যাত্রা 32:17 - Chakma Bible

¹⁷ যিহোশূয় মানুচ্চুনোর্‌ কিজিক্-কাজাক্ শুনিনে মোশিরে কলঅ, “তাম্বুলত্তুন্‌ যুদ্ধোর্‌ রঅ‌ শুনো যার্‌।”

যাত্রা 32:17 ပူးပေါင်းရင်းမြစ်များ

১ বংশধর 7:27

ইলীশামা পুয়ো নূন আর নূন পুয়ো যিহোশূয়।

ইয়োব 39:25

তূরীর রঅবোর্ সমারে সমারে তে নাগেদি রঅ গরে; তে দূরোত্তুন্ যুদ্ধোর বাজ্ পায় আর সেনাপতিগুনোর রঅ ছাড়ানা আহ্ যুদ্ধোর রঅ শুনে।

গীতসংহিতা 47:1

ও বেক্ জাদ্‌তুন, তুমি আঢতালি দুয়ো; গোজেনর নাঙে হুজিয়ে রঅ ছাড়।

যাত্রা 17:9

সেক্কে মোশি যিহোশূয়োরে কলঅ‌, “তুই আমা ভিদিরেত্তুন্‌ মানুচ্‌ বেঈ লোইনে অমালেকীয়গুনো বিরুদ্ধে যুদ্ধো গুরিবাত্তে যাহ্‌। মুই কেল্যে গোজেনর সেই লুদিক্কো মঅ আদত্‌ লোইনে মুড়োবো মাদা উগুরে যেইনে ঠিয়েম্‌।”

যাত্রা 24:13

এই কধাগান্‌ শুনিনে মোশি তারে এজাল্‌ দিয়্যে যিহোশূয়রে নেযেইনে যাহ্ ধুরিলো। সে পরেদি তে গোজেনর্ মুড়োবোত্‌ যেইনে উদিলো।

যাত্রা 32:16

সেই দ্বিবে অলঅ গোজেনর নিজো আদর্ কাম্‌, আর সিগুনো উগুরে কাবিনে লেখ্যে লেগাগান্অ তার্ অলঅ।

যাত্রা 32:18

জোবত্‌ মোশি কলদে, “সিবে যুদ্ধোত্‌ জিদিবার্‌ রয়ো নয়্‌, যুদ্ধোত্‌ উদি যেবার্‌ রয়ো নয়। মুই যিবে শুনোঙর্‌ সিবে গানর্‌ রঅ‌।”

যাত্রা 32:6

তার্‌ কেল্যে মানুচ্চুনে বেন্যেপোত্যে উদিনে পুজ্যে-উৎসর্ব আর উদোলোলি-উৎসর্বর অনুষ্ঠান্‌ গুরিলাক্। সে পরেন্দি তারা হানা-দানা গুরিবাত্তে বঝিলাক্‌ আর পরেন্দি রঅ রঅ গুরিনে ফুত্তি গুরিবাত্তে উদিলাক্‌।

যিরমিয় 51:14

বেগত্তুন্ খেমতাবলা লগেপ্রভু তার নিজো নাঙে শমক্ হেইনে কোইয়্যেদে, “মুই হামাক্কায় এক ঝাক্ পুগ্-যুগ্ পাল ধোক্ক্যেন মানুচ্ দিইনে তরে ভর্‌‌‌‌‌পুনং গুরিম, আর তারা তঅ উগুরে জিদেনার ডাগনি দিবাক্।”

আমোষ 1:14

সেনত্তে যুদ্ধো দিনোত্ যুদ্ধোর্ রঅত্, দর্‌‌‌‌গরেপারা ঝড় ধোক্ক্যেন যুদ্ধোত্ মুই রব্বার দেবালত্ আগুন বাজেই দিম; সিয়েনে তার্ ঘরানি পুড়ি ফেলেব।

আমোষ 2:2

সেনত্তে মুই মোয়াব উগুরে আগুন পাধেই দিম; সিয়েনে করিয়োতর্ ঘরানিরে পুড়ি ফেলেব। যুদ্ধোর্ ডাগ্ আর শিংগার রবো সমারে অমকদ যাগুলুক্ বাঁজিনে মোয়াবর অদপতন্ অবঅ।

