা আঘে। মুই তমা সমারে বাঁজি থাগদে যেক্কে তুমি লগেপ্রভুর বিরুদ্ধে উল্লোমি গোজ্য সেক্কে মুই মুরি যানার পরেন্দি আরঅ কত্তমান্‌ সিয়েন গুরিবা।

দ্বি’লম্বর বিররণ 9:24

মুই যেক্কেত্তুন্‌ ধুরি তমারে চিনি পাজ্যং সেক্কেত্তুন্‌ ধুরি দেখ্যংগে, তুমি লগেপ্রভুর বিরুদ্ধে বানা উল্লোমী গুরি যল্লোই।

দ্বি’লম্বর বিররণ 9:7

তুমি ধূল্যেচর-চাগালাত্‌ তমার্‌ গোজেন লগেপ্রভুর রাক্কান্‌ কিঙিরিনে জাগেই তুল্য সিয়েন্‌ মনত্‌ রাগেয়ো, কনদিনঅ ভুলি ন-যেয়ো। মিসর দেজছান ছাড়ি এজানার্‌ দিনোত্তুন্‌ ধুরি আরাম্ভ গুরিনে ইদু লুমোনা সং তুমি লগেপ্রভুর বিরুদ্ধে উল্লোমির্‌ ভাব মনত্‌ গুরি এজর্‌।

১ শমূয়েল 15:15

জোবত্‌ শৌল কলঅ, “অমালেকীয়গুনো ইত্তুন্‌ ইগুনোরে আনা ওইয়্যে। তর্‌ গোজেন লগেপ্রভুর নাঙে উৎসর্ব গুরিবাত্তে সৈন্যগুনে গম্‌ গম্‌ গোরু আর ভেড়াছাগল রাগেই দুয়োন; মাত্তর্‌ বাদ্‌বাগি বেক্কানি আমি এক্কুবারে শেজ্‌ গুরি দিয়্যেই।”

১ শমূয়েল 15:21

মাত্তর্‌ ভস্ত গুরিবাত্তে ঠিগ্ গুরি রাগেয়্যে পযাপিরাত্তুন্‌ সৈন্যগুনে কদুক্কুন গম্‌ গম্‌ গোরু আর ভেড়াছাগল আন্যন্‌, যেনে গিল্‌গলত্‌ তর্‌ গোজেন লগেপ্রভুর নাঙে সিগুনোরে তারা উৎসর্ব গুরি পারন।”

১ শমূয়েল 15:24

শৌল সেক্কে শমূয়েলরে কলঅ, “মুই পাপ গোজ্যং। লগেপ্রভুর উগুম আর তর্‌ উগুম মুই হামাক্কায় অমান্য গোজ্যং। মানুচ্চুনোর দরে মুই তারার কধা মজিম্ কাম গোজ্যং।