যিহোশূয় 6:10

যিহোশূয় আগেন্দি মানুচ্চুনোরে এ উগুমান দিয়্যে, “তুমি কিজেক্‌ ন-কারিবা বা দাঙর্‌ দাঙর্‌ গুরি কধা ন-কবা বা মুয়ন্দি কনঅ‌ রঅ‌ ন-নিগিলেবা। যেদিন্যে মুই তমারে কিজেক্‌ কারিবাত্তে কোম্‌ বানা সেদিন্যে তুমি কিজেক্‌ কারিবা।”

যিহোশূয় 6:16

সাত বার ঘুরিবার সময়ানত্‌ যেক্কে ধর্মগুরুগুনে বাঁশিলোই একঢাল্যে রঅ‌ তুলিলাক্‌ সেক্কে যিহোশূয় মানুচ্চুনোরে উগুম দিলো্‌, “তুমি অমকদ দাঙর্‌ গুরিনে কিজেক্‌ কারঅ‌, কিত্যে লগেপ্রভু শঅরান তমারে দিয়্যে।

যিহোশূয় 6:20

বাশি বাঁজি উদিবার লগে লগে মানুচ্চুনে অমকদ রঅ‌ ছাড়ি ছাড়ি উদিলাক্‌। বাশির রঅ‌বোলোই যেক্কে মানুচ্চুনে অমকদ রঅ‌ দাঙর্‌ গুরি উদিলাক্‌ সেক্কে যিরিহো শঅরর্‌ দেবালানি ভাঙিনে পড়ি গেলঅ‌। সেক্কে বেক্‌ মানুচ্চুন শঅ‌র ভিদিরে চমিলাক্‌ আরঅ সিয়েন গজক্ গুরি নেযেলাক্‌।

যিহোশূয় 6:5

যেক্কে তুমি শুনিবা সে ধর্মগুরুগুনে বাশিলোই একঢাল্যে রঅ তুল্যন্‌ সেক্কে বেক্‌ মানুচ্চুনে অমকদ দাঙর্‌ গুরিনে কিজেক্‌কারি উদিবাক্‌। সেক্কে শঅরর্‌ দেবালানি ভাঙি পড়ি যেবঅ আর সেনে ইস্রায়েলীয়গুনে সিয়েনর উগুরেন্দি সোজা ভিদিরেন্দি চুমিবাক্কোই।”

বিচের গুরিয়্যেগুন 15:14

তে যেক্কে লিহীর ইদু লুমিলো সেক্কে পলেষ্টীয়গুনে জয়-জগার গুরি গুরিনে তাইন্দি এজা ধুরিলাক্‌। সেক্কে লগেপ্রভুর আত্মাগান পুরো বলান্দোই তা উগুরে এলঅ। সেক্কে তার আঢঅ দুড়িগানি পুড়ি যেইয়্যে শনঅ ধোক্ক্যেন্‌ অলঅ আর তা আঢত্‌ বান্যেগান খুলো গেলঅ।

১ শমূয়েল 17:20

দায়ূদে বেন্যেপোত্যে উদিনেই আরেকজন য়েমান চোড়েইয্যের্‌ আঢত্‌ তার ভেড়াছাগল পালুনোর ভারান্‌ দিলো। সে পরেন্দি যিশয়র উগুম মজিম তে বেক্‌ পযাপিরানি নেযেইনে আদা মারিলো। তে যেক্কে তাম্বুলো ইদু লুমিলো সেক্কে ইস্রায়েলীয় সৈন্যগুনে সুর্ বুধিনে যুদ্ধোর কিজেক্ দেদে দেদে নিগিলি যাদন্‌।

১ শমূয়েল 17:52

সেক্কে ইস্রায়েল আর যিহূদার মানুচ্চুনে জগার্‌ পাড়ি উদিলাক্ আর গয় আহ্ ইক্রোণর গেট্টো সং পলেষ্টীয়গুনোরে লোড়েই নেযেলা্ক্। পলেষ্টীয়গুনোর আঘাত পেইয়্যে মানুচ্চুনে গাৎ আর ইক্রোণত্‌ সং শারয়িমর পধে পধে পড়ি রলাক্।